ङाहगी निङज्यी पेहक्योगी आदा-नो़ह दाङ आज्यी-नुहमुया़, किन्ज्योकी थुज्यी माहङबुराङ ख्या थो़ला येहबा। ओ़ह सोङबे राहङगी ज़ुबुला नाम्पार-ताहक्पा दाङ किन्ज्योगी थु-सेम जे नाङगेन्गी सोम्बो मार्च्ये जे़दी किन्ज्योला स्याहप्तो स्य़ूहज्येला मिहरोगी दिनला फुल्दोङ म़ेदी ङाह ख्याया़ला ओहर-छ्य़े स्युहउ येह। ख्यागी यिहगी फुल कोहएँगी तेहन्दामगी मार्च्येॱआङ दिराङ यिहम्बा।
हिब्रू 13:15 - ह्योल्मो15 ओ़ह सोङबे ओहराङगी नाहम पेहॱनाङ येशूकी छेनला किन्ज्योला त़ेरा तेच्या फुल्दोङ। दिनी मिहरोकी छेन लेहन्गेया़गी खागी फुल्ग्योकी डेल्बा यिहम्बा। Gade chapit la |
हिब्रू 13:15
42 Referans Kwoze
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
मिह-ज़ुबुला ते़बे माहङबुराङ मा फाम्बुया़ ओहङगे ओ़ह ल़ेहमु मा-फाम्बु ख्या ङ्याम्बुॱआङ येहकें सोङबे ङाह ख्याया़गी ङोह स्य़े ख़ूएँ पेहती ताम माएँराङ येहबा। च्यिबेमाना ख्याया़गी लेहमा च्यी़ राहङ ज़ुबुकी ओङबुया़ला मेहचाङा दाङ तोहरोङ माहङबु तिहक्पाया़ पेहच्येला चि क्याहप्क्यो येहकें, ता़ह ओ़हठीॱराङ पेहती नाम्पार-ताहक्पा ओहङज्येला राहङ ओङबुया़ला टाहङदेनकी योक्पु ज़ोज्येला चि क्याहप्तोङ।
ओहजेला येशू नाम्पार-ताहक्पा थुगी काहङदे काहसो जेकेॱराङ सुङ नाङसीन, “ओ़ याहप, स्यिहङगाम दाङ जाम्बुलीङगी चो़वो छ्येवा, ङाह राहङला थुज्यी-छ्ये़ फुल्गे, च्यिबेमाना राहङगी दि केच्या रिहक्स्यी छ्यिम्बु दाङ मिह टिहम्बुया़ ङो़ले पे़हदी पेहजाया़ला ङोह स्य़े च्य़ू नाङसीन। च्यिबेमाना याहप, राहङला दि ल़ेहमु जेच्ये सुङदी थुला ठुङसीन।”
Piblisite