गलाती 4:24 - ह्योल्‍मो

²⁴ दि पे-ला त़ेदी ओहराङगी च्‍यि ह्‍अ कोह ख़ूएँ मासीमाना, ओ़ह पी़हमी-पेहजा ङ्यी़ ना ङ्यी़गी ताहम्‍ज्‍याया़ यिहम्‍बा। पी़हमी च्‍यी़दी सीनै लाह लाहमले योक्‍पुकी तेहन्‍दाला पेहजा क्‍येएँदी हागार यिहम्‍बा।

गलाती 4:24 Referans Kwoze

गलाती 4:25

हागार अरब क्‍याहल-खापकी सीनै लाह यिहम्‍बा, ओहले ताहङ-तिहरीङकी यरूशलेम ङ्याम्‍बु ओ़ह दुर ख़ूएँ। च्‍यिबेमाना राहङगी पेहजाया़ ङ्याम्‍बु मोहॱआङ छ्य़े-ठिमकी यो़मु काहल्‍दी येह।

१ कोरिन्‍थी 10:11

खुङ थो़ला बाप्‍क्‍योकी दि केच्‍याया़ ओहराङगी तेहन्‍दाला पे च्‍यी़ काहल्‍सीन ओ़ह सोङबे ओहराङ जेम्‍बु पेहती तेह कोहएँ माएँगी तेहन्‍दाला दि केच्‍याया़ प्रुहक्‍यो यिहम्‍बा। ता़ह ओहराङनी दि जाम्‍बुलीङला काल्‍बाया़ तोङगेन्‍गी ती़हजी पोहला लेप सिहन्‍दी येहबा।

मत्ती 13:35

ओहले दि ल़ेहमु पेहती लुहङतेम्‍बागी सुङ नाङग्‍योकी दि स्‍याहल तेहन्‍दा डुप्‍सीन– ङाह खुङया़ला पे ज़्‍या़दी ताम माज्‍ये येह ओहले जाम्‍बुलीङ छ्या़गे यिहन्‍ज्‍यु पे़हदी ज़्‍या़क्‍योगी तामया़ ङाहगी स्‍येच्‍ये येह।

हिब्रू 13:20

ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी

हिब्रू 12:24

ख्‍या दाङ किन्‍ज्‍योगी पाहरक्‍यीला साम्‍बा ताहम्‍ज्‍या ज़्‍या़ज्‍येला लाहम्‍बा जे नाङगे येशूसाला ख्‍या ओहङदी येह। हाबिलगी ठा़ म़ेदी जेन या़हबु से़हदी ताहम्‍ज्‍या ज़्‍या़ नाङगे येशूकी कु-ठा़ला ओहङदी येह।

हिब्रू 11:19

किन्‍ज्‍योगी मिहया़ला स्‍यिक्‍योलेगीॱआङ येहपाराङ सोम्‍बो ज़ो थुप नाङगे माएँ तामला अब्राहामगी यिह छ्य़ेसीन ओहले ओ़ह ताम तेहम्‍बाराङ इसहाक स्‍यी़दीॱआङ येहपाराङ सोम्‍बो लो़हदी ओहङग्‍यो ल़ेहमुज्‍यी काहल्‍सीन।

हिब्रू 7:22

किन्‍ज्‍योगी दि ना क्‍याल नाङग्‍यो सोङबेॱराङ येशू थाम्‍ज्‍यी म़ेदी या़हस्‍यो ताहम्‍ज्‍यागी पाङबु काहल्‍सीन।

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

१ कोरिन्‍थी 10:4

थाम्‍ज्‍यीगी यिहक्‍तेन छ्यु छ्य़ेसीन, च्‍यिबेमाना खुङ फ़ेबेॱया ङ्याम्‍बु-ङ्याम्‍बुराङ फेप नाङगे यिहक्‍तेन तोह-पा़राकी छ्यु खुङ फे़बेया़गी छ्ये नाङसीन ओहले ओ़ह तोह-पा़राती मास्‍यीकाॱराङ यिहन्‍गे।

रोमी 8:15

च्‍यिबेमाना ख्‍येला योक्‍पु ज़ोएँकी ओ़ह नाम्‍स्‍यी नाङदी म़ेह, का़हन्‍दीगी ख्‍येला येहपाराङ ज्‍यी़सु ङो़ले ख्‍येर्के, यिहॱनाङ ख्‍येला राहङदीराङ पुह-पोहमो ज़ोएँकी नाम्‍पार-ताहक्‍पा थु नाङदी येह। दि लाहमलेॱराङ ओहराङगी किन्‍ज्‍योला “अब्‍बा, आबा” म़ेदी क़े क्‍याहप्‍केन।

गलाती 4:3

मास्‍यीका फेप नाङगे म़ेदी तोहङले ओहराङॱआङ ओ़ह ल़ेहमुराङ येहकें ओहले जाम्‍बुलीङला ओङ छ्य़ेगे नाम्‍स्‍यीया़गी ओङ चो़ला ज्‍युल्‍दी तेहती येहकें।