गलाती 1:24 - ह्योल्‍मो

²⁴ खुङया़गी ङाहगी तेहन्‍दाकी पेहती किन्‍ज्‍योला त़ेरा फुल्‍सीन।

गलाती 1:24 Referans Kwoze

ल़ेह-पेन 11:18

दि ताम थ़े फान्‍ज्‍यो चो़वो छ्येवाला यिह-छ्य़े पेहकेन्‍गी यहूदी आदा-नो़हया़गी पत्रुसला फातुर च़ूज्‍ये क्‍युर्सीन ओहले, “ता़ह किन्‍ज्‍योगी लेहमेन क्‍यिहपागी मिहया़लाॱआङ मिहलीगी तेहन्‍दाला सेमगी स्‍या़बा पेहती तिहक्‍पा पाङज्‍येला लोहङ नाङसीन दुबा” म़ेदी किन्‍ज्‍योला त़ेरा तेच्‍या फुल्‍ज्‍ये छ़ूसीन।

लूका 15:32

ओ़ह सोङबे तिहरीङ ओहराङगी डेन से़हदी खाम्‍साङबु पेहक्‍यो ठाबेराङ यिहम्‍बा च्‍यिबे मासीमाना स्‍यिक्‍यो ओ़ह ख्‍येगी नो़ह सोम्‍बो च्‍य़ेह सिहन्‍सीन, खो तोरक्‍यो येहकें ता़हनी ज्‍योर्सीन’!”

लूका 15:10

ङाहगी ख्‍याला माएँ, ओ़ह ल़ेहमुराङ पेहती राहङगी सेमगी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला किन्‍ज्‍योकी स्‍यिहङगामकी स्‍याहप्‍च्‍यीया़गी दिनला काहसो पेहकें।”

लूका 2:14

“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

मत्ती 9:8

दि रोहवा याहम्‍जेम्‍बागी छ्या़ले थोङदी ओ़ह मिहया़ ज्‍यी़सीन ओहले मिहया़ला दि ल़ेहमु ओङ नाङगे किन्‍ज्‍योला त़ेरा तेच्‍या फुल्‍सीन।

२ थेसलोनिकी 1:12

ओ़ह ल़ेहमु डोसीमाना ओहराङगी किन्‍ज्‍यो दाङ चो़वो येशू मास्‍यीकाकी काटीन लाहमले चो़वो येशूकी छेनला चा़ ओहङज्‍ये येह ओहले मिहरो लाहमले ख्‍या फे़बे-मे़हमेया़दीॱआङ चा़ ओहङज्‍ये येह।

२ थेसलोनिकी 1:10

ओ़ह ङ्यिहमाला चो़वो येशूगी राहङगी नाम्‍पार-ताहक्‍पा मिहया़ लाहमले ज़िज्‍यिद नोम नाङज्‍ये येह ओहले यिह छ्य़ेगेया़ थाम्‍ज्‍यीलाराङ ह्‍अ ल़ेह च्‍य़ू नाङज्‍येला मिहरो फेप नाङज्‍ये येह ओहजेला राहङ फे़बे-मे़हमेया़ॱआङ ओ़हला ओहङज्‍ये येह, च्‍यिबेमाना ङ्यिहगी तामला ख्‍या फ़ेबे-म़ेहमेया़गी यिह-छ्य़े जे नाङसीन।

२ कोरिन्‍थी 9:13

ख्‍याया़गी रो़हराम पेहकेमु मिहया़गी किन्‍ज्‍योला त़ेरा तेच्‍या फुल्‍गे। ख्‍याया़गी सेम ज़ाङबु पेहती खुङ दाङ लेहमेन थाम्‍ज्‍यीला रो़हराम पेहकेमु ख्‍याया़गी यिह छ्य़ेक्‍यो मास्‍यीकाकी या़हबु लेहङगुला ची़उ दुबा माएँ तामकी दास्‍यी तेर्के।

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

मर्कूस 2:12

ओ़ह नेहपा मिह थाम्‍ज्‍यीगी ताएँ ताएँमुॱराङ ह्‍ओप लाहङदी राहङगी तेङगो खुर्ती खाङबाला लो़ह काहल्‍सीन। दि रोहवा पेहती टा़हगेन थोङदी मिहया़गी ह्‍अ ल़ेहदी किन्‍ज्‍योला थुज्‍यी-छ्ये़ फुल्‍दी मासीन, “दि ल़ेहमु याहम्‍जेन छ्येवानी ङ्यिहगी ताहन्‍दा थु नाहमॱआङ माहथोङ!”