गलाती 3:7 - ह्योल्‍मो

⁷ ओ़ह सोङबे ख्‍यागी दि ताम ह्‍अ के़हदोङ, सु सुगी किन्‍ज्‍योला तेहपा पेहकें, खुङया़ॱराङ अब्राहामकी छार्क्‍यीनया़ यिहम्‍बा।

गलाती 3:7 Referans Kwoze

गलाती 3:9

अब्राहामगी किन्‍ज्‍योला तेहपा पेहतीराङ मेलाम ज्‍योर्सीन। ओ़ह ल़ेहमुराङ पेहती ख्‍यागीॱआङ तेहपा पेहती अब्राहाम ङ्याम्‍बुराङ मेलाम ज्‍योर सिहन्‍दी येह।

रोमी 4:24

यिहॱनाङ दि ओहराङगी तेहन्‍दालाॱआङ यिहम्‍बा। ओहले ओहराङ सु सुगी ओहराङ चो़वो येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङगे किन्‍ज्‍यो थो़ला यिह छ्य़ेगे खुङॱआङ किन्‍ज्‍योगी दिनला टाहङबु सी़हज्‍ये येह।

यूहन्‍ना 8:39

ओहजेला खुङया़गी येशूला मासीन, “ङ्यिहगी आबा नि अब्राहाम यिहम्‍बा।” ओहले येशूगी खुङया़ला सुङ नाङसीन, “तेहम्‍बाराङ ख्‍या अब्राहामगी छार्क्‍यीन यिहन्‍गे यिहनानी, अब्राहामगी पेहक्‍यो ल़ेहमुराङ ल़ेह ख्‍यागीॱआङ पेहच्‍ये येहकें।

लूका 19:9

ओहले येशूगी खोला सुङ नाङसीन, “तिहरीङ दि खाङबा मे़हमेया़गी थार्पा ज्‍योर्ती येह। च्‍यिबेमाना जखायस अब्राहामगी छार्क्‍यीन यिहम्‍बा।

लूका 21:31

ओ़ह ल़ेहमुराङ पेहती दि केच्‍याया़ तेहन्‍दा डुप्‍केन थोङ फान्‍ज्‍यो किन्‍ज्‍योगी क्‍याहल्‍सी पोहला लेप्‍च्‍ये पेहक्‍यो दु म़ेदी ख्‍यागी ङोह स्‍ये़ज्‍ये येह।

हिब्रू 13:23

ओहराङगी नो़ह तिमोथी चोन-खाङले थेन सिहन्‍दी येह म़ेदी ङाह ख्‍याया़ला लेहङगु तेर्को येह। का़हलेॱआङ खो ग्‍यो़बाराङ देला ओहङसीमाना ङाह ख्‍यासाला ओहङगेमु खोलाॱआङ ङ्याम्‍बुराङ ख्‍योङदी ओहङज्‍ये येह।

गलाती 6:16

ता़ह दि तामया़ला ङ्यिहन्‍दी राहङगी डोलु-तेहलु या़हबु पेहकेनया़ दाङ किन्‍ज्‍योकी इस्राएल क्‍यिहपाया़ थो़ला स्‍य़िहदे दाङ थुज्‍यी ज़ी़-नाङज्‍यु।