हिब्रू 3:7 - ह्योल्‍मो

⁷ ओ़ह सोङबे नाम्‍पार-ताहक्‍पा थुगी सुङ नाङग्‍यो ल़ेहमुराङ, “तिहरीङ ख्‍यागी किन्‍ज्‍योगी सुङ-क़े थ़ेसीन माना,

हिब्रू 3:7 Referans Kwoze

हिब्रू 3:15

छ्य़े-ठिमगी दि ल़ेहमु सुङ नाङगे, “तिहरीङ ख्‍यागी किन्‍ज्‍योकी सुङ-क़े थ़ेसीन माना ख्‍यागी आख्‍ये मे़हमेया़गी किन्‍ज्‍योला टाह पेहती सेम सान्‍दी पेहक्‍यो ल़ेहमु माहबे।”

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।

हिब्रू 4:7

ओ़ह सोङबे किन्‍ज्‍योगी लेहमेन ङ्यिहमाला येहपाराङ “तिहरीङ” म़ेदी सुङ नाङसीन। ओ़हठीॱराङ पेहती लो़ह माहङबु तिङले येहपाराङ किन्‍ज्‍योगी दाऊद लाहमले दि ल़ेहमु सुङ नाङसीन “तिहरीङ ख्‍यागी किन्‍ज्‍योगी सुङ-क़े थ़ेसीन माना ख्‍यागी सेम सान्‍दी माहबे।”

यूहन्‍ना 10:27

ङाहती ल़ूहया़गी ङाहगी ताम ङ्यिहन्‍गे। ङाह खुङया़ला ङोह स्‍य़ेएँ ओहले खुङया़ ङाहती तिङदा तिङ ओहङगे।

हिब्रू 3:13

नाहम थु “तिहरीङगी ङ्यिहमा” माएँ ताम येहबा, ओ़ह थु च्‍यी़गी च्‍यी़ला लोप्‍ताम क्‍याहप्‍तोङ। मिहन्‍सीमाना तिहक्‍पाकी गो़-कोर च्‍य़ूदी ख्‍यागी सेमला सान्‍दी जे-तेर्वा।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

यूहन्‍ना 10:3

कोह सुङगेन मिहगी खोला कोह खा फे़ तेर्कें ओहले ल़ूहया़गी राहङ ताहक्‍पुगी क़े ङोह स्‍य़ेएँ, ओहले ल़ूह-कोहरोवागी राहङ ल़ूहया़ला मिहन रे़ह-रे़ह तेन्‍दी क़े क्‍याहप्‍ती फिला ख्‍येर्ती डोएँ।

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।

२ पत्रुस 1:21

च्‍यिबेमाना लुहङतेम्‍बागी सुङ नाङग्‍योकी स्‍याहल मिहकी सेम लाहमले मेहयोहङगे, यिहॱनाङ नाम्‍पार-ताहक्‍पा थु लाहमले रिहक्‍स्‍यी ज्‍योर्ती मिहया़गी किन्‍ज्‍यो लाहमले सुङ नाङग्‍यो यिहम्‍बा।

हिब्रू 9:8

दिन ङो़ले येहकेन्‍गी नाम्‍पार-ताहक्‍पा ग्‍या़ लिहकें थु चा़ छ्येस्‍यो नाम्‍पार-ताहक्‍पा ग्‍या़ नाहङला स्‍य़ूहगेन्‍गी लाहम खा फ़ेज्‍ये म़ेह म़ेदी नाम्‍पार-ताहक्‍पा थुगी दि थाम्‍ज्‍यी केच्‍याया़ लाहमले लोप नाङगे।

मत्ती 22:43

येशूगी खुङया़ला सुङ नाङसीन, “आहन्‍डा यिहन्‍सीमाना च्‍यिबे दाऊदला किन्‍ज्‍योगी थुगी मिहरोला ‘चो़वो’ म़ेदी मा च्‍य़ू नाङग्‍यो? च्‍यिबेमाना दाऊद खो राहङगीराङ दि ल़ेहमु म़ेदी माक्‍यो येहकें–

ल़ेह-पेन 28:25

ओहले खुङराङ नाहङदोङराङ ताम मा़हन्‍डीबा पेहती ओहलेगी डोज्‍ये पेहसीन। ओहजेला पावलगी मासीन, “नाम्‍पार-ताहक्‍पा थुगी राहङ फे़बेया़गी चावाया़ला सुङ नाङग्‍योकी स्‍याहल तेहम्‍बा-तेहन्‍सुमॱराङ यिहम्‍बा च्‍यिबेमाना यशैया लुहङतेम्‍बा लाहमले किन्‍ज्‍योगी दि ल़ेहमु जेती स्‍याहल सुङ नाङसीन–

मर्कूस 12:36

च्‍यिबेमाना किन्‍ज्‍योगी नाम्‍पार-ताहक्‍पा थु लाहमले दाऊद खो राहङगीराङ दि ल़ेहमु सुङ नाङदी येहबा– चो़वो छ्येवागी ङाहगी चो़वोला सुङ नाङसीन, ‘ङाहगी ख्‍येगी टाहया़ला ख्‍येगी काङबा चो़ला छ्यि मा़हच्‍यु थु ख्‍ये ङाहगी योबा ङो़ले तेह!’

ल़ेह-पेन 1:16

“आदा-नो़हया़ सेन नाङदोङ, ओहराङगी सुङरापगी स्‍याहल तेहन्‍दा डुपॱराङ कोहच्‍ये येहकें, ओ़ह छ्य़ेगी स्‍याहल येशूला जु़ङज्‍येला लाहम तेन्‍गे यहूदागी तेहन्‍दाला दाऊद क्‍याहल्‍बुगी स्‍याहल लाहमले तोहङलेराङ नाम्‍पार-ताहक्‍पा थुगी सुङनाङ सिहन्‍ग्‍यो येहकें।”

ल़ेह-पेन 8:29

ओहजेला नाम्‍पार-ताहक्‍पा थुगी फिलिपला, “ख्‍ये सोङ ओहले स्‍यिङता-खोर्लो ङ्याम्‍बु-ङ्याम्‍बुराङ सोङ!” म़ेदी सुङसीन।

हिब्रू 10:15

ओहले नाम्‍पार-ताहक्‍पा थुगीॱआङ ओहराङला दि ल़ेहमु जेती पाङबु नाङगे,