हिब्रू 4:11 - ह्योल्‍मो

¹¹ ओ़ह सोङबे ओ़ह थाङ सोएँ ग्‍या़ला स्‍य़ूहज्‍येला ला़ खाजेबा स्‍युक पेहतोङ। ओहराङ सुज्‍यीॱआङ किन्‍ज्‍योकी का मा़हचीबा सोङबे तोङदी माहन्‍डोज्‍यु।

हिब्रू 4:11 Referans Kwoze

हिब्रू 3:18

किन्‍ज्‍योगी का मी़हची़एँया़ॱराङ मास्‍यीकागी थाङ सो नाङगेन्‍गी ग्‍या़ला नाहमॱआङ स्‍युह ङ्युहङज्‍ये म़ेह सुङदी किन्‍ज्‍योगी ना क्‍याल नाङग्‍यो मिहम्‍बा ले?

लूका 13:24

ओहले येशूगी सुङ नाङसीन, “स्‍याहङ फेमागी कोह लाहमले नाहङला स्‍य़ूहज्‍येला निङरु पेहतोङ। ङाहगी ख्‍याला माएँ, मिह माहङबुराङ ओ़ह स्‍याहङ फेमागी कोह लाहमले नाहङला स्‍य़ूहज्‍ये छोल्‍ज्‍ये येह, यिहॱनाङ स्‍य़ूह ख़ूज्‍ये म़ेह।

हिब्रू 6:11

दि ल़ेहमु सेम्‍बा ख्‍याया़दी तिङ थुराङ ओहङज्‍यु ओहले ख्‍याया़गी रेहवा तेहन्‍दा डुप्‍च्‍ये येह दिराङ ङ्यिहती सेम्‍बा यिहम्‍बा।

एफिसी 5:6

सुज्‍यीगी ख्‍याया़ला चिहन क्‍याहप्‍ती गो़ कोर मा़हखुज्‍यु। दि ल़ेहमु केच्‍याया़गी पेहतीराङ मिहङ्यीहन्‍गे मिहया़गी थो़ला किन्‍ज्‍योकी थुयाल बाप्‍के।

हिब्रू 3:12

आदा-नो़ह दाङ आज्‍यी-नुहमुया़, जेम्‍बु पेह। ख्‍या सुज्‍यीॱआङ ङ्येहम्‍बा दाङ यिह मे़हछ्येएँ सेम्‍बागी ख्‍याला सोम्‍बो किन्‍ज्‍योलेगी था़-रिहङबु माहख्‍येर्ज्‍यु।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

फिलिप्‍पी 2:12

ए ङाहगी च्‍याहम्‍बु रो़हया़, ङाह ख्‍या ङ्याम्‍बु येहकेंमु ख्‍याया़गी नाहम-माना ङाहती तामया़ ङ्यिहन्‍सीन, यिहॱनाङ ता़ह ङाह ख्‍यालेगी था़-रिहङबु येह ङाह ख्‍या ङ्याम्‍बु मे़हॱनाङ ङाहती तामया़ जेन माहङबु पेहती ची़दोङ ओहले किन्‍ज्‍योकी ज्‍यिक्‍पा खुर्तोङ, दार्ती राहङगी ज़्‍योरक्‍यो थार्पाकी ल़ेह छाङबु पेहच्‍येला तुहक्‍पु पेहतोङ।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

कलस्‍सी 3:6

दि से़हया़गी पेहतीराङ किन्‍ज्‍योगी थुयाल मिहरोगी का मिहची़एँगी मिहया़ थो़ला बाप्‍च्‍ये येह।

ल़ेह-पेन 26:19

क्‍याहल्‍बु अग्रिपास, ओ़ह सोङबे ङाहगी स्‍यिहङगामले थोङग्‍योकी दि ज्‍याल्‍गाला ङाह माहङ्यीहम्‍बा पेहती तेहॱराङ मा़हखु।

लूका 16:16

ओहले येहपाराङ, बप्‍तिस्‍मा तेर्केन यूहन्‍नागी ती़हजी थु मोशागी नाङग्‍यो छ्य़े-ठिम दाङ लुहङतेम्‍बाया़गी तेहन्‍दाला ख्‍येप्‍टा ताङसीन। ओहलेगी छुरॱताप किन्‍ज्‍योगी क्‍याहल्‍सीगी लेहङगु या़हबु स्‍ये यिहन्‍ज्‍यु मिहया़ किन्‍ज्‍योगी क्‍याहल्‍सी नाहङला स्‍य़ूहज्‍येला स्‍युक पेहकेन राङ येह।

मत्ती 11:12

बप्‍तिस्‍मा तेर्केन यूहन्‍नागी ती़हजी यिहन्‍ज्‍यु नाहरे थु किन्‍ज्‍योगी क्‍याहल्‍सी स्‍युक छ्यिम्‍बु पेहती तोहङला डोॱराङ येहबा, ओहले टाह पेहकेनया़गीदी ओ़ह थो़ला उर्चु पेहती क्‍याहल्‍ज्‍ये छोल्‍गेराङ येहबा।

मत्ती 7:13

“कोह फेमालेगी नाहङला स्‍य़ूहदोङ च्‍यिबेमाना छ्यिम्‍बु कोह दाङ स्‍याहङ छ्यिम्‍बु लाहमगी ङ्याल्‍वाला क्‍याल्‍गे। दि लाहमले नाहङला स्‍य़ूहगेनया़ माहङबुराङ ओहङगे।

एफिसी 2:2

ओ़ह ती़हजीला ख्‍याया़ दि जाम्‍बुलीङकी छ्यालुला त़ेदी राहङगी डोलु-तेहलु पेहको येहकें ओहले नामला ओङ छ्य़ेगे ताहक्‍पुला ची़उ येहकें। किन्‍ज्‍योला मी़हचीगे मिहया़ला खोगीराङ ताहन्‍दा राहङगी ओङ चो़ला ज़्‍या़दी येहबा।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

हिब्रू 4:6

लाहला मिहया़ स्‍य़ूहज्‍येला तोहरोङॱआङ खादीॱराङ येह, ओहले तोहङ तोहङले सु सुगी या़हबु लेहङगु थे़बा खुङगी या़हबु लेहङगुला मा़हचीबा सोङबे खुङ किन्‍ज्‍योगी थाङ सो नाङगेन्‍गी ग्‍या़ला स्‍युह माहङ्युहङ।

२ पत्रुस 2:6

किन्‍ज्‍योगी सदोम दाङ गमोरा क्‍याहसाला मेह ताङदे तोङ च्‍य़ू नाङसीन ओहले ओ़ह ग्‍या़गी स्‍यी़हॱराङ तोङ च्‍य़ू नाङसीन, दि ल़ेहमु जेती किन्‍ज्‍योला मे़हक्‍याप्‍के मिहया़गी गादी काहन्‍डुमु ओहङगु दुबा म़ेदी खुङया़ला पे च्‍यी़ तेन नाङसीन।