गलाती 2:15 - ह्योल्‍मो

¹⁵ ओहराङ क्‍येक्‍योॱराङ यहूदी क्‍यिहपाला यिहम्‍बा, ओहले ओहराङ लेहमेन क्‍यिहपाकी मिहया़ ल़ेहमु तिहक्‍च्‍येम्‍बा म़ेह

गलाती 2:15 Referans Kwoze

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

एफिसी 2:3

लेहमा च्‍यी़ ओहराङॱआङ खुङ ल़ेहमुराङ येहकें ओहले ओहराङ थाम्‍ज्‍यी राहङ ज़ुबु दाङ सेमगी लाङगे से़हया़ छाङबु पेहती राहङ तिहक्‍पाकी पेहताङला छ्यिती मिहजी ताङगो येहकें। राहङ पेहताङगी पेहती ओहराङॱआङ खुङ ल़ेहमुराङ किन्‍ज्‍योकी थुयालला छ्यिती येहकें।

रोमी 3:9

ओ़हठी यिहन्‍सीमाना च्‍यि ओहराङ यहूदीया़ लेहमेन क्‍यिहपाया़ म़ेदी या़हबु यिहम्‍बा ले? मिहम्‍बा, ओ़ह ल़ेहमु यिहनॱराङ मिहन। यहूदी दाङ लेहमेन क्‍यिहपाया़ॱआङ तिहक्‍पाकी ओङ चो़ला येह म़ेदी ङाहगी फातुर च़ू सिहन्‍दी येह।

फिलिप्‍पी 3:4

माज्‍येराङ माना ङाह राहङगी राहङला ज़ुबुला स्‍या-ताक पेहकेन्‍की ल़ेहला यिह छ्य़ेगेन्‍गी तेहन्‍दा येहबा। लेहमेन मिहगी ज़ुबुला यिह छ्य़ेगेन्‍गी तेहन्‍दाया़ येह म़ेदी ने़सीमाना, ङाहतीनी जेन माहङबु तेहन्‍दाया़ येहबा।

रोमी 4:16

ओ़ह सोङबे ताहम्‍ज्‍या काटीन लाहमले ओहङगे ओहले तेहपा लाहमले ज्‍योर्के। ओहले दि ताहम्‍ज्‍या अब्राहामकी थाम्‍ज्‍यी छार्क्‍यीनया़गी तेहन्‍दाला ठीक-ठीक ङ्या़ह-ङ्या़ह काहल सिहन्‍दी येह। दि ताहम्‍ज्‍या छ्य़े-ठिम ची़गे मिहया़गी तेहन्‍दाला च्‍यी़राङ मिहम्‍बा यिहॱनाङ अब्राहामगी ल़ेहमु तेहपा पेहकेन मिह थाम्‍ज्‍यीगी तेहन्‍दालाॱआङ यिहम्‍बा, च्‍यिबेमाना अब्राहाम ओहराङ थाम्‍ज्‍यीगी आबा यिहम्‍बा।

ल़ेह-पेन 22:21

ओहले चो़वोगी सुङ नाङसीन, ‘ख्‍ये सोङ, ङाहगी ख्‍येला लेहमेन क्‍यिहपागी मिहया़साला था़-रिहङबु रिहङबु थु ताङज्‍ये येह’!”

मत्ती 9:11

दि थोङदी फरिसीया़गी येशूगी स्‍याहप्‍च्‍यीया़ला, “च्‍यिबे ख्‍याया़गी लोबेन ठाल तुहएँ मिहया़ दाङ लेहमेन तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येके?” म़ेदी टी़हसीन।

लूका 24:7

‘किन्‍ज्‍योगी ताङ नाङग्‍योकी मिह तिहक्‍च्‍येम्‍बागी लाहक्‍पाला छ्यिती क्‍याहङस्‍यीङला च्‍याङदी स्‍यि कोहज्‍ये येह, ओहले ङ्यिहमा सुङ तिङले सोम्‍बो लो़हज्‍ये येह’ म़ेदी सुङ नाङग्‍योकी स्‍याहल च्‍यि ख्‍यागी टेहम्‍बा मा़हसाल?”

गलाती 2:17

यिहॱनाङ का़हलेॱआङ ओहराङ मास्‍यीकाला टाहङबु डोज्‍ये छोल्‍गे छोल्‍गेमुॱआङ ओहराङ तिहक्‍च्‍येम्‍बा च्‍य़ेह सिहन्‍सीमाना, च्‍यि मास्‍यीकागी ख्‍याया़ला तोहरोङ तिहक्‍पा पेह कोहएँ म़ेदी सुङ नाङगे ले? मिहम्‍बा, दि ल़ेहमुनी यिहनॱराङ मिहम्‍बा!