हिब्रू 2:16 - ह्योल्‍मो

¹⁶ किन्‍ज्‍योगी तेहम्‍बाराङ दि स्‍यिहङगामकी स्‍याहप्‍च्‍यीया़गी तेहन्‍दाला जे नाङग्‍यो मिहम्‍बा। दिनी अब्राहामगी छार्क्‍यीनया़गी तेहन्‍दालाराङ जे नाङग्‍यो यिहम्‍बा।

हिब्रू 2:16 Referans Kwoze

गलाती 3:29

का़हलेॱआङ ख्‍या मास्‍यीकाती यिहम्‍बा मासीमानानी ख्‍या अब्राहामकी छार्क्‍यीन यिहम्‍बा, ओहले ख्‍या किन्‍ज्‍योगी तोहदाम ज़्‍या़ नाङग्‍योकी फास्‍यी ज्‍योर्के मिहया़ॱआङ यिहम्‍बा।

गलाती 3:16

तोहदामया़ अब्राहाम दाङ खोगी छार्क्‍यीनया़ला नाङग्‍यो येहकें। सुङरापगी “छार्क्‍यीनया़ला” म़ेदी सुङ मेहनाङगे, दिगीनी मिह माहङबुलाराङ माक्‍यो यिहन म़ेदी गा तेन्‍गे यिहम्‍बा। यिहॱनाङ सुङरापगी “ख्‍येगी छार्क्‍यीनला” म़ेदी सुङ नाङगे, दिगी मेहन्‍दा च्‍यी़लाज्‍यीॱराङ तेन्‍गे, ओ़ह मास्‍यीका यिहम्‍बा।

हिब्रू 12:10

ओहराङ आबाया़गी ओहराङला खुङला च्‍यि ठाबे ने़गे ओ़हला ते़बे ङ्यिहमा ङ्ये़हमुज्‍यीगी तेहन्‍दाला च्‍यी़राङ टिहला ज़्या़क्‍यो यिहम्‍बा, यिहॱनाङ किन्‍ज्‍यो याहपगीनी नाहम्‍स्‍यी किन्‍दुगी तेहन्‍दाला ओहराङलाॱराङ या़हबु ओहङज्‍यु ओहले मिहरो ल़ेहमुराङ नाम्‍पार-ताहक्‍पा डो ख़ूज्‍यु सुङदीमाराङ ओहराङला च्‍युर नाङगे।

हिब्रू 6:16

मिह सुज्‍यीगी ना क्‍याल्‍गेमु राहङगी माक्‍यो ताम थिउ-निउ ओहङज्‍यु म़ेदी राहङ म़ेदी मिह छ्यिम्‍बुगी मिहनला ना क्‍याल्‍गे, स्‍येपा तुहर्केन्‍गी तामया़लाॱआङ ना क्‍याल्‍दी डी़ च्‍य़ूएँ।

रोमी 2:25

का़हलेॱआङ ख्‍येगी छ्य़े-ठिम ची़सीमाना स्‍या-ताक पेहक्‍यो ठाबेराङ यिहम्‍बा, यिहॱनाङ ख्‍येगी छ्य़े-ठिम मी़हचीसीमानाती ख्‍येगी स्‍या-ताक पेहक्‍यो यिहॱनाङ ओ़हला च्‍यिॱआङ ख्‍येप्‍साङ म़ेह।

१ पत्रुस 1:20

किन्‍ज्‍योगी जाम्‍बुलीङला छ्या़ नाङगे म़ेदी तोहङलेराङ मास्‍यीकाला दाम नाङग्‍यो येहकें ओहले ख्‍याया़गी तेहन्‍दाला दि तिङस्‍यो ती़हजीला मिहरो फेप नाङसीन।

हिब्रू 2:15

ओहले स्‍यि कोहएँ म़ेदी छे काहङ ज्‍यिक्‍पा खुर्ती तेहकेन्‍गी मिहया़ला ओ़ह ज्‍यिक्‍पालेगी खा फे़ नाङसीन।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।