एफिसी 5:1 - ह्योल्‍मो

¹ ओ़ह सोङबे ख्‍याया़ किन्‍ज्‍योकी च्‍याहम्‍बु छार्क्‍यीनया़ यिहन्‍गे सोङबे मिहरोकी पे त़ेदी ओ़ह ल़ेहमुराङ पेहतोङ।

एफिसी 5:1 Referans Kwoze

१ यूहन्‍ना 4:11

ए ङाहगी च्‍याहम्‍बु रो़हया़, किन्‍ज्‍योगी दि ल़ेहमु जेती ओहराङला चेवा जे नाङग्‍यो यिहम्‍बा मासीमाना ओहराङगीॱआङ च्‍यी़गी च्‍यी़ला चेवा पेह कोहएँ।

एफिसी 4:32

सेम ङ्येम्‍बु पेहती च्‍यी़गी च्‍यी़ला निङज्‍यी पेहतोङ। काह-ठि पेहती किन्‍ज्‍योगी मास्‍यीका लाहमले ख्‍याया़ला कोहङदा नाङबा, ओ़हठीॱराङ पेहती ख्‍याया़गीॱआङ च्‍यी़गी च्‍यी़ला कोहङदा तेर।

मत्ती 5:48

ओ़ह सोङबे स्‍यिहङगामला ज़्‍य़ू नाङगेन्‍गी ख्‍याया़गी किन्‍ज्‍यो च्‍यिॱआङ क्‍येन म़ेहबा जेती ज़्‍य़ू नाङग्‍यो ल़ेहमुराङ ख्‍याया़ॱआङ ओ़ह ल़ेहमुराङ पेहती तेह कोहएँ” म़ेदी येशूगी सुङ नाङसीन।

कलस्‍सी 3:12

ख्‍याया़राङ किन्‍ज्‍योगी दाम नाङग्‍यो दाङ मिहरोगी चेवा जे नाङग्‍योकी नाम्‍पार-ताहक्‍पा मिहया़ यिहम्‍बा। ओ़ह सोङबे ख्‍यागी चेवा पेहकें, निङज्‍यी पेहकें, ङ्येम्‍ज्‍युङ पेहकें, स्‍यिहवा पेहकें दाङ ना़स्‍यीङ छ्यिम्‍बु पेहकेन्‍गी छ्याप्‍स्‍यीया़ला काप्‍च्‍या ल़ेहमुराङ केहन्‍दी राहङगी राहङला ज़ाप कोहएँ।

यूहन्‍ना 1:12

यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।

मत्ती 5:45

आहन्‍डा पेहसीमाना ख्‍याया़ स्‍यिहङगामला ज़्‍य़ू नाङगेन्‍गी याहप्‍च्‍येन आबागी पुह-पोहमो ओहङज्‍ये येह च्‍यिबेमाना किन्‍ज्‍योगी मिह चोक्‍पा दाङ मिह या़हबु ङ्यिकालाराङ ङ्यिहमागी टे़ह नाङगेन ओहले तिहक्‍च्‍येम्‍बा दाङ टाहङबु ङ्यिकाराङगी तेहन्‍दाला नाम क्‍याहप च्‍य़ू नाङगेन।

फिलिप्‍पी 2:15

ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।