गलाती 3:26 - ह्योल्‍मो

²⁶ च्‍यिबेमाना तेहपा लाहमले ख्‍या थाम्‍ज्‍यी मास्‍यीका येशूला किन्‍ज्‍योकी छार्क्‍यीन यिहम्‍बा।

गलाती 3:26 Referans Kwoze

एफिसी 1:5

किन्‍ज्‍योगी ओहराङला चेवा जे-नाङदी मास्‍यीका लाहमले राहङदीराङ पुह-पोहमो ज़ो नाङज्‍येला मिहरोला या़हबु ऩेसीन ओ़ह सोङबे मिहरोगी ओहराङला तोहङलेराङ दाम नाङसीन।

२ कोरिन्‍थी 6:18

“ङाह ख्‍यागी आबा ओहङज्‍ये येह, ओहले ख्‍या ङाहती पुह पोहमोया़ डोज्‍ये येह म़ेदी वाङज्‍या छ्यिम्‍बु नोम्‍गेन चो़वो छ्येवागी सुङ नाङगु दु।”

फिलिप्‍पी 2:15

ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।

ज्‍याल्‍गा 21:7

सु सुगी क्‍याहल्‍गे, खोगी ङाहलेगी दि ओङ ज्‍योर्च्‍ये येह। ङाह खोती किन्‍ज्‍यो ओहङज्‍ये येह ओहले खो ङाहगी पुह-पोहमो ओहङज्‍ये येह।

एफिसी 5:1

ओ़ह सोङबे ख्‍याया़ किन्‍ज्‍योकी च्‍याहम्‍बु छार्क्‍यीनया़ यिहन्‍गे सोङबे मिहरोकी पे त़ेदी ओ़ह ल़ेहमुराङ पेहतोङ।

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

यूहन्‍ना 1:7

खो लाहमले मिह थाम्‍ज्‍यीगी यिह-छ्य़े ख़ूज्‍यु म़ेदी ओ़ह येहसेरकी तेहन्‍दाला प्रा-साल्‍ज्‍येला खो पाङबु पेहती ओहङसीन।

रोमी 8:1

ओ़ह सोङबे मास्‍यीका येशूला येहकेन मिह थाम्‍ज्‍यीला किन्‍ज्‍योगी ङ्य़ेहबा काल नाङज्‍ये म़ेह।

रोमी 8:19

किन्‍ज्‍योगी राहङगी पुह-पोहमो तेन नाङगेन्‍गी ङ्यिहमा ताज्‍येला मिहरोगी छ्या़ च्‍य़ू नाङग्‍योगी रेबेॱराङ से़हया़गी ज्‍यिबुराङ छ्यिम्‍बु रेहवा पेहती कू़हदी तेहती येहबा।

२ कोरिन्‍थी 1:1

किन्‍ज्‍योगी थु लाहमले मास्‍यीका येशूगी ल़ेह-पेन पावल दाङ ओहराङगी नो़ह तिमोथी लाहमले, कोरिन्‍थला येहकेन्‍गी किन्‍ज्‍योगी छेन्‍छोकला, ओहले अखैयाला येहकेन्‍गी थाम्‍ज्‍यी मास्‍यीकाकी पुह पोहमोया़ला दि यिहगी प्रुहएँॱराङ येहबा।

गलाती 3:28

ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।

गलाती 4:14

ङाह नेहपा काहल्‍ग्‍योकी ती़हजी ओ़ह ख्‍याया़गी तेहन्‍दाला ङ्याहम्‍छे च्‍यी़ यिहन्‍गे, यिहॱनाङ ख्‍याया़गी ङाहला क्‍युक्‍टो माहबे, ङ्याप्‍च्‍यु माहबे यिहन्‍दी सुङनाङ ख्‍यागी ङाहला किन्‍ज्‍योकी स्‍यिहङगामकी स्‍याहप्‍च्‍यी च्‍यी़ला, मास्‍यीका येशूला ल़ेहमुराङ पेहती ची़नाङ पेहसीन।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

गलाती 5:24

खुङया़, का़हन्‍दी मास्‍यीका येशूकी मिहया़ यिहम्‍बा, ओ़हया़गी तिहक्‍पा पेहच्‍ये सेम क्‍येएँगी राहङगी पेहताङया़ला ज़ुबुकी पेहच्‍ये छोल्‍गेन्‍की पेह मी़हसीहएँकी ल़ेहया़ दाङ सेम्‍बाया़ ङ्याम्‍बुराङ क्‍याहङस्‍यीङला च्‍याङ सिहन्‍दी येह।

एफिसी 1:1

किन्‍ज्‍योगी थु लाहमले मास्‍यीका येशूगी ल़ेह-पेन ङाह पावल लाहमले, मास्‍यीका येशूला यिह छ्य़ेक्‍यो एफिससला येहकेन्‍गी नाम्‍पार-ताहक्‍पा मिहया़ला दि यिहगी प्रुहएँॱराङ येहबा।

फिलिप्‍पी 1:1

फिलिप्‍पी क्‍याहसाला येहकेन मास्‍यीका येशूकी नाम्‍पार-ताहक्‍पा मिहया़, एल्‍डरया़ ओहले डिकनया़ला ङ्यिह मास्‍यीका येशूकी योक्‍पु पावल दाङ तिमोथीगी दि यिहगी प्रुहएँॱराङ येहबा।

फिलिप्‍पी 1:8

काह-ठि पेहती मास्‍यीका येशूकी निङज्‍यीगी पेहती ङाह ख्‍या थाम्‍ज्‍यीला टेहम्‍बा साल्‍गे माएँ तामला किन्‍ज्‍यो ङाहती पाङबु ज़्‍य़ू नाङदी येह।

कलस्‍सी 1:4

च्‍यिबेमाना मास्‍यीका येशूला येहकेन्‍गी ख्‍याया़गी तेहपा दाङ किन्‍ज्‍योकी नाम्‍पार-ताहक्‍पा मिहया़ थाम्‍ज्‍यीलाराङ ख्‍याया़गी पेहक्‍यो चेवागी तेहन्‍दाला ङ्यिहगी थे़दी येह।

कलस्‍सी 2:6

ओ़ह सोङबे काह-ठि पेहती ख्‍याया़गी मास्‍यीकाला लोक पेहपा, ओ़हठीॱराङ पेहती मिहरोला थु ङ्ये़एँगी मिहजी ताङदोङ।

फिलेमोन 1:1

मास्‍यीका येशूकी तेहन्‍दाला चोन-खाङला छ्यिक्‍यो ङाह पावल दाङ ओहराङगी नो़ह तिमोथी लाहमले, ओहराङ ङ्याम्‍बुराङ ल़ेह पेहकेन च्‍याहम्‍बु रो़ह फिलेमोन

फिलेमोन 1:9

चेवा लाहमले ङाह ख्‍येला ओहर-छ्य़े स्‍युहउ येह। ता़ह ङाह मिह केहपु ओहले ताहन्‍दा येशू मास्‍यीकाकी तेहन्‍दाला चोन-खाङला छ्यिक्‍यो ङाह पावल