गलाती 5:21 - ह्योल्‍मो

²¹ लेहमेन मिहया़ याहरक्‍यी काहल्‍ग्‍यो थोङगेमु सेम छी़गे, छ्याङसीवा, याम-थेर्पु लुया़ लेहन्‍दी छ्याम्‍गे, ज़िगे से़हया़ थुङदी छ्येउ-छ्येंमु पेहती खाम्‍साङ-ङ्याहम्‍साङ पेहकें ओहले लेहमेनॱआङ दि ल़ेहमुराङ तिहक्‍पागी ल़ेहया़ पेहकेन मिहया़ किन्‍ज्‍योगी क्‍याहल्‍सी नाहङला स्‍य़ूहज्‍येला ओङ ज्‍योर्च्‍ये म़ेह। दिगी तेहन्‍दाला ङाहगी तोहङलेॱआङ ख्‍याया़ला ठो़ पेहती माक्‍यो येहकें ओहले ताहन्‍दाॱआङ माएँराङ येहबा।

गलाती 5:21 Referans Kwoze

रोमी 13:13

ङ्यिहमाला ल़ेहमुराङ पेहती ओहराङ ल़ेह टाहङबु पेह कोहएँ। कुहङमु ल़ेहमु खाम्‍साङ-ङ्याहम्‍साङ पेहकें, ज़िगे से़हया़ थुङगे, छ्येउ-छ्येंमु पेहकें, छा़रा ल़ेहया़ पेहकें, जिङगे ओहले ठादो पेहकेन्‍गी ल़ेहया़ पाङ कोहएँ।

रोमी 8:13

च्‍यिबेमाना ख्‍याया़गी तिहक्‍च्‍येम्‍बा पेहताङला ते़बे राहङगी मिहजी ताङसीन माना ख्‍याया़ स्‍यिज्‍ये येह, यिहॱनाङ का़हलेॱआङ नाम्‍पार-ताहक्‍पा थुकी ओङ लाहमले तिहक्‍पाकी पेहताङया़ला सेसीन माना ख्‍याया़ थार्च्‍ये येह।

एफिसी 5:18

छ्याङगी ज़िदे राहङगी मिहली खाम्‍साङ-ङ्याहम्‍साङ पेहती माहताङ यिहॱनाङ नाम्‍पार-ताहक्‍पा थुगी काहङदोङ।

१ कोरिन्‍थी 5:11

ओ़ह सोङबे ङाहगी ख्‍याला ताहन्‍दा माएँ, “ङाह किन्‍ज्‍योला यिह-छ्य़े पेहक्‍यो नो़ह यिहम्‍बा” म़ेदी माज्‍येनी माएँ यिहॱनाङ छ्येउ-छ्येंमु पेहकें, ह्‍अम्‍बा पेहकें, कुला छ्येपा फुल्‍गे, मिह ताम च्‍येहके, छ्याङसीवा ओहले कुमेन क्‍याहप्‍केनया़गी तेहन्‍दाला माक्‍यो यिहम्‍बा। ओ़ह ल़ेहमु मिहया़ ङ्याम्‍बुनी तेहती तोप्‍च्‍याॱआङ माहसाह।

ज्‍याल्‍गा 21:27

ल़ूह स्‍ये़बुकी मिहलीकी छ्य़ेला मिहन प्रुहक्‍योया़ च्‍यी़राङ ओ़ह क्‍याहसा नाहङला स्‍य़ूह ङ्युहङज्‍ये येह। मेहचाङा से़हया़, ङोहजागी ल़ेह पेहकेनया़ ओहले चिहन क्‍याहप च्‍य़ूगेनया़ ओ़ह नाहङला स्‍य़ूह ङ्युहङज्‍ये म़ेह।

१ पत्रुस 4:3

काहल्‍ग्‍यो ङ्यिहमाया़ला लेहमेन क्‍यिहपागी मिहया़गी ल़ेहमु पेहती ख्‍याया़गी छ्येउ-छ्येंमु पेहको येहकें, ज़ुबुकी तेहन्‍दाला चोक्‍पा-चोक्‍पा सेमया़ थोउ येहकें, छ्याङसीवा येहकें, खाम्‍साङ-ङ्याहम्‍साङ पेहको येहकें, कुहन्‍डुमकी-निङगु थुङगेन्‍गी डेनया़ ज़्‍या़गो येहकें, ओहले नाम्‍दो लाहङज्‍ये ल़ेहमु कुया़ला छ्येपा फुल्‍दी तेहको येहकें।

कलस्‍सी 3:6

दि से़हया़गी पेहतीराङ किन्‍ज्‍योगी थुयाल मिहरोगी का मिहची़एँगी मिहया़ थो़ला बाप्‍च्‍ये येह।

१ थेसलोनिकी 5:7

च्‍यिबेमाना ङ्याहल्‍गेया़ नुहङमुॱराङ ङ्याहल्‍गे ओहले ज़िगे मिहया़ॱआङ नुहङमुॱराङ ज़िगे।

१ कोरिन्‍थी 15:50

आदा नो़ह दाङ आज्‍यी-नुहमुया़, ङाहगी माज्‍ये छोल्‍ग्‍यो ताम दिराङ यिहम्‍बा, स्‍या दाङ ठा़गी किन्‍ज्‍योगी क्‍याहल्‍सीला स्‍य़ूहज्‍येला ओङ ज्‍योर मी़हखुएँ। ओहले तोहङदी डोएँ ज़ुबुगी नाहमॱआङ मेहतोङगेन ज़ुबुगी ओङ ज्‍योर मी़हखुएँ।

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”

मत्ती 25:34

ओहले क्‍याहल्‍बुगी राहङगी योबा ङो़गी मिहया़ला दि ल़ेहमु माज्‍ये येह, ‘ए ङाहगी किन्‍ज्‍यो याहपगी मेलाम थोप्‍क्‍यो मिहया़! ओहङदी जाम्‍बुलीङ छ्या़गे यिहन्‍ज्‍युराङ ख्‍याया़गी तेहन्‍दाला ठाबे पेहती ज़्‍या़क्‍यो क्‍याहल्‍सीला तेह

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

हिब्रू 13:4

पा़हमा, मिह थाम्‍ज्‍यीगी ची़नाङ पेहच्‍ये सी़हगेन्‍दी ओहङ कोहएँ, ख्‍योवागी राहङगी पी़हमी क्‍याहपला लेहमेन पी़हमी छोल्‍ज्‍ये मेहयोहङगे, पी़हमीगीॱआङ राहङगी ख्‍योवा क्‍याहपला लेहमेन ख्‍योवा छोल्‍ज्‍ये मेहयोहङगे। च्‍यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्‍ज्‍योगी ङ्य़ेहबा काल नाङज्‍ये येह।

२ थेसलोनिकी 2:5

च्‍यि ख्‍या फ़ेबे-म़ेहमेया़ला टेहम्‍बा म़ेहबा ले? ङाह ख्‍या फ़ेबे-म़ेहमेॱया ङ्याम्‍बु तेहकेमुॱराङ ङाहगी दि तामया़ माक्‍यो येहकें।