हिब्रू 6:12 - ह्योल्‍मो

¹² ओ़हठी पेहसीनमाना ख्‍याया़गी ल़ेहमी-लाहम पेहच्‍ये म़ेह यिहॱनाङ तेहपा दाङ ना़स्‍यीङ छ्यिम्‍बु पेहती किन्‍ज्‍योकी ताहम्‍ज्‍या तेहन्‍दा डुप च्‍य़ूगेन्‍गी मिहया़ ल़ेहमु डोज्‍ये येह।

हिब्रू 6:12 Referans Kwoze

हिब्रू 13:7

ख्‍याया़ला तोहङस्‍यो किन्‍ज्‍योकी लुहङ तेर्के लोबेनया़ला टेहम्‍बा साल्‍दोङ। खुङया़गी राहङगी मिहलीला पेहक्‍योगी या़हबु ल़ेहया़की तेहन्‍दाला ख्‍यागी नोम्‍साङ ताङदोङ ओहले खुङगी यिह-छ्य़े पेहक्‍यो ल़ेहमुराङ ख्‍याया़गीॱआङ पेहतोङ।

हिब्रू 10:36

किन्‍ज्‍योकी थु-सेम छाङबु पेहच्‍येला ओहले मिहरोगी ताहम्‍ज्‍या ज़्‍या़ नाङग्‍योकी केच्‍याया़ ज्‍योर्च्‍येला ख्‍या थिक-चि पेहती कू़हदी तेहतोङ।

१ यूहन्‍ना 2:25

ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।

रोमी 12:11

ल़ेहमी-लाहम माहबेबा पेहती कादुप च्‍येती ल़ेह पेहतोङ। यिहला स्‍युक छ्यिम्‍बु पेहती चो़वोला स्‍याहप्‍तो स्‍यी़हदोङ।

हिब्रू 5:11

दिगी तेहन्‍दाला ङ्यिहला माज्‍येनी माहङबुराङ येह, यिहॱनाङ ख्‍याला ङोह स्‍य़े च्‍य़ूज्‍येला का़हबु येह, च्‍यिबेमाना ख्‍यागी खोक्‍पा च्‍यान्‍दी काहल्‍दी येह।

२ पत्रुस 1:10

ओ़ह सोङबे आदा-नो़ह दाङ आज्‍यी-नुहमुया़, किन्‍ज्‍योगी ख्‍याया़ला क़े क्‍याहप नाङग्‍यो दाङ दाम नाङग्‍यो केच्‍याला थिउ-निउ पेहच्‍ये छोल्‍दोङ। ख्‍याया़गी दि ल़ेहमु पेहसीनमाना ख्‍या नाहमॱआङ रिहल्‍ज्‍ये म़ेह।

याकूब 1:3

च्‍यिबेमाना ख्‍याया़ला क्‍यी़ह येहबा ख्‍याती तेहपाला ङ्याहम च्‍येकेमु ख्‍यागी ना ख़ूएँगी स्‍युक छ्यिम्‍बु पेहती डोएँ।

हिब्रू 12:1

ओहराङ देजे माहङा मिह पाङबुया़गी पाहरक्‍यीला येहकें सोङबे ओहराङ डोएँगी लाहमला का़ज्‍ये छोल्‍गेन्‍गी से़हया़ ओहले ओहराङला कोहल च्‍य़ूगेन्‍गी तिहक्‍पाया़ला ओहराङगी क्‍युर कोहएँ ओहले ओहराङ थाक-ताङदी किन्‍ज्‍योगी ते़ च्‍यू़ नाङग्‍योगी ग्‍या़ ङो़ले छ्योङ कोहएँ।

हिब्रू 1:14

च्‍यि ओ़ह थाम्‍ज्‍यी स्‍यिहङगामकी स्‍याहप्‍च्‍यीया़ थार्पा ज्‍योर्केया़गी तेहन्‍दाला स्‍याहप्‍तो स्‍य़ूहज्‍येला ताङग्‍यो स्‍याहप्‍तो स्‍युहएँकी नाम्‍स्‍यीया़ मिहम्‍बा ले?

रोमी 4:12

अब्राहाम स्‍या-ताक पेहक्‍यो मिहया़ती च्‍यी़राङ आबा मिहम्‍बा यिहॱनाङ अब्राहामगी स्‍या-ताक पेहकें म़ेदी तोहङले किन्‍ज्‍योला तेहपा पेहती काह-ठि मिहजी ताङग्‍यो येहकें ओ़हठीॱराङ पेहती किन्‍ज्‍योला तेहपा पेहती मिहजी ताङगे मिहया़दीॱआङ आबा यिहम्‍बा।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

ज्‍याल्‍गा 13:10

चोन-खाङला डो कोहएँदी चोन-खाङलाराङ डोज्‍ये येह, पादाङगी तुप्‍ती स्‍यि कोहएँया़ पादाङगीॱराङ तुप्‍ती स्‍यिज्‍ये येह। ओ़ह सोङबे किन्‍ज्‍योकी मिहया़ ङ्याम्‍बु ना़स्‍यीङ छ्यिम्‍बु दाङ तेहपा ओहङ कोहएँ।

हिब्रू 11:33

तेहपा लाहमलेॱराङ खुङया़गी क्‍याहल-खाप थाम्‍ज्‍यी क्‍याहल्‍सीन ओहले सुलाॱआङ ङ्येम्‍बा-ङ्य़ेहरी माहबेबा पेहती ओङ छ्य़ेसीन। किन्‍ज्‍योगी ज़्‍या़ नाङग्‍योकी ताहम्‍ज्‍याॱआङ खुङया़गी ज्‍योर्सीन। ओहले तेहपा लाहमलेॱराङ खुङया़गी सिङग्‍यी-ता़या़गी खा छ्येबे तेह च्‍य़ूसीन।

हिब्रू 6:15

अब्राहामगी ना़स्‍यीङ छ्यिम्‍बु पेहती कू़हदी तेहसीन ओहले किन्‍ज्‍योगी ताहम्‍ज्‍या ज़्‍या़ नाङग्‍योकी मेलामया़ खोगी ज्‍योर्सीन।

२ थेसलोनिकी 1:4

ओ़ह सोङबे काहन्‍डुमु तुहक्‍पु दाङ हाल्‍ग्‍यीया़ ओहङॱनाङ ख्‍या फ़ेबे-म़ेहमेॱया थिर जेती किन्‍ज्‍योला तेहपा पेहती ज़्‍य़ू नाङसीन, दिगी तेहन्‍दाला किन्‍ज्‍योगी छेन्‍छोकया़की पाहरक्‍यीला ङ्यिह छ्य़ेन्‍दो तेन्‍दी ताम मा ख़ूएँ।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

लूका 16:22

“ङ्यिहमा च्‍यी़ ओ़ह प्राङबु लाजरस स्‍यिसीन। ओहले स्‍यिहङगामकी स्‍याहप्‍च्‍यीया़गी खोला अब्राहामगी पोहला ख्‍येर्ती ज़्‍या़सीन ओहले ओ़ह छ्युक्‍पु मिहॱआङ ङ्यिहमा च्‍यी़ स्‍यिसीन ओहले साला पिहप्‍सीन।

मत्ती 25:26

ओहजेला ताहक्‍पुगी खोला मासीन, ‘ए ङ्येहन्‍दा दाङ ल़ेहमी-लाहम योक्‍पु! ङाहगी मा़हचुबागी ग्‍या़ला टू़हगे दाङ माहताप्‍पागी डुया़ रूगे म़ेदी ख्‍येगी ह्‍अ कोहक्‍यो यिहन्‍सीमानानी,