गलाती 6:16 - ह्योल्‍मो

¹⁶ ता़ह दि तामया़ला ङ्यिहन्‍दी राहङगी डोलु-तेहलु या़हबु पेहकेनया़ दाङ किन्‍ज्‍योकी इस्राएल क्‍यिहपाया़ थो़ला स्‍य़िहदे दाङ थुज्‍यी ज़ी़-नाङज्‍यु।

गलाती 6:16 Referans Kwoze

गलाती 3:29

का़हलेॱआङ ख्‍या मास्‍यीकाती यिहम्‍बा मासीमानानी ख्‍या अब्राहामकी छार्क्‍यीन यिहम्‍बा, ओहले ख्‍या किन्‍ज्‍योगी तोहदाम ज़्‍या़ नाङग्‍योकी फास्‍यी ज्‍योर्के मिहया़ॱआङ यिहम्‍बा।

फिलिप्‍पी 3:3

तेहन्‍दामकी स्‍या-ताक पेहकेनया़नी ओहराङया़ गा यिहम्‍बा च्‍यिबेमाना ओहराङ किन्‍ज्‍योला नाम्‍स्‍यी लाहमले छ्येपा फुल्‍गे ओहले मास्‍यीका येशूकी छेनला छ्य़ेन्‍दो तेन्‍गे। ओहले ज़ुबुला स्‍या-ताक पेहकें तामला ङ्यिह यिह मे़हछ्येएँ।

रोमी 4:12

अब्राहाम स्‍या-ताक पेहक्‍यो मिहया़ती च्‍यी़राङ आबा मिहम्‍बा यिहॱनाङ अब्राहामगी स्‍या-ताक पेहकें म़ेदी तोहङले किन्‍ज्‍योला तेहपा पेहती काह-ठि मिहजी ताङग्‍यो येहकें ओ़हठीॱराङ पेहती किन्‍ज्‍योला तेहपा पेहती मिहजी ताङगे मिहया़दीॱआङ आबा यिहम्‍बा।

यूहन्‍ना 1:47

येशूगी नथानेलला राहङ ङो़ले ओहङगेॱराङ पेहक्‍यो ज़ी़दी खोगी तेहन्‍दाला सुङ नाङसीन, “त़ेदोङ, खो तेहम्‍बा-तेहन्‍सुमॱराङ इस्राएली यिहन, खोला च्‍यिॱआङ क्‍येन म़ेह।”

फिलिप्‍पी 3:16

च्‍यि यिहॱनाङ ओहराङ दि थु काह-ठि पेहती लेप्‍पा ता़ह ओ़हठीॱराङ पेहती याहर याहर डो कोहएँ।

गलाती 5:25

का़हलेॱआङ ओहराङ नाम्‍पार-ताहक्‍पा थु लाहमलेॱराङ थार्के यिहन्‍सीमानानी ओहराङ नाम्‍पार-ताहक्‍पा थु लाहमले राहङगी डोलु-तेहलुया़ पेह कोहएँ।

गलाती 5:16

यिहॱनाङ ङाह ख्‍याला माएँ, नाम्‍पार-ताहक्‍पा थु लाहमले राहङगी मिहजी ताङदोङ। दि ल़ेहमु पेहती ख्‍येगी ज़ुबुगी चोक्‍पा सेम्‍बा छाङबु पेहच्‍ये म़ेह

यूहन्‍ना 16:33

“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”

यूहन्‍ना 14:27

ङाह ख्‍या ङ्याम्‍बुराङ स्‍य़िहदे क्‍युर ज़्‍या़एँ, ङाह राहङगी स्‍य़िहदे ख्‍याया़ला तेर्के। दि स्‍य़िहदेती जाम्‍बुलीङगी तेरक्‍यो ल़ेहमु मिहम्‍बा, ख्‍या सेम छाबा-छुबे माहबे ओहले मा़हन्‍ज्‍यी।

फिलिप्‍पी 4:7

ओहले मिहगी नोम्‍साङ ताङदीॱआङ ताङॱराङ मी़हखुएँ किन्‍ज्‍योकी स्‍य़िहदेगी ख्‍यागी यिह दाङ सेमला येशू मास्‍यीकाला सी़दे ज़्‍या़ नाङज्‍ये येह।

गलाती 1:3

ओहराङगी किन्‍ज्‍यो याहप दाङ चो़वो येशू मास्‍यीकागी ख्‍याला काटीन दाङ स्‍य़िहदे नाङज्‍यु।

रोमी 1:7

रोम क्‍याहसाला तेहकेन किन्‍ज्‍योगी च्‍याहम्‍बु ङ्येन्‍जेन-ङ्येहवाया़ थाम्‍ज्‍यीला ङाह दि यिहगी प्रुहएँॱराङ येहबा, किन्‍ज्‍योगी ख्‍या थाम्‍ज्‍यीला च्‍याहम्‍बा जेती मिहरोकी नाम्‍पार-ताहक्‍पा छार्क्‍यीन ज़ो नाङज्‍येला क़े क्‍याहप नाङदी येह, किन्‍ज्‍यो ओहराङगी याहप दाङ चो़वो येशू मास्‍यीकागी ख्‍या थाम्‍ज्‍यीला काटीन दाङ स्‍य़िहदे नाङज्‍यु।

एफिसी 6:23

किन्‍ज्‍योला यिह-छ्य़े पेहक्‍योकी थाम्‍ज्‍यीराङ आदा-नो़ह दाङ आज्‍यी-नुहमुया़ला किन्‍ज्‍यो याहप दाङ चो़वो येशू मास्‍यीकागी स्‍य़िहदे, चेवा दाङ यिह-छ्य़े नाङज्‍यु।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

यहूदा 1:2

ख्‍याया़ला माहङबु म़ेदी माहङबु थुज्‍यी, स्‍य़िहदे दाङ चेवा ओहङज्‍यु।