गलाती 4:19 - ह्योल्‍मो

¹⁹ ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

गलाती 4:19 Referans Kwoze

रोमी 8:29

किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।

एफिसी 4:13

दि काबापया़ लाहमले ओहराङ यिह छ्य़ेलुला डी़दी तेह ख़ूज्‍ये येह ओहले किन्‍ज्‍योकी स़ेबुकी रिहक्‍स्‍यीला ओहराङ याहरक्‍यी पेहती डो ख़ूएँ ओहले ङ्यिहमा च्‍यी़ ओहराङ छाङबु मिह डोज्‍ये येह ओहले मास्‍यीकाकी छाङबु छ़े क्‍याहप नाङग्‍योकी ग्‍या़ थु लेप ख़ूज्‍ये येह।

रोमी 13:14

यिहॱनाङ ङ्यिहमागी छेन्‍ज्‍याया़ ल़ेहमुराङ चो़वो येशू मास्‍यीकाकी छ्याप्‍स्‍यीया़ला पे त़ेदी ओ़ह ल़ेहमुराङ छ्याप्‍स्‍यी पेहतोङ। ओहले ज़ुबुकी तिहक्‍पाकी पेहताङकी सेम्‍बाया़ छाङबु पेहच्‍ये माहछोल।

एफिसी 4:24

साम्‍बा मिहनी किन्‍ज्‍योगी ङ्य़ेहरीलाॱराङ छ्या़क्‍यो यिहम्‍बा ओहले दिगी किन्‍ज्‍योगी दिनला टाहङदेन दाङ नाम्‍पार-ताहक्‍पा दु म़ेदी तेहन्‍दामकी मिहली तेन्‍गे। दि साम्‍बा पेहताङलाॱराङ ख्‍याया़गी ची़दोङ।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

कलस्‍सी 3:10

ता़ह ख्‍यागी साम्‍बा पेहताङया़ लेहन्‍दी येह। ख्‍या ङ्यिहमा टाहङमा ख्‍याला ज़ो नाङगे किन्‍ज्‍यो ल़ेहमु पेहती डोएँमु ख्‍यागी मिहरोगी तेहन्‍दाला येहन्‍देन छाङबु ज्‍योर्च्‍ये येह।

फिलिप्‍पी 2:5

ख्‍याया़गी सेम येशू मास्‍यीकाती ल़ेहमुराङ ओहङज्‍यु।

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।

फिलेमोन 1:10

ङाहगी पुह ओनेसिमसकी तेहन्‍दाला ङाह ओहर-छ्य़े स्‍युहउ येह, ङाह चोन-खाङला येहकेंमु मास्‍यीका ङो़ले ङाह ओनेसिमसकी आबा काहल्‍दी येह।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

कलस्‍सी 2:1

ता़ह ख्‍याया़गी दि केच्‍या ह्‍अ कोहज्‍यु माएँ ङाहती सेम्‍बा येहबा, काह-ठि पेहती ख्‍याया़ दाङ लाउडिकियाला येहकेन्‍की मिहया़ ओहले ङाहला थोङॱराङ माहथोङबा मिह थाम्‍ज्‍यीगी तेहन्‍दाला ङाह कादुप च्‍येती ल़ेह पेहकें,

फिलिप्‍पी 2:17

का़हलेॱआङ ख्‍यागी फुल्‍ग्‍यो यिह-छ्य़ेकी मार्च्‍येला ङाहतीॱआङ ठा़ मार्च्‍ये ल़ेहमुराङ पेहती फुल्‍दी स्‍याहल च्‍य़ू कोहॱनाङ ङाहला काहसो येह, ओहले ङाह ख्‍या थाम्‍ज्‍यी ङ्याम्‍बु क़ेहनाङ पेहकें।

फिलिप्‍पी 1:8

काह-ठि पेहती मास्‍यीका येशूकी निङज्‍यीगी पेहती ङाह ख्‍या थाम्‍ज्‍यीला टेहम्‍बा साल्‍गे माएँ तामला किन्‍ज्‍यो ङाहती पाङबु ज़्‍य़ू नाङदी येह।

