एफिसी 5:3 - ह्योल्मो3 मास्यीकाकी नाम्पार-ताहक्पा मिहया़ काहल्ग्यो सोङबे ख्याया़गी पाहरक्यीला छ्येउ-छ्येंमु, नामे-नाजो मेहचाङा दाङ ह्अम्बाकी मिहनॱआङ फ्रे़ तेन्ज्ये मेहयोहङगे, दि ल़ेहमु तामया़ माज्येॱआङ मी़हसीहएँ यिहम्बा। Gade chapit la |
एफिसी 5:3
58 Referans Kwoze
ङाह येहपाराङ ओहङगेमु ङाहती किन्ज्योगी ङाहला ख्याया़गी दिनला फेमा ज़ो नाङज्ये येह म़ेदी ङाहला ज्यी़सु येहबा, ओहले खुङया़गी तोहङले तिहक्पा पेहक्यो येहकें, ओहले राहङगी पेहक्योकी मेहचाङा ल़ेहया़, छ्येउ-छ्येंमु दाङ छारा ल़ेहया़ लाहमले तोहरोङॱआङ खुङया़गी स्या़बा माहन्डुपा सोङबे ङाहगी खुङगी तेहन्दाला ङ्याहङेन पेह कोहच्ये येह।
ओ़ह ल़ेहमुराङ पेहती क़ेहङगेनया़ला, किन्ज्योला क्याप्केन्गी पी़हमीया़गी काह-ठि पेहती राहङगी मिहजी ताङगे ओ़ह ल़ेहमुराङ पेहती ख्याया़गीॱआङ राहङगी मिहजी ताङ कोहकें, लेहमेन मिहला स्यिती काम्बुला फातुर च़ूज्ये मेहयोहङगे, छ्याङगी ज़िज्ये मेहयोहङगे, ओहले का़हन्दी या़हबु येहबा खुङया़गी मिहया़ला ओ़हदीॱराङ लोप्च्यु म़ेदी लोप्ताम क्याहप्तोङ।
खास पेहती किन्ज्योकी ओङला ङ्येन्ज्येन पेहकेन दाङ पे मी़हसीहएँगी ल़ेहया़ पेहती राहङग्याल स्योर्ती डोएँया़ला ठिम ताङ नाङगे ङ्यिहमा थु सी़दे ज़्या़ नाङज्ये येह। दि ल़ेहमु ची़हमा लुहङ तेर्के मिहया़ ङ्यिहनॱराङ मिहङ्यीहन्गे दाङ छ्य़ेन्दो तेन्गेया़ ओहङगे ओहले खुङया़गी स्यिहङगामला येहकेया़लाॱआङ स्याहम्डेन केन्ज्येला मी़हन्ज्यीएँ।
छेन्छोककी गोबागी किन्ज्योकी छ्या़लेया़ ची़ लेहन्ग्यो ओहङगे। ओ़ह सोङबे खो च्यिॱआङ क्येन म़ेहबाकी मिह ओहङ कोहकें। ओहले खोगी छ्य़ेन्दो तेन्ज्ये मेहयोहङगे, ग्यो़बाराङ स्यिहताङ पेहच्ये मेहयोहङगे, छ्याङसीवा ओहङज्ये मेहयोहङगे, मिहया़ ङ्याम्बु ठ़ूस्यी सिहङदा पेहच्ये मेहयोहङगे ओहले क्युहला ह्अम्बा पेहच्ये मेहयोहङगे।
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
Piblisite