हिब्रू 3:19 - ह्योल्‍मो

¹⁹ ओ़ह सोङबे ओहराङगी थोङ ख़ूएँ, खुङगी यिह मा़हछ्येबा सोङबेॱराङ खुङ थाङ सोएँ ग्‍या़ला स्‍युह माहङ्युहङ।

हिब्रू 3:19 Referans Kwoze

यहूदा 1:5

ख्‍याया़गी दि थाम्‍ज्‍यी लेहमा च्‍यी़ ङोह स्‍य़ेदीॱराङ येहकें यिहॱनाङ ताहन्‍दा ङाह ख्‍याया़ला टेहम्‍बा साल च्‍य़ूएँ चो़वोगी राहङगी मिहया़ला मिश्र क्‍याहल-खापले तेन्‍दी नोम फेप्‍सीन। यिहॱनाङ यिह मे़हछ्य़ेगेया़ला मिहरोगी तोङ च्‍य़ू नाङसीन।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 3:18

का़हन्‍दीगी किन्‍ज्‍योकी स़ेबुला यिह छ्य़ेगे खोला ङ्य़ेहबा फो़ज्‍ये म़ेह, यिहॱनाङ यिह मेहछ्य़ेया़ला तोहङलेराङ ङ्य़ेहबा फो़ सिहन्‍दे येहबा, च्‍यिबेमाना खोगी किन्‍ज्‍योगी च्‍यिमे च्‍यी़राङ स़ेबुकी छेनला यिह छ्य़ेक्‍यो म़ेह।

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

१ यूहन्‍ना 5:10

ओ़ह सोङबे किन्‍ज्‍योगी स़ेबु थो़ला यिह छ्य़ेगे मिहगी राहङगी सेम नाहङला दि पाङबुॱराङ ओहङगे। यिहॱनाङ किन्‍ज्‍योला यिह मे़हछ्येगे मिहगी किन्‍ज्‍योगी पाङबु तेर्केया़ला स्‍योप क्‍याहप्‍क्‍यो यिहन म़ेदी नोम्‍साङ ताङगे च्‍यिबेमाना स़ेबुगी तेहन्‍दाला किन्‍ज्‍योगी नाङग्‍यो पाङबुला खोगी यिहॱराङ मे़हछ्येएँ।

२ थेसलोनिकी 2:12

ओ़ह सोङबे खुङया़गी तेहन्‍दामकी स्‍याहलला यिह मा़हछ्ये, यिहॱनाङ चोक्‍पा ल़ेहया़ पेहच्‍येलाॱराङ खुङया़ला या़हबु ऩेसीन। ओ़ह सोङबे खुङया़ला ङ्य़ेहबा फो़सीन।

रोमी 11:23

का़हलेॱआङ इस्राएलीया़गी यिह मा़हछ्येबा पेहती मेहतेहसीमाना किन्‍ज्‍योगी खुङला कलमी जेती ताहम नाङज्‍ये येह। च्‍यिबेमाना किन्‍ज्‍योगी खुङया़ला येहपाराङॱआङ कलमी जेती ताहम नाङ ख़ूएँ।

हिब्रू 3:12

आदा-नो़ह दाङ आज्‍यी-नुहमुया़, जेम्‍बु पेह। ख्‍या सुज्‍यीॱआङ ङ्येहम्‍बा दाङ यिह मे़हछ्येएँ सेम्‍बागी ख्‍याला सोम्‍बो किन्‍ज्‍योलेगी था़-रिहङबु माहख्‍येर्ज्‍यु।