हिब्रू 12:16 - ह्योल्मो16 सुज्यीॱआङ छ्येउ-छ्येंमु पेहकेन्की मिह माहन्डोज्यु ओहले एसाव ल़ेहमु तिहक्च्येम्बा मिह माहन्डोज्यु। एसावगीनी तो छाक च्यी़गी तेहन्दाला पुह छ्येस्योगी ज्योर्केन्गी हकराङ चोङसीन। Gade chapit la |
पा़हमा, मिह थाम्ज्यीगी ची़नाङ पेहच्ये सी़हगेन्दी ओहङ कोहएँ, ख्योवागी राहङगी पी़हमी क्याहपला लेहमेन पी़हमी छोल्ज्ये मेहयोहङगे, पी़हमीगीॱआङ राहङगी ख्योवा क्याहपला लेहमेन ख्योवा छोल्ज्ये मेहयोहङगे। च्यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्ज्योगी ङ्य़ेहबा काल नाङज्ये येह।
ङाह येहपाराङ ओहङगेमु ङाहती किन्ज्योगी ङाहला ख्याया़गी दिनला फेमा ज़ो नाङज्ये येह म़ेदी ङाहला ज्यी़सु येहबा, ओहले खुङया़गी तोहङले तिहक्पा पेहक्यो येहकें, ओहले राहङगी पेहक्योकी मेहचाङा ल़ेहया़, छ्येउ-छ्येंमु दाङ छारा ल़ेहया़ लाहमले तोहरोङॱआङ खुङया़गी स्या़बा माहन्डुपा सोङबे ङाहगी खुङगी तेहन्दाला ङ्याहङेन पेह कोहच्ये येह।
ओहराङला दि तामॱआङ क्यी़ह ओहङ कोहएँ, ठिम या़हबु मिहगी तेहन्दाला ज़ोक्यो मिहम्बा। ठिमनी ठिमला गोम्गेन दाङ माक्योगी ताम मी़हङ्यिहन्गेनया़गी तेहन्दाला, किन्ज्योला मी़हचीगे दाङ तिहक्च्येम्बाया़गी तेहन्दाला, नाम्पार-ताहक्पा म़ेहबा दाङ छ्य़े मी़हची़गेनया़गी तेहन्दाला, राहङ आबा-आमाला सेकेंया़ दाङ मिह सेकेंया़गी तेहन्दाला,