हिब्रू 5:8 - ह्योल्‍मो

⁸ मास्‍यीका किन्‍ज्‍योगी स़ेबु यिहन्‍गे यिहॱनाङ राहङगी खुरक्‍यो तुहक्‍पुया़ लाहमले मिहरोगी राहङ याहपकी काया़ ची़ज्‍ये लोप नाङसीन।

हिब्रू 5:8 Referans Kwoze

फिलिप्‍पी 2:8

मिहरोगी मिहगी मिहली नोम्‍दे राहङगी राहङला फेमा ज़ो नाङसीन, ओहले स्‍यिवा थुराङ, पे यिहॱना़: क्‍याहङस्‍यीङला च्‍याङदी टोहङगे थुराङ मिहरोगी किन्‍ज्‍योगी का ची़ नाङसीन।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 6:38

च्‍यिबेमाना ङाह राहङगी सेमला ऩेक्‍योगी तामया़ छाङबु पेहच्‍येला स्‍यिहङगामले माहर ओहङग्‍यो मिहन, यिहॱनाङ ङाहला ताङ नाङगेन्‍दीती थु-सेम छाङबु पेहच्‍येला ङाह ओहङग्‍यो यिहम्‍बा।

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

हिब्रू 1:8

यिहॱनाङ ता़ह स़ेबुकी तेहन्‍दाला मिहरोगी दि ल़ेहमु सुङ नाङसीन, “ओ़ किन्‍ज्‍यो, राहङगी ज़्‍य़ू-ठि नाहम्‍स्‍यी किन्‍दुॱराङ लिहच्‍ये येह, ओहले राहङगी तेहन्‍दाम लाहमले ठिम ताङ नाङज्‍ये येह।

हिब्रू 1:5

किन्‍ज्‍योगी का़हन्‍दीॱआङ स्‍यिहङगामकी स्‍याहप्‍च्‍यीया़ला दि ल़ेहमु सुङ माहनाङ, “ख्‍ये ङाहती स़ेबु यिहम्‍बा, तिहरीङ ङाहगी ख्‍येला क्‍येदी येहबा।” येहपाराङ च्‍यि का़हन्‍दीॱआङ स्‍यिहङगामकी स्‍याहप्‍च्‍यीगी तेहन्‍दाला दि ल़ेहमु सुङ नाङदी येहबा ले, “ङाह खोगी याहप ओहङज्‍ये येह, खो ङाहती स़ेबु ओहङज्‍ये येह।”

मत्ती 3:15

यिहॱनाङ येशूगी खोला सुङ नाङसीन, “ताहन्‍दागी ती़हजीला दि रोहवाॱराङ डोज्‍यु, किन्‍ज्‍योगी थुला ठुङग्‍यो ल़ेहमुराङ तेहन्‍दा डुप च्‍य़ूज्‍येला ओहराङगी नाहरे दि ल़ेहमुराङ पेह कोहकें।” ओहले येशूगी दि स्‍याहल ङ्यिहन्‍दी यूहन्‍नागी येशूला बप्‍तिस्‍मा तेर्सीन।

हिब्रू 1:2

यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।

यूहन्‍ना 10:18

सुज्‍यीगीॱआङ ङाहलेगी ङाहती मिहजी ल़ेहन मी़हखुएँ, यिहॱनाङ ङाहला सेम ने़क्‍यो सोङबे ङाहती मिहजी चि क्‍याहप्‍को येह। ङाहती मिहजी चि क्‍याहप्‍केन्‍गी ओङ ङाह ङ्याम्‍बु येहबा, ओहले येहपाराङ लो लेहन्‍गेन्‍गी ओङॱआङ ङाह ङ्याम्‍बु येहबा। दि का ङाहती याहप लाहमले ङाहगी ज़्‍योरक्‍यो यिहम्‍बा” म़ेदी येशूगी सुङ नाङसीन।