एफिसी 6:1 - ह्योल्‍मो

¹ पुह पोहमोया़, चो़वोगी मिहया़ यिहन्‍गे सोङबे ख्‍या राहङ आबा-आमागी माक्‍यो तामया़ ङ्यिहन्‍दोङ, च्‍यिबेमाना दि या़हबु ताम यिहम्‍बा।

एफिसी 6:1 Referans Kwoze

१ तिमोथी 5:4

का़हन्‍दीॱआङ ह्‍युग्‍मोती पुह-पोहमो दाङ छो़ छामुया़ येहसीमाना, खुङया़गी थाम्‍ज्‍यी म़ेदी तोहङले राहङ खाङबा मे़हमेया़ ङो़ले राहङगी पेहॱराङ कोहकेन्‍गी टाहङबु ठिमया़ ची़ज्‍ये लोप्‍च्‍यु, ओहले राहङ आबा-आमाकी सोक्‍यो टिहलेन च्‍याल ख़ूज्‍यु, च्‍यिबेमाना दि किन्‍ज्‍योकी ज़ी़नाङला लोक जेच्‍ये सी़हगे।

रोमी 12:2

ख्‍या जाम्‍बुलीङकी मिहया़ला पे त़ेदी खुङ ल़ेहमुराङ पेहच्‍ये माहछोल, यिहॱनाङ ख्‍या राहङ सेमला साम्‍बा काहल्‍दी सेम तिहङ यिहन्‍ज्‍युराङ किन्‍ज्‍यो ङो़ले ग्‍युर्तोङ। ओहले किन्‍ज्‍योकी ज़ी़लुला च्‍यि या़हबु यिहम्‍बा, च्‍यि से़हगी किन्‍ज्‍योकी थु काहसो ज़ोएँ ओहले किन्‍ज्‍योकी याहङ-ताहक्‍पा थु-सेम च्‍यि यिहम्‍बा, ओ़ह ख्‍याया़गी ङ्याहम च्‍ये ख़ूज्‍यु।

रोमी 7:12

छ्य़े-ठिम नाम्‍पार-ताहक्‍पा येह, ओहले काॱआङ नाम्‍पार-ताहक्‍पा, टाहङबु दाङ या़हबु येहबा।

लूका 2:51

ओ़ह तिङले येशू आबा-आमा ङ्याम्‍बु नासरतला लो़ह फेप्‍सीन, ओहले फामागी लोप्‍तामया़ सेन्‍दी ज़्‍य़ू नाङसीन। मरियमगीदी दि तामया़ टेहम्‍बा माहच्‍येहप्‍पा पेहती सेमला ज़्‍या़सीन।

१ पत्रुस 2:13

चो़वोकी तेहन्‍दाला, मिह थाम्‍ज्‍यी ठिम-पेन दाङ चा़ छ्यिम्‍बु क्‍याहल्‍बुया़

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

रोमी 16:2

ओ़ह आज्‍यीगी मिह माहङबुलाराङ रो़हराम जे-नाङदी येह ओहले ङाहॱलाङ ज्‍यिबुराङ छ्यिम्‍बु रो़हराम जे नाङसीन। ओ़ह सोङबे ख्‍याया़गीॱआङ किन्‍ज्‍योकी मिहया़गी ल़ेहमुराङ पेहती चो़वोकी छेनला आज्‍यीला फेप स्‍यी़हदोङ ओहले कोम्‍बु डोएँमु ख्‍याया़गी ला़ खाएँ थु आज्‍यीला रो़हरामॱआङ पेहतोङ।