हिब्रू 2:15 - ह्योल्‍मो

¹⁵ ओहले स्‍यि कोहएँ म़ेदी छे काहङ ज्‍यिक्‍पा खुर्ती तेहकेन्‍गी मिहया़ला ओ़ह ज्‍यिक्‍पालेगी खा फे़ नाङसीन।

हिब्रू 2:15 Referans Kwoze

रोमी 8:15

च्‍यिबेमाना ख्‍येला योक्‍पु ज़ोएँकी ओ़ह नाम्‍स्‍यी नाङदी म़ेह, का़हन्‍दीगी ख्‍येला येहपाराङ ज्‍यी़सु ङो़ले ख्‍येर्के, यिहॱनाङ ख्‍येला राहङदीराङ पुह-पोहमो ज़ोएँकी नाम्‍पार-ताहक्‍पा थु नाङदी येह। दि लाहमलेॱराङ ओहराङगी किन्‍ज्‍योला “अब्‍बा, आबा” म़ेदी क़े क्‍याहप्‍केन।

२ तिमोथी 1:7

च्‍यिबेमाना किन्‍ज्‍योगी ओहराङला ज्‍यी़सुगी सेम मिहम्‍बा यिहॱनाङ ओङ, चेवा दाङ राहङला थिला ज़्‍या़गेन्‍गी सेम नाङदी येहबा।

२ कोरिन्‍थी 1:10

मिहरोगी ङ्यिहया़ला ओ़ह ल़ेहमु ङ्याहम्‍छेया़ लाहमले थार च्‍य़ू नाङसीन, ओहले थार च्‍य़ू नाङज्‍ये येह। ओहले मिहरोगी ङ्यिहया़ला येहपाराङॱआङ थार च्‍य़ू नाङज्‍ये येह म़ेदी ङ्यिहगी मिहरो थो़लाराङ रेहवा पेहती येहबा।

रोमी 8:21

ङ्यिहमा च्‍यी़ किन्‍ज्‍योगी छ्या़ च्‍य़ू नाङग्‍योगी रेबेॱराङ स़ेहया़ राहङदीराङ तोङदी डोएँकी ताहमलेगी ताङज्‍ये येह, ओहले खोगीॱआङ किन्‍ज्‍योकी छार्क्‍यीनगी ज़िज्‍यिदकी राहङवाङ नाहङला स्‍य़ूह ङ्युहङज्‍ये येह।

गलाती 4:21

छ्य़े-ठिमकी ओङ चो़ला तेहच्‍ये छोल्‍गेया़गी ङाहला म़ेदोङ ले, च्‍यि ख्‍यागी तेहम्‍बाराङ छ्य़े-ठिमकी तेहन्‍दाला या़हबु पेहती ङोह स्‍य़ेदी येहबा ले?

हिब्रू 2:16

किन्‍ज्‍योगी तेहम्‍बाराङ दि स्‍यिहङगामकी स्‍याहप्‍च्‍यीया़गी तेहन्‍दाला जे नाङग्‍यो मिहम्‍बा। दिनी अब्राहामगी छार्क्‍यीनया़गी तेहन्‍दालाराङ जे नाङग्‍यो यिहम्‍बा।