हिब्रू 12:11 - ह्योल्‍मो

¹¹ किन्‍ज्‍योगी ओहराङला च्‍युर नाङगेमु ओ़ह ती़हजीला क्‍यिपु म़ेदी माहङबु तुहक्‍पु ओहङगे। यिहॱनाङ ओहराङ टिहला तेहती च्‍याहङदार पेह सिहन्‍ग्‍योया़गी तेहन्‍दाला ओ़हगी तिङले टाहङदेनकी स्‍य़िहदे ओहङ च्‍य़ूएँगी सेदो या़ह च्‍य़ूगे।

हिब्रू 12:11 Referans Kwoze

२ कोरिन्‍थी 4:17

ङ्यिहगी ताहन्‍दा खुरक्‍यो तुहक्‍पु तिङले ज्‍योर्केन्‍की च्‍यि स़ेह ङ्याम्‍बुॱआङ दुर मी़हखुएँ ज़िज्‍यिद टेहम्‍बा साल्‍गेमुनी तेहम्‍बाराङ दि तुहक्‍पुनी च्‍यिॱआङ मिहन।

१ पत्रुस 1:6

दि केच्‍याया़की तेहन्‍दाला ख्‍या काहसो पेहतोङ। यिहन्‍ज्‍येनी, ताहन्‍दा ख्‍याया़गी ङ्यिहमा ङ्युहङसेगी तेहन्‍दाला नामे-नाजोगी तुहक्‍पुया़ खुर के़हदी येहबा।

हिब्रू 12:10

ओहराङ आबाया़गी ओहराङला खुङला च्‍यि ठाबे ने़गे ओ़हला ते़बे ङ्यिहमा ङ्ये़हमुज्‍यीगी तेहन्‍दाला च्‍यी़राङ टिहला ज़्या़क्‍यो यिहम्‍बा, यिहॱनाङ किन्‍ज्‍यो याहपगीनी नाहम्‍स्‍यी किन्‍दुगी तेहन्‍दाला ओहराङलाॱराङ या़हबु ओहङज्‍यु ओहले मिहरो ल़ेहमुराङ नाम्‍पार-ताहक्‍पा डो ख़ूज्‍यु सुङदीमाराङ ओहराङला च्‍युर नाङगे।

हिब्रू 5:14

यिहॱनाङ मुहर कोहएँगी साहप्‍च्‍याया़नी छार सिहन्‍ग्‍यो मिहया़गी तेहन्‍दाला यिहम्‍बा। च्‍यिबेमाना या़हबु चोक्‍पा च्‍यि यिहम्‍बा म़ेदी खा फे़ ख़ूएँगी नावा खुङला क़े सिहन्‍ग्‍यो ओहङगे।

रोमी 14:17

च्‍यिबेमाना किन्‍ज्‍योगी क्‍याहल्‍सी माक्‍योदी साहज्‍ये दाङ थुङज्‍ये च्‍यी़राङ मिहम्‍बा, यिहॱनाङ नाम्‍पार-ताहक्‍पा थुला टाहङदेन, स्‍य़िहदे दाङ काहसो यिहम्‍बा।

२ पत्रुस 2:14

खुङया़गी मी़ छ्येउ-छ्येंमुकी काहङग्‍यो ओहङगे, ओहले काहजे लाहयो-तिहक्‍पाया़ पेहॱनाङ खुङया़ला मेहन्‍दाङगे। सेम थिला म़ेहबाकी मिहया़ला खुङया़गी छ्यि च्‍य़ूगें। खुङया़की सेमगी ह्‍अम्‍बा पेहच्‍येलाॱराङ बा़नी काहल्‍सीहन्‍ग्‍यो ओहङगे। खुङया़ॱराङ किन्‍ज्‍योकी मे़मु सू़हक्‍यो मिहया़ यिहम्‍बा।

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।