गलाती 6:4 - ह्योल्‍मो

⁴ मिह थाम्‍ज्‍यीगी राहङ-राहङगी ल़ेहया़ या़हबु पेहती ङ्याहम्‍ज्‍यी पेहच्‍यु ओहले च्‍यी़राङ खो राहङगी राहङलाराङ लेहमेन मिहया़ ङ्याम्‍बु माहतुहर्पा पेहती राहङगी पेहक्‍योकी ल़ेहया़ थो़ला क़ेहनाङ पेह ख़ूज्‍ये येह।

गलाती 6:4 Referans Kwoze

२ कोरिन्‍थी 13:5

ख्‍याया़ती यिह-छ्य़े येहबानी म़ेहबा तोहङले ओ़ह राहङगी राहङला या़हबु पेहती ङ्याहम च्‍येती त़ेदोङ। राहङला ङ्याहम च्‍येतोङ। का़हलेॱआङ येशू मास्‍यीका ख्‍ये ङ्याम्‍बु ज़्‍य़ू नाङदी येहसीमाना ख्‍ये ठाबे सी़हज्‍ये येह ओहले ख्‍ये फेन थो़ज्‍ये येह। मिहन्‍सीमाना ख्‍ये फेन थो़ज्‍ये म़ेह।

१ कोरिन्‍थी 11:28

मिह थाम्‍ज्‍यीगी तोहङला राहङला ङ्याहम च्‍येच्‍यु, ओहले च्‍यी़राङ खोगी खुरा साहज्‍यु ओहले स्‍याहलु लाहमले थुङज्‍यु।

२ कोरिन्‍थी 1:12

ङ्यिह दि जाम्‍बुलीङला च्‍यी़राङ मिहम्‍बा यिहॱनाङ ख्‍याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्‍ज्‍योगी थु-ङ्य़ेबुगी मिहजी ताङदी येहबा दि तामला ङ्यिह ख्‍याया़ला छ्य़ेन्‍दो तेन्‍दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्‍बुलीङगी रिहक्‍स्‍यी लाहमले मिहम्‍बा, यिहॱनाङ दि किन्‍ज्‍योगी काटीन लाहमले यिहम्‍बा।

लूका 18:11

“ओहले फरिसीगी लाहङदी सेम सेमलाॱराङ दि ल़ेहमु म़ेदी सोल्‍वाङ ताप्‍सीन, ‘ओ़ किन्‍ज्‍यो, ङाह राहङला थुज्‍यी-छ्ये़ फुल्‍गे! च्‍यिबेमाना ङाह राहङसा मिहया़गी ल़ेहमु च्‍याहक्‍पा पेहती म़ेह। यिह-छ्य़े मी़हखुएँगी ल़ेह पेहती म़ेह। ङाहगी छ्येउ-छ्येंमु पेहती म़ेह। ओहले ङाह दि ठाल तुहएँ मिह ल़ेहमु मिहन।

गलाती 6:13

च्‍यिबेमाना स्‍या-ताक पेहकेनया़ राहङगीराङ छ्य़े-ठिम मी़हचीएँ, यिहॱनाङ ख्‍याया़ला स्‍या-ताक पेह च्‍य़ूदी खुङलाॱआङ ओहराङ यहूदीया़ ल़ेहमुराङ ज़ो ख़ूसीन म़ेदी छ्य़ेन्‍दो तेन्‍ज्‍येकी तेहन्‍दाला गा खुङया़गी ख्‍याया़ला स्‍या-ताक पेह च्‍य़ूज्‍ये छोल्‍गे।

१ कोरिन्‍थी 3:8

च़ूगेन दाङ छ्यु लू़गेनदीला च्‍यिॱआङ ख्‍येपार म़ेह। थाम्‍ज्‍यीगी राहङ-राहङगी ल़ेहला ते़बेकी राहङगी ले़गा ज्‍योर्च्‍ये येह।

१ कोरिन्‍थी 3:14

ओ़ह ब्राम थो़ला ज़ोएँ मिहगी ल़ेह मेहला लू़गेमु थाला मेहन्‍डोसीमाना खोगी च्‍याहगा ज्‍योर्च्‍ये येह।

फिलिप्‍पी 1:26

ङाह ख्‍यासाला येहपाराङ ओहङगेमु ङाहती तेहन्‍दागी पेहती ख्‍याया़गी मास्‍यीका येशूकी छेनला माहङबुराङ सेम काहसो पेह ङ्युहङज्‍ये येह।