गलाती 1:19 - ह्योल्‍मो

¹⁹ यिहॱनाङ ओ़हला ङाहगी चो़वो छ्येवागी नो़ह याकूबला मिहम्‍बा लेहमेन ल़ेह-पेन सुॱलाङ माह-थु।

गलाती 1:19 Referans Kwoze

मत्ती 13:55

दि खोराङ ओ़ह स्‍यिङसो खे़बागी स़ेबु मिहन ले? च्‍यि खोगी आमागी छेन मरियम, ओहले खोगी नो़हया़ याकूब, योसेफ, सिमोन दाङ यहूदा मिहन ले?

मर्कूस 6:3

दि खो ओ़ह मरियमगी पुह स्‍यिङसो ख़ेबा मिहम्‍बा ले? च्‍यि दि याकूब, योसेफ, यहूदा दाङ सिमोनगी आदा मिहन ले? खोगी नोहमोॱया़ङ ओहराङ ङ्याम्‍बु देलाराङ येहबा!” दि ल़ेहमु म़ेदी खुङया़गी येशूला यिह मा़हछ्ये।

मत्ती 12:46

येशूगी मिह मिह-माहङला दि स्‍याहल सुङगे सुङगेमुराङ येशूगी आमा दाङ नो़हया़ लेप्‍सीन। खुङया़ येशू ङ्याम्‍बु ताम मा कोहच्‍ये येह म़ेदी फिलाॱराङ कू़हदे तेहसीन।

१ कोरिन्‍थी 9:5

च्‍यि लेहमेन ल़ेह-पेनया़ ल़ेहमुराङ, चो़वोगी नो़ह दाङ केफासला ल़ेहमुराङ ङ्यिहलाॱआङ किन्‍ज्‍योला यिह छ्य़ेक्‍योगी पी़हमी थो़दी डोएँ ओङ म़ेहबा ले?

मत्ती 10:3

फिलिप दाङ बारथोलोमाइ, थोमा दाङ ठाल तुहएँगी मत्ती, अल्‍फयसकी पुह याकूब दाङ थेदियस,

यहूदा 1:1

ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।

याकूब 1:1

किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।

ल़ेह-पेन 12:17

ओहले पत्रुसगी, “ख्‍या मे़हमेया़ खाजुम तेह” म़ेदी ला़हदाप पेहसीन। ओहले चो़वो छ्येवागी खोला चोन-खाङले तेन नाङग्‍योकी ताम थाम्‍ज्‍यीराङ स्‍येसीन। ओहले, “याकूब दाङ लेहमेन आदा नो़हया़ॱलाङ दि ताम स्‍ये तेर” म़े ज़्‍या़दी खो ओ़ह ग्‍या़ले तेन्‍दी काहल्‍सीन।

लूका 6:15

मत्ती, थोमा, अल्‍फयसकी पुह याकूब, देशभक्त माएँगी सिमोन,

मर्कूस 3:18

ओहले अन्‍द्रियास, फिलिप, बारथोलोमाइ, मत्ती, थोमा, अल्‍फयसकी पुह याकूब, थेदियस, सिमोन कनानी,

ल़ेह-पेन 1:13

ओहले यरूशलेम क्‍याहसाला लेप्‍ती खुङ राहङ तेहकेन्‍गी खाङबागी थो़मे तेङला काहल्‍सीन। खुङ फ़ेबेॱया मेहन्‍दा च्‍यू़ज्‍यी येहके– पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसकी पुह याकूब, देशभक्त माएँगी सिमोन दाङ याकूबकी पुह यहूदा येहकें।

लूका 8:20

ओहले मिह च्‍यी़गी येशूला स्‍युहसीन, “राहङगी आमा दाङ नो़हया़ राहङला थू़ज्‍ये म़ेदी फिला क़ूह तेहती येह!”