हिब्रू 1:14 - ह्योल्मो14 च्यि ओ़ह थाम्ज्यी स्यिहङगामकी स्याहप्च्यीया़ थार्पा ज्योर्केया़गी तेहन्दाला स्याहप्तो स्य़ूहज्येला ताङग्यो स्याहप्तो स्युहएँकी नाम्स्यीया़ मिहम्बा ले? Gade chapit la |
हिब्रू 1:14
65 Referans Kwoze
याहङमे-याहङराङ चो़वो छ्येवागी स्यिहङगामकी स्याहप्च्यी च्यी़ फेप नाङसीन, ओहजेला चोन-खाङ नाहङला क्या-साङे काहल्सीन। ओहले स्यिहङगामकी स्याहप्च्यीगी, “ग्यो़बा लोहङ!” सुङदी पत्रुसगी चिमाला फुल्दी ङ्यि स़े च्य़ू नाङसीन। ओ़हजेलाराङ पत्रुसकी लाहक्पाला ताहम्ग्योगी च्याल्दा ङ्यी़ स्यी़हदी साला ताहप्सीन।
दि ल़ेहमु साम्लु ताङ तेहकेमु किन्ज्योकी स्यिहङगामगी स्याहप्च्यी खोगी मिलामला थोङसीन। ओहले ओ़ह स्यिहङगामकी स्याहप्च्यीगी खोला दि ल़ेहमु सुङ नाङसीन, “ए दाऊदकी पुह योसेफ, ख्येगी पी़हमी मरियमला ख्योङज्येला मा़हन्ज्यी, च्यिबेमाना मोहती ज़ुबु ङ्यिहपा काहल्ग्योदी नाम्पार-ताहक्पा थु लाहमले डुप्क्यो यिहन।
ओहले ओ़ह नामयी ताएँ मिहया़ काहल फान्ज्यो योसेफगी मिलामला चो़वो छ्येवा किन्ज्योकी स्यिहङगामगी स्याहप्च्यीला थोङसीन ओहले स्यिहङगामकी स्याहप्च्यीगी खोला दि ल़ेहमु सुङ नाङसीन, “ख्ये लाहम्साङराङ आमा दाङ पुहला ख्येर्ती मिश्र क्याहल-खापला सोङ। ओहले ङाहगी लो़हदी स्यो म़ेदी मा़हमे थु ख्याया़ ओ़हलाराङ तेहतोङ च्यिबेमाना हेरोदगी पेहजा ल़ेनुला सेच्ये म़ेदी साम्लु ताङदी येह” म़ेदी सुङ नाङसीन।
ओ़ह तिङले सोम्बो सेम्ज्येन ज़्यि दाङ टाहङबु छ्य़े-ठिमकी लोबेनया़गी ति-खिरे कोर्ते ज़्य़ूक्यो ओ़ह ज़्य़ू-ठिकी पाहरक्यीला ल़ूह स्ये़बु च्यी़ ज़्याङदी ज़्य़ूक्यो थोङसीन। दि ल़ूह स्ये़बुदी सेत्ती ज़्या़क्यो ल़ेहमु थोङगो येहकें। मिहरोगी रोहवा तिहन दाङ मी़ॱआङ तिहन येहकें ओ़हदी जाम्बुलीङ थाम्ज्यीला ताङग्योगी किन्ज्योगी थु तिहन यिहन्गे।
खुङया़ला दि केच्या ङोह स्य़े च्य़ूक्यो येहकें च्यिबेमाना खुङया़गी राहङगी तेहन्दाला मिहम्बा, यिहॱनाङ ख्याया़ला स्याहप्तो स्यी़ह-तेहक्यो येहकें। दि केच्या स्यिहङगामले माहर ताङ नाङग्योकी नाम्पार-ताहक्पा थु लाहमले ख्याया़ला स्येक्योगी या़हबु लेहङगुया़ प्रा साल्गेनया़गीॱराङ ताहन्दा ख्याया़ला स्येती येहबा। स्यिहङगामकी स्याहप्च्यीया़ॱआङ दि से़हया़ ताज्येला ज्यिबुराङ सेम पेहती येहबा।
यिहॱनाङ ताहन्दादी ओहराङ नो़ह इपाफ्रोडिटसला ख्यासाला ताङ कोहच्ये ल़ेहमु ङाहगी थोङसीन। ङ्यिह फे़बे ङ्यी़गी ङ्याम्बुराङ ल़ेह पेहसीन ओहले या़हबु लेहङगु स्येकेन्गी ल़ेहलाॱआङ ङ्याम्बुराङ तुहक्पु पेहसीन। खो ख्यागी लेहङगुया़ फार छुर क्याल्ज्येला रो़हराम पेहकेन्की मिह यिहम्बा, ङाहला रो़हदी पेहच्येला ख्यागी खोला ङाहसाला ताङसीन।
लेहमेन क्यिहपाया़गी तेहन्दाला किन्ज्योगी ङाहला मास्यीका येशूला स्याहप्तो स्युहएँकी मिह ज़ो नाङसीन। लेहमेन क्यिहपाकी मिहया़ नाम्पार-ताहक्पा थु लाहमले चाङमा काहल्दी किन्ज्योकी थु ङ्ये़बाकी डेल्बा ओहङ ख़ूज्यु म़ेदी मिहरोगी ङाहला राहङदी या़हबु लेहङगु स्येच्येला पूजाहारीगी ल़ेहया़ चि क्याहप नाङसीन।
क्येप-ख्योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्युक ङ्ये़हमु ओहङगे माएँ ताम ह्अ के़हदी खुङया़ला ची़नाङ पेहतोङ च्यिबेमाना खुङया़गीॱआङ ख्या ङ्याम्बु-ङ्याम्बुराङ मिहली ज्योर्च्ये येह, दि ल़ेहमु पेहती ख्याया़गी सोल्वाङ ताप्केमु च्यिॱआङ ङ्याहम्छेया़ माहयोङज्यु म़ेदी च्यी़गी च्यी़ला छ्याप्स्यी या़हबुया़ पेहकें पेहतोङ।
किन्ज्योगी येशूला नाङग्यो पूजाहारीगी छ्या़ले ओ़ह लेहमेन गो-छ्येवा पूजाहारीगी छ्या़ले म़ेदीॱआङ जेन चा़ छ्यिम्बु येह। ओ़हठीॱराङ पेहती किन्ज्यो दाङ मिहरोगी मिहया़गी पाहरक्यीला येशूगी लाहम्बा जे नाङग्योकी साम्बा ताहम्ज्याॱआङ तोहङले ज़्या़ नाङग्योकी ताहम्ज्या म़ेदी चा़ छ्यिम्बु येह च्यिबेमाना दि ताहम्ज्यागी ब्राम या़हबु ताहम्ज्याया़ थो़ला छ्या़दे येहबा।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
ओ़हठीॱराङ पेहती मिह माहङबुगी तिहक्पाया़ खुर नाङज्येला मास्यीकागी लेहमा च्यी़ राहङगी राहङला मार्च्ये फुल नाङसीन। ओहले मास्यीका येहपाराङॱआङ लेहमा च्यी़ फेप नाङज्ये येह। ओहजे काहङला मिहया़गी तिहक्पाया़ ता़ह च्य़ू नाङज्येला मिहम्बा यिहॱनाङ सेम काहसो पेहती मिहरो फेप नाङगेन्गी फेप-लाहम कू़हदी तेहकेनया़ला थार्पा नाङज्येला फेप नाङज्ये येह।
Piblisite