१ यूहन्‍ना 5:21

ए ङाहगी पेहजाया़, ख्‍याया़ कुया़ ङो़ले था़-रिहङबुराङ तेह।

१ यूहन्‍ना 2:12

ए ङाहगी च्‍याहम्‍बु पेहजाया़, येशूगी छेनला ख्‍या थाम्‍ज्‍यीगी तिहक्‍पा ता़हक्‍यो सोङबे ङाह ख्‍याया़ला दि ताम प्रुहएँ राङ येहबा।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

हिब्रू 5:7

येशू राहङगी मिहगी मिहली नोम नाङगेमु राहङला स्‍यिएँगी ओङलेगी थार च्‍य़ू थुप्‍केन किन्‍ज्‍यो ङ्याम्‍बु स्‍योम्‍दी मिज्‍यु ताङगेराङ सोल्‍वाङ ताप नाङसीन। मास्‍यीकाकी दि रोहवा स्‍यिहवा दाङ किन्‍ज्‍योला क्‍याप्‍क्‍यो ज़ी़दी किन्‍ज्‍योगी मिहरोगी सोल्‍वाङ सेन नाङसीन।

तीतस 1:4

ङ्यिह यिह-छ्य़े च्‍यी़ला येहकेन्‍गी ङाहती तेहन्‍दामगी पुह तीतसला दि यिहगी प्रुहएँॱराङ येहबा। किन्‍ज्‍यो याहप दाङ ओहराङला थार्पा नाङगेन्‍गी मास्‍यीका येशूगी ख्‍याया़ला काटीन दाङ स्‍य़िहदे नाङज्‍यु।

फिलेमोन 1:19

ङाह पावल, राहङदीराङ लाहक्‍पागी दि प्रुहएँॱराङ येहबा। ओ़ह खोगी च्‍याल कोहएँगी पेहलेन ङाहगीराङ ख्‍येला च्‍याल तेर्कें। ख्‍येगी मास्‍यीकाला मिहली साम्‍बा ङाह ङो़लेराङ ज़्‍योरक्‍यो यिहम्‍बा म़ेदीनी म़े तेह मेहकोहटो।

१ तिमोथी 1:2

यिह-छ्य़ेला ङाहगी तेहन्‍दामकी पुह तिमोथीला प्रुहएँॱराङ येहबा। किन्‍ज्‍यो याहप दाङ ओहराङगी चो़वो मास्‍यीका येशूगी ख्‍याया़ला काटीन, थुज्‍यी दाङ स्‍य़िहदे नाङज्‍यु।

लूका 22:44

येशूगी थु ज्‍यिबुराङ ङ्युङदी येहकें यिहॱनाङ येशूगी तोहरोङॱआङ माहङबु सोल्‍वाङ ताप नाङसीन, ओहजेला येशूगी ङुल्‍ज्‍यु ठा़गी थी़बा ल़ेहमुराङ साला ताहप्‍सीन।]

२ कोरिन्‍थी 12:14

येहपाराङ ङाह ख्‍यासाला ओहङज्‍ये पेहको येह। दि थेबे ङाह लेहमा सुम डोएँ। यिहॱनाङ ख्‍याया़ला का़हन्‍दीॱआङ डोसोङगी तेहन्‍दाला तुहक्‍पु मेहतेर, च्‍यिबेमाना ङाहला ख्‍या ङ्याम्‍बु येहकेन्‍गी क्‍युह-नोहर मिहम्‍बा यिहॱनाङ ङाहला ख्‍याया़राङ कोहकें। च्‍यिबेमाना आबा-आमागी तेहन्‍दाला पुह पोहमोगी मिहम्‍बा, यिहॱनाङ पुह पोहमोगी तेहन्‍दाला गा आबा-आमागी सी़ कोहकें।

१ थेसलोनिकी 2:7

यिहॱनाङ येशू मास्‍यीकागी ङ्यिहला दाम्‍दी ल़ेह-पेन ज़ो नाङग्‍यो सोङगोराङ राहङगी पेहजाया़ला चारा पेहकें आमा ल़ेहमुराङ ङ्यिह ख्‍या फ़ेबे-म़ेहमेया़गी पाहरक्‍यीला ङ्येम्‍बु काहल्‍सीन।

३ यूहन्‍ना 1:4

राहङदी पुह पोहमोया़ तेहन्‍दामकी लाहमला स्‍य़ूहदीॱराङ दु माएँ ताम थ़े ङ्युहङगे ल़ेहमु काहसो लेहमेन ताम च्‍यि ओहङ ख़ूएँ ले?