एफिसी 5:28 - ह्योल्‍मो

²⁸ ओ़हठीॱराङ पेहती ख्‍योवाया़गीॱआङ राहङ-राहङगी पी़हमीया़ला राहङदी ज़ुबुला ल़ेहमुराङ चेवा पेह कोहएँ। राहङ पी़हमीला चेवा पेहकेन्‍दीगी राहङलाराङ चेवा पेहकें।

एफिसी 5:28 Referans Kwoze

एफिसी 5:25

क्‍येप-ख्‍योवाया़, मास्‍यीकागी राहङगी छेन्‍छोककी तेहन्‍दाला कुसो नाङदी चेवा जे नाङग्‍यो ल़ेहमुराङ राहङ-राहङगी पी़हमीया़ला चेवा पेहतोङ।

मत्ती 19:5

‘ओ़ह सोङबे क्‍येप-ख्‍योवागी राहङगी आबा-आमाला क्‍युर ज़्‍या़दी राहङगी पी़हमी ङ्याम्‍बुराङ तेहकें ओहले खुङ ङ्यी़दी ज़ुबु च्‍यी़राङ ओहङगे।’

एफिसी 5:33

ता़ह च्‍यि यिहॱनाङ ख्‍या थाम्‍ज्‍यीगी राहङ-राहङगी पी़हमीया़ला राहङला ल़ेहमुराङ चेवा पेहतोङ, ओहले पी़हमीया़गीॱआङ राहङ ख्‍योवाया़ला ची़नाङ पेहच्‍यु।

एफिसी 5:31

छ्य़ेला दि ल़ेहमु सुङ नाङदी येह “ओ़ह सोङबे मिहगी राहङ आबा-आमाला क्‍युर ज़्‍या़दी राहङगी पी़हमी ङ्याम्‍बु डी़दी तेहकें, ओहले खुङ ङ्यी़ ज़ुबु च्‍यी़ डोज्‍ये येह।”

एफिसी 5:29

च्‍यिबेमाना सुज्‍यीगीॱआङ नाहमॱआङ राहङ ज़ुबुला ङेन्‍ज्‍येन मेहबेकें, यिहॱनाङ खोगी राहङ ज़ुबुला या़हबु पेहती चारा पेहकें। ओ़हठीॱराङ जेती मास्‍यीकागी राहङ छेन्‍छोकला चारा जे नाङगे।

१ पत्रुस 3:7

क्‍येप-ख्‍योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्‍युक ङ्ये़हमु ओहङगे माएँ ताम ह्‍अ के़हदी खुङया़ला ची़नाङ पेहतोङ च्‍यिबेमाना खुङया़गीॱआङ ख्‍या ङ्याम्‍बु-ङ्याम्‍बुराङ मिहली ज्‍योर्च्‍ये येह, दि ल़ेहमु पेहती ख्‍याया़गी सोल्‍वाङ ताप्‍केमु च्‍यिॱआङ ङ्याहम्‍छेया़ माहयोङज्‍यु म़ेदी च्‍यी़गी च्‍यी़ला छ्याप्‍स्‍यी या़हबुया़ पेहकें पेहतोङ।