हिब्रू 1:6 - ह्योल्‍मो

⁶ किन्‍ज्‍योगी राहङदी तोहङस्‍यो क्‍येक्‍योदीला जाम्‍बुलीङला नोम फेप नाङगेमु मिहरोगी येहपाराङ सुङ नाङसीन, “किन्‍ज्‍योकी रेबेॱराङ स्‍यिहङगामकी स्‍याहप्‍च्‍यीया़गी मिह-रो़हलाॱराङ छ्येपा फुल्‍ज्‍यु।”

हिब्रू 1:6 Referans Kwoze

कलस्‍सी 1:18

मास्‍यीकाला यिह-छ्य़े पेहकेंन छेन्‍छोकया़दी ज़ुबु यिहम्‍बा, ओहले ओ़ह ज़ुबुगी गो़दी मास्‍यीकाॱराङ यिहम्‍बा। ओ़ह छो़बाया़ला मिहली साम्‍बा नाङगेन्‍दीॱआङ मिह-रो़हराङ यिहम्‍बा। मिहरो थाम्‍ज्‍यीराङ से़हया़ला गो-छ्येस्‍यो थेन ख़ूज्‍यु म़ेदी स्‍यिक्‍योया़ नाहङले सोम्‍बो ज़्‍याङ नाङगेन्‍दी तोहङस्‍यो मिह-रो़हराङ यिहम्‍बा।

कलस्‍सी 1:15

ओहराङ मी़गी थोङ मी़हखुएँ किन्‍ज्‍योकी ङ्य़ेहरीला थोङ ख़ूएँ जेती मास्‍यीका ज़्‍य़ू नाङदी येह। ना थाम्‍ज्‍यीराङ छ्या़क्‍यो से़हया़ नाहङला मास्‍यीका थाम्‍ज्‍यी म़ेदी छ्येस्‍यो यिहम्‍बा।

१ पत्रुस 3:22

मिहरो स्‍यिहङगामला फेप नाङसीन ओहले स्‍यिहङगामकी स्‍याहप्‍च्‍यीया़, ओङ छ्य़ेगेया़ दाङ ओङज्‍याया़ला राहङगी ओङ चो़ला ज़्‍या़दी किन्‍ज्‍योकी योबा ङो़ले ज़्‍य़ू नाङदी येह।

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

रोमी 8:29

किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।

१ यूहन्‍ना 4:9

किन्‍ज्‍योगी ओहराङला दि ल़ेहमु जेती चेवा जे नाङसीन– मिहरोगी राहङगी स़ेबु लाहमले ओहराङगी था़ म़ेहबाकी मिहली ज्‍योर ख़ूज्‍यु सुङदी मिहरोगी राहङगी च्‍यी़मे च्‍यी़राङ स़ेबुला दि जाम्‍बुलीङला ताङ नाङसीन।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

हिब्रू 10:5

ओ़ह सोङबे जाम्‍बुलीङला फेप नाङगेमु मास्‍यीकागी किन्‍ज्‍योला दि ल़ेहमु सुङ नाङसीन, “मार्च्‍ये दाङ डेल्‍बाया़ राहङगी थु-सेम जे माहनाङ, यिहॱनाङ राहङगी ङाहगी तेहन्‍दाला ज़ुबु च्‍यी़ ठाबे जे-नाङदी येह।

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

हिब्रू 1:5

किन्‍ज्‍योगी का़हन्‍दीॱआङ स्‍यिहङगामकी स्‍याहप्‍च्‍यीया़ला दि ल़ेहमु सुङ माहनाङ, “ख्‍ये ङाहती स़ेबु यिहम्‍बा, तिहरीङ ङाहगी ख्‍येला क्‍येदी येहबा।” येहपाराङ च्‍यि का़हन्‍दीॱआङ स्‍यिहङगामकी स्‍याहप्‍च्‍यीगी तेहन्‍दाला दि ल़ेहमु सुङ नाङदी येहबा ले, “ङाह खोगी याहप ओहङज्‍ये येह, खो ङाहती स़ेबु ओहङज्‍ये येह।”

मत्ती 24:14

थाम्‍ज्‍यी क्‍यिहपागी मिहया़ला पाङबु ओहङज्‍यु म़ेदी तोहङले किन्‍ज्‍योकी क्‍याहल्‍सीकी या़हबु लेहङगु जाम्‍बुलीङ काहङग्‍यालाराङ स्‍येच्‍ये येह। ओ़ह तिङले जाम्‍बुलीङ तोङज्‍ये येह।”