हिब्रू 13:13 - ह्योल्‍मो

¹³ ओ़ह सोङबे ओहराङॱआङ पा़ल फिला येशूसाला डो, ओहले मिहया़गी येशूला आब्रु तेन्‍ग्‍यो ओहराङगीॱआङ ना़दोङ।

हिब्रू 13:13 Referans Kwoze

हिब्रू 11:26

मिश्र क्‍याहल-खापगी थाम्‍ज्‍यी क्‍युह-नोहर ज्‍योर्केन म़ेदीनी बरु थार्पा नाङगेन मास्‍यीकाकी तेहन्‍दाला मिहगी ङेन्‍ज्‍येन पेहक्‍योदी ना़गेन्‍दीॱराङ चा़ छ्यिम्‍बु क्‍युह-नोहर यिहम्‍बा म़ेदी खोला ऩेसीन। च्‍यिबेमाना किन्‍ज्‍योगी नाङगेन च्‍याहगा ङो़ले खोगी त़ेदी तेहक्‍यो येहकें।

ल़ेह-पेन 5:41

ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

लूका 6:22

“ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

मत्ती 16:24

ओ़ह तिङले येशूगी राहङगी स्‍याहप्‍च्‍यीया़ला सुङ नाङसीन, “त़ेदोङ, का़हन्‍दीॱआङ ङाहगी स्‍याहप्‍च्‍यी डोज्‍ये सेम क्‍य़ेना खोगी राहङलाराङ टेहम्‍बा च्‍य़ेह कोहएँ ओहले राहङगी क्‍याहङस्‍यीङ खुर्ती ङाहला ताहदा क्‍याहप्‍च्‍यु।

२ कोरिन्‍थी 12:10

ओ़ह सोङबे मास्‍यीकागी तेहन्‍दाला ङाह मा-फाम्‍बु डोॱनाङ, मिहया़गी ङाहला स्‍ये़हन्‍डील पेहॱनाङ, तुहक्‍पु तेरॱनाङ, खेन्‍दा-का़हबु डोॱनाङ, फसात पार तीॱनाङ ङाह सेम काहसो पेहकें च्‍यिबेमाना ङाह मा-फाम्‍बु येहना च्‍यी़राङ, ङाह स्‍युक छ्यिम्‍बु डो ख़ूएँ।

मत्ती 5:11

“ङाहला यिह-छ्य़े पेहक्‍यो सोङबे मिहया़गी ख्‍याया़ला तुहक्‍पु तेर्च्‍ये येह, ख्‍याया़ला स्‍ये़हन्‍डील पेहच्‍ये येह ओहले स्‍योप क्‍याहप्‍ती ख्‍याया़ला टाह पेहती यिहन्‍जेराङ ताम चोक्‍पाया़ केन्‍ज्‍ये येह ख्‍याया़ काहजे सोनाम-साक्‍पु!

हिब्रू 12:3

तिहक्‍च्‍येम्‍बा मिहया़गी येशूला ओहजे टाह पेहतीॱआङ मिहरोगी काह-ठि जेती ना़दी ज़्‍य़ू नाङबा यिहन्‍डो ओ़हदी नोम्‍साङ ताङदोङ ओहले ख्‍याया़ थाङ छ्येच्‍ये म़ेह ओहले सेम स्‍यिज्‍ये म़ेह।

१ पत्रुस 4:4

ख्‍या खुङ ङ्याम्‍बु ओ़ह ल़ेहमु ल़ेह चोक्‍पागी लाहमला मा़हस्‍युहबा थोङदी खुङ ह्‍अ ल़ेहगे, ओहले खुङगी ख्‍याया़गी ताम च्‍येहके।

मत्ती 27:32

लाहमला डोएँ डोएँमुॱराङ खुङगी सिमोन मिहन थो़क्‍यो कुरेनी माएँ लुहङबागी मेहन्‍दा च्‍यी़ला थ़ूसीन। खुङया़गी खोला येशूगी क्‍याहङस्‍यीङ खुर्च्‍येला उर्चु पेहसीन।

लूका 9:23

ओहले येशूगी मिहया़ला सुङ नाङसीन, “त़ेदोङ, सुॱआङ ङाहगी तिङला ओहङज्‍ये सेम येहसीमाना खोगी राहङगी राहङला मा-लोक पेहच्‍यु ओहले ङ्यिहमा-टाहङमाराङ राहङगी क्‍याहङस्‍यीङ खुर्ती ङाहगी तिङदा तिङ ओहङज्‍यु।

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

हिब्रू 12:4

तिहक्‍पा थो़ला क्‍याहल्‍ज्‍ये छोल्‍गेमु ख्‍यागी राहङगी ज़ुबुराङ तोर कोहएँगी छ्यालानी माहलेप येह ले।