हिब्रू 2:6 - ह्योल्‍मो

⁶ छ्य़ेला ग्‍या़ च्‍यी़ला दि ल़ेहमु म़ेदी प्री़हदे येहबा, “मिह च्‍यि यिहम्‍बा, ओहले राहङ खोला वास्‍ता जे नाङगे? मिहगी पुह सु यिहम्‍बा, ओहले राहङ खोगी तेहन्‍दाला तुहङाल जे नाङगे?

हिब्रू 2:6 Referans Kwoze

हिब्रू 4:4

च्‍यिबेमाना छ्य़ेला ग्‍या़ च्‍यी़ला ङ्यिहमा तिहनगी तेहन्‍दाला दि ल़ेहमु सुङ नाङदी येह, “रेबेॱराङ छ्या़लेया़ लाहमले किन्‍ज्‍योगी ङ्यिहमा तिहनला थाङ सो नाङसीन।”

१ पत्रुस 1:11

लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

हिब्रू 5:6

ओहले लेहमेन ग्‍या़ला किन्‍ज्‍योगी दि ल़ेहमु सुङ नाङदी येह, “ख्‍ये मल्‍कीसेदेक ल़ेहमुराङ नाहम्‍स्‍यी किन्‍दु पूजाहारी यिहन।”

लूका 1:78

च्‍यिबेमाना, ओहराङगी किन्‍ज्‍यो थुज्‍यी ज़ी़गे दाङ निङज्‍यी जेकेन्‍दी यिहम्‍बा, ओ़ह सोङगोराङ किन्‍ज्‍योगी थार्पागी येहसेर स्‍यिहङगामले ओहराङ साला ताङ नाङज्‍ये येह।

लूका 1:68

“इस्राएल क्‍यिहपाया़गी चो़वो छ्येवा किन्‍ज्‍योला तेपा फुल्‍गे! किन्‍ज्‍योगी राहङगी मिहया़ला रो़हराम जेती थार च्‍य़ू नाङदी येह!

१ थेसलोनिकी 4:6

दिगी तेहन्‍दाला सुज्‍यीगीॱआङ राहङगी आदा-नो़हला गो़ कोर्ती खो लाहमले खेप्‍साङ माहतेन्‍ज्‍यु। दि ल़ेहमु तामला चो़वोगी ङ्य़ेहबा काल नाङज्‍ये येह। ङ्यिहगी ख्‍या फ़ेबे-म़ेहमेया़ला तोहङलेराङ दिगी तेहन्‍दाला छ्यिसाल-नाहङसाल पेहती ज्‍यी़-ङोर तेर सिहन्‍दी येहबा।