हिब्रू 6:6 - ह्योल्‍मो

⁶ खुङ मास्‍यीकाला तेहपा लो़हदी तोङदी डोसीमानानी खुङला येहपाराङ स्‍या़बा पेह च्‍य़ूदी मास्‍यीका ङो़ले ख्‍योङ मी़हखुएँ। च्‍यिबेमाना खुङगी राहङदीराङ तेहन्‍दाला किन्‍ज्‍योगी स़ेबुला येहपाराङ क्‍याहङस्‍यीङला च्‍याङगे, ओहले खुङगी मिह थाम्‍ज्‍यीगी दिनला मास्‍यीकाला आब्रु तेन्‍गे।

हिब्रू 6:6 Referans Kwoze

२ पत्रुस 2:21

च्‍यिबेमाना किन्‍ज्‍योगी दिनला ठाबे सी़हगेन्‍गी लाहम ङोह स्‍य़ेदीलेॱआङ राहङगी ज्‍योरक्‍योकी नाम्‍पार-ताहक्‍पा का मी़हचीसीमानानी बरु खोगी दि लाहम नाहमॱआङ ङोह मा़हस्‍येबा यिहनानी काहजे या़हबु ओहङज्‍ये येहकें।

हिब्रू 10:29

ख्‍याया़ राहङगीराङ नोम्‍साङ ताङदोङ: किन्‍ज्‍योकी स़ेबुला राहङ काङबा चो़ला ज़्‍या़गे ओहले तिहक्‍पालेगी नाम्‍पार-ताहक्‍पा ज़ो नाङगे किन्‍ज्‍योकी ताहम्‍ज्‍या थिउ-निउ पेहकें मास्‍यीकाकी ठा़ला च्‍यि ल़ेहमुज्‍यीॱआङ मे़हनेगे ओहले काटीन नाङगेन्‍गी नाम्‍पार-ताहक्‍पा थुला स्‍ये़हन्‍डील पेहकें मिहला जेन काहजे छ्यिम्‍बु ङ्य़ेहबा फो़रो?

हिब्रू 6:4

च्‍यिबेमाना लेहमा च्‍यी़ किन्‍ज्‍योगी क्‍या-साङे ज्‍योर्ती स्‍यिहङगामकी काबापदीॱआङ प्रे़ह ङ्याहम सिहन्‍ग्‍योया़, ओहले नाम्‍पार-ताहक्‍पा थु ङ्याम्‍बुॱआङ च्‍यी़राङ डी़ सिहन्‍ग्‍योया़,

१ यूहन्‍ना 5:16

का़हलेॱआङ सुज्‍यीगी राहङगी नो़हला स्‍यिवाला मेहक्‍याल्‍गेन्‍गी तिहक्‍पा पेह तेहक्‍यो थोङसीमाना खोगी तेहन्‍दाला किन्‍ज्‍यो ङ्याम्‍बु सोल्‍वाङ ताप तेर कोहएँ, ओहले किन्‍ज्‍योगी खोला मिहली नाङज्‍ये येह। यिहॱनाङ स्‍यिवाला क्‍याल्‍गेन्‍गी तिहक्‍पाया़ॱआङ ओहङगे, ओ़हगी तेहन्‍दाला सुज्‍यीगी सोल्‍वाङ ताप तेर कोहएँ म़ेदीनी ङाह मेहमाएँ।

२ तिमोथी 2:25

ओहले टाह पेहकेनया़ला खोगी स्‍यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्‍सीमाना च्‍यी़राङ किन्‍ज्‍योगी खुङया़ला स्‍या़बा पेहकेन दाङ तेहन्‍दामकी स्‍याहल ङोह स्‍य़े ख़ूएँगी सेम नाङज्‍ये येह,

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

मत्ती 19:26

येशूगी खुङया़ला ज़ी़दी सुङ नाङसीन, “दि मिहया़ लाहमले ओहङॱराङ मी़हखुएँगी केच्‍या यिहम्‍बा, यिहॱनाङ किन्‍ज्‍यो लाहमले थाम्‍ज्‍यीराङ डुप ख़ूएँ।”

लूका 11:48

ओ़ह ल़ेहमुराङ पेहती ख्‍याया़ राहङगी आख्‍ये मे़हमेया़गी ल़ेहला पाङबु येह ओहले खुङया़ ङ्याम्‍बु छ्यो़ रुहप्‍ती येह। च्‍यिबेमाना खुङया़गी लुहङतेम्‍बाया़ला सेसीन ओहले ख्‍याया़गीदी लुहङतेम्‍बाया़गी तुहर्साया़ ज़ोएँ।

हिब्रू 4:14

स्‍यिहङगामला फेप नाङग्‍यो किन्‍ज्‍योकी स़ेबु येशू ओहराङगी गो-छ्येवा पूजाहारी यिहन्‍गे सोङबे ओहराङगी सेम तिहङ यिहन्‍ज्‍युराङ ची़दे ओहङग्‍यो यिह-छ्य़ेला सान्‍दी पेहती तेह कोहएँ।

हिब्रू 10:26

च्‍यिबेमाना तेहन्‍दामकी रिहक्‍स्‍यी ज्‍योर्तीॱआङ ओहराङगी ङोह स्‍य़ेदी स्‍य़ेदीॱआङ तिहक्‍पा पेहसीनमाना ता़ह तिहक्‍पाकी तेहन्‍दाला लेहमेन का़हन्‍दीॱआङ मार्च्‍ये म़ेह।