हिब्रू 13:12 - ह्योल्‍मो

¹² ओ़हठीॱराङ पेहती येशूगीॱआङ राहङदी ठा़गी मिहया़ला तिहक्‍पालेगी नाम्‍पार-ताहक्‍पा ज़ो नाङज्‍येला मिहरो क्‍याहसाकी फिला तुहक्‍पु खुर्ते टोहङ नाङसीन।

हिब्रू 13:12 Referans Kwoze

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

ल़ेह-पेन 7:58

खुङया़गी स्‍तिफनासला तोहगी क्‍याहप्‍ती सेच्‍येला क्‍याहसा यिहन्‍ज्‍यु टिहते फिला ख्‍येर्ती। ओहले पाङबु तेहकेया़गी राहङगी चुङगा पित्‍ते शाऊल मिहन थो़क्‍यो स्‍यारा च्‍यी़गी काङबा पोहला ज़्‍या़सीन।

एफिसी 5:26

च्‍यिबेमाना मास्‍यीकागी छेन्‍छोकला नाम्‍पार-ताहक्‍पा ज़ो नाङज्‍येला राहङगी सुङ लाहमले ओहले छ्युगी ठु नाङदी चाङमा ज़ो नाङसीन।

हिब्रू 10:29

ख्‍याया़ राहङगीराङ नोम्‍साङ ताङदोङ: किन्‍ज्‍योकी स़ेबुला राहङ काङबा चो़ला ज़्‍या़गे ओहले तिहक्‍पालेगी नाम्‍पार-ताहक्‍पा ज़ो नाङगे किन्‍ज्‍योकी ताहम्‍ज्‍या थिउ-निउ पेहकें मास्‍यीकाकी ठा़ला च्‍यि ल़ेहमुज्‍यीॱआङ मे़हनेगे ओहले काटीन नाङगेन्‍गी नाम्‍पार-ताहक्‍पा थुला स्‍ये़हन्‍डील पेहकें मिहला जेन काहजे छ्यिम्‍बु ङ्य़ेहबा फो़रो?

यूहन्‍ना 17:19

खुङॱआङ तेहन्‍दामला नाम्‍पार-ताहक्‍पा डो ख़ूज्‍यु म़ेदी खुङया़गी तेहन्‍दाला ङाह राहङगी राहङला चाङमा ज़ोएँ।

हिब्रू 2:11

च्‍यिबेमाना नाम्‍पार-ताहक्‍पा ज़ो नाङगेन्‍दी ओहले नाम्‍पार-ताहक्‍पा ज़ोक्‍योया़ॱआङ थाम्‍ज्‍यी खाङबा च्‍यी़गी मे़हमेया़ यिहम्‍बा। ओ़ह सोङबे खुङया़ला नो़ह सुङज्‍येला येशू स्‍याहल स्‍युह मेहनाङगे।

यूहन्‍ना 19:34

यिहॱनाङ माक्‍मी च्‍यी़गी येशूकी ची़मा चो़ला दुङगी चो़सीन, ओहले चो़लुङ म़ेहबा ठा़ दाङ छ्यु थेन्‍सीन।

लूका 4:29

ओहले ह्‍अप-ह्‍ओप लाहङदी येशूला फुल्‍ज्‍या-फुल्‍ज्‍या क्‍याहप्‍ती युहललेगी फिला तेन्‍सीन। नासरत युहल काहङदोला येहकें, ओहले येशूला प्रा़हले माहर फुल चाहङज्‍ये म़ेदी प्रा़ह खा-खा थु लेप काहल्‍सीन।

हिब्रू 10:10

ओ़ह थु-सेम लाहमलेॱराङ येशू मास्‍यीकागी राहङगी कुसो मार्च्‍ये फुल नाङदी नाहम-मानागी तेहन्‍दाला ओहराङला नाम्‍पार-ताहक्‍पा ज़ो नाङसीन।

ज्‍याल्‍गा 14:20

ओहले क्‍याहसा फिला येहकेन्‍की कुहन्‍डुम च्‍यिर्सा ग्‍या़ला ओ़ह कुहन्‍डुमया़ च्‍यिर्सीन ओहले ओहलेगी ठा़गी स्‍योलो थेन्‍सीन। ओ़ह ठा़, ताबुगी खाला क्‍याहप्‍क्‍योकी खम्‍देर थु थोम्‍बु ओहले नेसा क्‍याह सुमचे थु रिहङबु फेल्‍दी येहकें।