हिब्रू 10:25 - ह्योल्‍मो

²⁵ लाहला मिहया़ छोक्‍पाला मेहन्‍डोएँगी बा़नी ओहङगे ल़ेहमु ओहराङ ङ्याम्‍बुदी ओ़ह ल़ेहमु बा़नी ओहङज्‍ये मेहयोहङगे। चो़वोकी ङ्यिहमा पोहला ओहङगेॱराङ पेहक्‍यो ख्‍याया़गी थोङग्‍यो सोङबे छोक्‍पा पेहच्‍येला च्‍यी़गी च्‍यी़ला जेन माहङबु आ़र क्‍ये च्‍य़ूदोङ।

हिब्रू 10:25 Referans Kwoze

ल़ेह-पेन 2:42

ओहले खुङ ल़ेह-पेनया़ ङ्याम्‍बु लोप्‍कें, छोक्‍पा पेहकें, चो़वोगी डेन साहउ येहकें, ओहले सेम च्‍यी़ डी़दी नाहम माॱनाङ किन्‍ज्‍योला सोल्‍वाङ ताप्‍ती तेहको येहकें।

मत्ती 18:20

च्‍यिबेमाना, ङाह मिहनला का़हला मेहन्‍दा ङ्यी़, सुम जोम्‍गे ङाह ख्‍याया़गी पाहरक्‍यीला ओहङज्‍ये येह।”

१ थेसलोनिकी 5:11

ओ़ह सोङबे नाहरे ख्‍या फ़ेबे-म़ेहमेया़गी जे नाङग्‍यो ल़ेहमुराङ च्‍यी़गी च्‍यी़ला स्‍युक क्‍ये च्‍य़ूदोङ ओहले च्‍यी़गी च्‍यी़ला सान्‍दी ज़ोएँगी ल़ेहया़ जे नाङदोङ।

हिब्रू 3:13

नाहम थु “तिहरीङगी ङ्यिहमा” माएँ ताम येहबा, ओ़ह थु च्‍यी़गी च्‍यी़ला लोप्‍ताम क्‍याहप्‍तोङ। मिहन्‍सीमाना तिहक्‍पाकी गो़-कोर च्‍य़ूदी ख्‍यागी सेमला सान्‍दी जे-तेर्वा।

हिब्रू 10:24

ओहराङगी च्‍यी़गी च्‍यी़ला निङज्‍यी दाङ या़हबु ल़ेहगी तेहन्‍दाला काह-ठि पेहती आ़र क्‍ये च्‍य़ूज्‍ये माएँ तामला नोम्‍साङ ताङ कोहएँ।

१ कोरिन्‍थी 5:4

ख्‍याया़ ओहराङ चो़वो येशूकी छेनला जोम्‍गेमु ङाहॱआङ यिहला ख्‍याया़ ङ्याम्‍बुराङ ओहङज्‍ये येह ओहले ओहराङ चो़वो येशू मास्‍यीकाकी ओङॱआङ ओ़हला ओहङज्‍ये येह।

१ थेसलोनिकी 4:18

ओ़ह सोङबे दि तामया़गी च्‍यी़गी च्‍यी़ला स्‍युक क्‍ये च्‍य़ूदोङ।

ल़ेह-पेन 2:1

यहूदीया़की पेन्तिकोस माएँगी छ्येपा लेप्‍केमु चो़वो छ्येवा येशूला यिह छ्य़ेगे मिह थाम्‍ज्‍यीराङ ग्‍या़ च्‍यी़ला छो़दी तेहती येहकें।

ल़ेह-पेन 20:7

सातागी तोहङस्‍यो कार्मा ज़ा-ङ्यिहमा कुहङॱसेला चो़वो येशूला यिह-छ्य़े पेहकेन्‍गी स्‍याहप्‍च्‍यीया़ ङ्याम्‍बु चो़वो येशूगी सोह सुङदी का नाङग्‍योकी डेन साहज्‍येला ङ्यिह छो़सीन। ओहले पावलगी खुङया़गी दिनला ताम माज्‍ये छ़ूसीन। ओहले नाहङबार च्‍युङ डो कोहच्‍ये येहकें सोङबे नुहप फे़ थु खुङया़ ताम म़ेदी तेहसीन।

१ कोरिन्‍थी 14:3

यिहॱनाङ लुहङदेन स्‍येके मिहगी मिहया़ ङ्याम्‍बु ह्‍अ कोहएँ पेहती ताम माएँ। ओहले दिगी मिहया़ला रो़हराम पेहकें, स्‍युक क्‍ये च्‍य़ूगे, ओहले स्‍य़िहदे तेर्के।

रोमी 12:8

लोप्‍ताम क्‍याहप्‍केन्‍गी काबाप यिहन्‍सीमाना, लोप्‍ताम क्‍याहप्‍केन्‍गी छ्या़लेला, तेर्केन्‍की काबाप यिहन्‍सीमाना, सेम तिहङ यिहन्‍ज्‍युराङ तेर्च्‍यु, ओङ छ्य़ेगेन्‍गी काबाप यिहन्‍सीमाना, खोगी या़हबु पेहती ओङ छ्य़ेज्‍यु, निङज्‍यी पेहकेन्‍की काबाप यिहन्‍सीमाना, खोगी काहसो पेहती निङज्‍यी पेहच्‍यु।

फिलिप्‍पी 4:5

ख्‍याया़ ना़स्‍यीङ छ्यिम्‍बु पेहती तेह, दि ताम मिह थाम्‍ज्‍यीगी क्‍यी़ह ज्‍योर्च्‍यु। चो़वो ग्‍यो़बाराङ फेप्‍च्‍ये येह।

