30 च्यिबेमाना ओहराङ मास्यीकाकी कुसोकी ओङबुया़ यिहम्बा।
ख्याया़गी ज़ुबु मास्यीकाकी ओङबुया़ यिहन म़ेदी च्यि ख्याया़ला क्यी़ह म़ेहबा? ओ़हठी यिहन्सीमाना च्यि ङाह मास्यीकाकी ओङबुला ख्येर्ती बान्डनकी ओङबु ज़ोज्ये ले? दि ओहङॱराङ मी़हखुएँकी ताम यिहम्बा।
ओ़हठीॱराङ पेहती ओहराङ माहङबु येहॱनाङ मास्यीकाला ओहराङ ज़ुबु च्यी़राङ यिहन ओहले ओहराङ थाम्ज्यीगी च्यी़गी च्यी़ला स्याहप्तो स्युहएँ।
ओ़ह छेन्छोकदी मास्यीकाकी कुसो यिहम्बा, दि कुसोला मास्यीकागी छाङबु ज़ो नाङदी येह ओहले ना थाम्ज्यीला मिहरोगीॱराङ छाङबु ज़ो नाङगे।
यिहॱनाङ खुङ मास्यीका ङ्याम्बु तेहच्ये क्युर्ती येह। मास्यीकाती ज़ुबुकी गो़ यिहम्बा। ओहले ज़ुबुला स्युक मास्यीकागी नाङगे। छी़ दाङ स्यागी ज़ुबुला ग्या़ च्यी़ला ताहम्दी ज़्या़गे। किन्ज्योगी ओङगी ओ़ह ज़ुबुला छार च्य़ू नाङगे।
च्यिबेमाना सुज्यीगीॱआङ नाहमॱआङ राहङ ज़ुबुला ङेन्ज्येन मेहबेकें, यिहॱनाङ खोगी राहङ ज़ुबुला या़हबु पेहती चारा पेहकें। ओ़हठीॱराङ जेती मास्यीकागी राहङ छेन्छोकला चारा जे नाङगे।
