एफिसी 4:26 - ह्योल्‍मो

²⁶ ख्‍याला स्‍यिहताङ लाहङना, ओ़ह स्‍यिहताङगी पेहती तिहक्‍पादी माहबे। ङ्यिहमा डुप्‍के म़ेदी तोहङलेराङ स्‍यिहताङ स्‍यि च्‍य़ूदोङ।

एफिसी 4:26 Referans Kwoze

याकूब 1:19

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, दि केच्‍या टेहम्‍बा साल्‍दी ज़्‍या़दोङ। ख्‍या ङ्यिहन्‍ज्‍येला ग्‍यो़बा ओहले ताम माज्‍ये दाङ स्‍यिहताङ पेहच्‍येलाती कुहल्‍बा ओहङ कोहएँ।

मत्ती 5:22

यिहॱनाङ ङाह ख्‍याया़ला माएँ, का़हन्‍दीगी राहङगी नो़ह ङ्याम्‍बु स्‍यिहताङ पेहकें खो ङ्य़ेहबा खुर्च्‍ये सी़हएँ, ओहले का़हन्‍दीगी राहङगी नो़हला ङ्याप्‍च्‍यु पेहकें, खोगी छो़बा छ्यिम्‍बुगी दिनला ल़ेहन क्‍याहप कोहच्‍ये येह। यिहॱनाङ का़हन्‍दीगी राहङगी नो़हला ‘ख्‍ये उल्‍दुम्‍बा’ म़ेदी माएँ, खो ङ्याल्‍वागी मेहला छ्यिकेन्‍गी ज्‍यिक्‍पा ओहङज्‍ये येह।”

मर्कूस 3:5

ओ़ह सोङबे येशूगी थुयाल ज़्‍याङदी खुङ थाम्‍ज्‍यीलाराङ ज़ी़ नाङसीन। ओ़ह मिहया़गी सेम सान्‍दी ज़ी़ नाङदी येशूगी ज्‍यिबुराङ थु ङ्युङबु जे नाङसीन। ओहले येशूगी ओ़ह मिहला सुङ नाङसीन, “ख्‍येगी लाहक्‍पा क्‍याङदोङ ले।” ओहले ओ़ह मिहगी लाहक्‍पा क्‍याङसीन ओहले खोगी लाहक्‍पा टा़हसीन।

मर्कूस 10:14

येशूगी दि ज़ी़ नाङदी थुयाल ज़्‍याङ नाङसीन ओहले खुङया़ला सुङ नाङसीन, “पेहजाया़ला ङाहसाला ओहङ च्‍य़ूदोङ, खुङया़ला मा़हका! च्‍यिबेमाना किन्‍ज्‍योगी क्‍याहल्‍सीनी दि ल़ेहमुराङ पेहजाया़गी तेहन्‍दाला यिहम्‍बा।

याकूब 1:20

च्‍यिबेमाना मिह स्‍यिहताङगी किन्‍ज्‍योला यिह छ्य़ेएँगी ल़ेह नाहमॱआङ पेह मी़हखुएँ।