२ पत्रुस 3:9

राहङ ताहम्‍ज्‍याकी तेहन्‍दाला चो़वोगी फिमु जे नाङगे म़ेदी लाहला मिहया़गी माॱनाङ मिहरोगी फिमु जे नाङग्‍यो म़ेह। यिहॱनाङ ख्‍या नाहङला सुज्‍यीॱआङ माहतोङज्‍यु, यिहॱनाङ ख्‍या थाम्‍ज्‍यीगी सेमकी स्‍या़बा पेहच्‍यु सुङदी चो़वो ख्‍याया़गी तेहन्‍दाला कू़हदे ज़्‍य़ू नाङदी येहबा।

याकूब 5:8

ओ़हठीॱराङ पेहती ख्‍यागीॱआङ ना़स्‍यीङ छ्यिम्‍बु पेहती कू़हदी तेहतोङ। राहङ सेम सान्‍दी पेहती तेह, च्‍यिबेमाना चो़वो फेप नाङगेन्‍गी ती़हजी पोहलाराङ येह।

१ कोरिन्‍थी 14:23

का़हलेॱआङ थाम्‍ज्‍यी छेन्‍छोकया़ डी़दी मिह थाम्‍ज्‍यीगीराङ ताम साम्‍बाया़ मासीमाना, ओहले मास्‍यीकाला यिह मे़हछ्येएँगी मिहया़ दाङ ह्‍अ मेहकोहएँगी मिहया़ ओ़हला ओहङसीमाना च्‍यि खुङया़गी ख्‍याया़ला ङ्योम्‍बा मेहमाएँ ले?

यहूदा 1:19

थिन मी़हच्‍युगेया़, जाम्‍बुलीङगी मिहया़ ओहले नाम्‍पार-ताहक्‍पा सेम म़ेहबाकी मिहया़ दिया़राङ यिहम्‍बा।

२ पत्रुस 3:14

ओ़ह सोङबे ए च्‍याहम्‍बु रो़हया़, ख्‍या दि तामया़ला कू़हदी तेहकेन्‍गी मिहया़ यिहन्‍गे सोङबे, किन्‍ज्‍योगी ज़ी़लुला राहङ चाङमा पेहती, च्‍यिॱआङ क्‍येन म़ेहबा पेहती ओहले स्‍य़िहदे पेहती तेहच्‍येला ला़ खाजे स्‍युक पेहतोङ।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

२ पत्रुस 3:11

दि थाम्‍ज्‍यी किन्‍ज्‍योगी तोङ च्‍य़ू नाङगे सुङबे नाम्‍पार-ताहक्‍पा दाङ टाहङदेनकी मिहजी ताङ कोहएँ।

१ कोरिन्‍थी 11:20

ख्‍याया़ जोम्‍दी साहक्‍यो दाङ थुङग्‍योनी ओ़ह चो़वोकी डेन मिहन।

१ कोरिन्‍थी 3:13

मिह थाम्‍ज्‍यीकी या़हबु चोक्‍पा ल़ेहया़ किन्‍ज्‍योगी ठिम ताङ नाङगे ङ्यिहमाला ङ्याहम च्‍ये नाङज्‍ये येह च्‍यिबेमाना ओ़ह ङ्यिहमाला खुङया़गी पेहक्‍योकी ल़ेह काह-ठि दुबा म़ेदी मेहला लू़दे ज़ी़ नाङज्‍ये येह।

ल़ेह-पेन 16:16

ओहले ङ्यिहमा च्‍यी़ ङ्यिह सोल्‍वाङ ताप्‍के ग्‍या़ला डोएँॱराङ येहकें ओहजेला ङ्यिहगी यो़मु पोहमो पेहजा च्‍यी़ला थ़ूसीन। ओ़ह पोहमो पेहजाला ङ्येहम्‍बा नाम्‍स्‍यी स्‍युहक्‍यो येहकें, ओहले ङ्येहम्‍बा नाम्‍स्‍यीगी ओङगी मोह त़ेदी राहङ ताहक्‍पुला माहङबुराङ टाङगा जे़दे तेर्को तेहके।

मत्ती 10:15

तेहम्‍बाराङ ङाहगी ख्‍याया़ला माएँ, ठिम ताङ नाङगेन ङ्यिहमाला ओ़ह क्‍याहसाकी मिहया़गी तुहक्‍पु म़ेदीनी सदोम दाङ गमोरा क्‍याहसाकी मिहया़गी तुहक्‍पु गा ना़ खू़-दाङ ओहङज्‍ये येह।”

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

हिब्रू 10:37

च्‍यिबेमाना छ्य़ेला दि ल़ेहमु प्री़हदी येहबा, “मिहरो फेप नाङगेन्‍दी, फेपॱराङ नाङज्‍ये येह ओहले फिमु जे नाङज्‍ये म़ेह।

हिब्रू 13:22

आदा-नो़ह दाङ आज्‍यी-नुहमुया़, ङाहगी लोप्‍ताम क्‍याहप्‍क्‍योगी केच्‍याया़ या़हबु पेहती ङ्यिहन्‍दी पेह म़ेदी ङाह ख्‍याया़ला ओहर-छ्य़े स्‍युहउ येह, च्‍यिबेमाना ङाहगी ख्‍याया़ला दि यिहगी ङ्युहङसे़ च्‍यी़राङ प्री़हदी येहबा।