गलाती 1:14 - ह्योल्‍मो

¹⁴ ङ्यिहगी क्‍यिहपाला, यहूदी छ्य़े ची़गेया़ नाहङला ङाहगी स्‍यार-च्‍युङकी रो़हया़ म़ेदी ङाह माहङबुराङ तोहङले येहकें। ङाहती आख्‍ये मे़हमेया़गी पे-ठिमला ङाह स्‍यिङ्याल कोङ्याल पेहती ची़उ येहकें।

गलाती 1:14 Referans Kwoze

कलस्‍सी 2:8

टिहम्‍बु पेहती तेह, फेन्‍दोप म़ेहबागी रिहक्‍स्‍यी दाङ छलगी काहङग्‍यो नोम्‍साङया़गी मिताला माहछ्यीज्‍यु। दि ल़ेहमु केच्‍याया़ मास्‍यीका लाहमले ओहङग्‍यो मिहम्‍बा यिहॱनाङ दि मिहया़गी पे-ठिम दाङ जाम्‍बुलीङला ओङ छ्य़ेगेन ङ्येहम्‍बा नाम्‍स्‍यी लाहमले ओहङग्‍यो यिहम्‍बा।

ल़ेह-पेन 26:5

ङाह तोहङले छ्य़े-ठिम छान्‍दी पेहती लोप्‍केन फरिसी छो़बागी मिह यिहन्‍गे। ओ़ह छ्य़े-ठिमलाॱराङ ची़दी ङाहगी मिहजी ताङगो येहकें। दि ताम माज्‍येराङ मानानी खुङ खुङराङगीॱआङ मा ख़ूएँ।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।

ल़ेह-पेन 22:3

ओहले पावलगी मासीन, “ङाह किलिकिया लुहङबागी टार्सस माएँ क्‍याहसाला क्‍येक्‍योगी यहूदी यिहम्‍बा। यिहॱनाङ, ङाह यरूशलेमलाराङ छारक्‍यो यिहम्‍बा। ओहले लोबेन गमलिएलगी स्‍याहप्‍च्‍यी पेहती ङाहगी ओहराङगी चावा यिहन्‍ज्‍यु ची़दी ओहङग्‍योगी छ्य़े-ठिम या़हबु पेहती लोप ङ्युहङसीन। तिहरीङ राहङ फे़बेया़गी किन्‍ज्‍यो ङो़ले काहजे सेम ताङग्‍यो येहबा, ओहजेराङ ङाहगीॱआङ राहङगी सेम किन्‍ज्‍यो ङो़ले ताङदे येहकें।

मत्ती 15:6

खोगीदी राहङगी आबा-आमाला स्‍याहप्‍तो स्‍युह मेहकोएँ। दि ल़ेहमु पेहती ख्‍याया़ राहङदीराङ पे-ठिम ङो़ले ग्‍युर्ती ख्‍याया़गी किन्‍ज्‍योगी काला फेन मे़हथोएँ ज़ोसीन।

ल़ेह-पेन 26:9

यिहन्‍ज्‍येनी, ङाहगीॱआङ ला़ खाजेबा नासरतगी येशूला टाह पेह कोहएँ म़ेदी सेम क्‍ये़दी येहकें।

ल़ेह-पेन 21:20

दि तामया़ थे़सीम्‍बाराङ खुङगी किन्‍ज्‍योला थुज्‍यी-छ्ये़ फुल्‍सीन। ओहले खुङया़गी पावलला मासीन, “नो़ह, देला यहूदीया़ तोङरा तोङरागी चो़वो येशूला यिह-छ्य़े पेहती मोशागी नाङग्‍यो छ्य़े-ठिमॱलाङ ज्‍यिबुराङ छान्‍दी पेहती ची़उ येहबा।