एफिसी 4:21 - ह्योल्‍मो

²¹ ख्‍याया़गी येशूकी लोप्‍च्‍युङ ङ्यिहन्‍दी मिहरोगी स्‍याहप्‍च्‍यी काहल्‍ग्‍यो सोङबे मिहरोगी तेहन्‍दामला ख्‍याया़गी लोप्‍सीन।

एफिसी 4:21 Referans Kwoze

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

एफिसी 1:13

ओ़ह ल़ेहमुराङ ख्‍याया़गीॱआङ तेहन्‍दामगी लेहङगु, पे यिहॱना़: राहङला थार्पा तेर्केन्‍गी या़हबु लेहङगु ङ्यिहन्‍दी मास्‍यीकाला सेमले खाल्‍सीन ओ़ह ती़हजीलाराङ मिहरोगी राहङगी ताहम्‍ज्‍या ज़्‍या़ नाङग्‍योकी नाम्‍पार-ताहक्‍पा थुगी पार क्‍याहप नाङसीन।

कलस्‍सी 2:7

मास्‍यीकाला चार्ङ्यी स्‍य़ूहदी याहरक्‍यी पेहती सोङ। ख्‍यागी राहङगी मिहजी मास्‍यीका थो़ला जे़दोङ ओहले ख्‍याला लोप्‍क्‍यो ल़ेहमु यिह-छ्य़ेला सान्‍दी पेहती मिहरोला थुज्‍यी-छ्ये़ फुल्‍दीॱराङ तेहतोङ।

यूहन्‍ना 14:17

मिहरो तेहन्‍दामकी थु यिहन। यिहॱनाङ जाम्‍बुलीङगी मिहरोला लोक पेह मी़हखुएँ च्‍यिबेमाना दि जाम्‍बुलीङगी मिहरोला नाह थोङगे नाह ङोह स्‍य़ेगे। यिहॱनाङ ख्‍यागी मिहरोला ङोह स्‍य़ेएँ, च्‍यिबेमाना मिहरो ख्‍या ङ्याम्‍बु ज़्‍य़ू नाङगे, ओहले मिहरो ख्‍याया़गी पाहरक्‍यीला ज़्‍य़ू नाङज्‍ये येह।

२ कोरिन्‍थी 11:10

मास्‍यीकागी तेहन्‍दाम ङाह ङ्याम्‍बु येह, ओहले अखैया काहङग्‍याराङ ङाहगी छ्य़ेन्‍दो तेन्‍दी माक्‍यो तामला सुज्‍यीगीॱआङ का़ ख़ूज्‍ये म़ेह।

२ कोरिन्‍थी 1:20

च्‍यिबेमाना किन्‍ज्‍योगी थाम्‍ज्‍यीराङ ताहम्‍ज्‍याया़ येशू मास्‍यीकाला “यिहम्‍बा” ओहङगे। ओ़ह सोङबेॱराङ मास्‍यीका लाहमले किन्‍ज्‍योगी ज़िज्‍यिदगी तेहन्‍दाला ङ्यिह “आमेन” म़ेदी माएँ।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 10:27

ङाहती ल़ूहया़गी ङाहगी ताम ङ्यिहन्‍गे। ङाह खुङया़ला ङोह स्‍य़ेएँ ओहले खुङया़ ङाहती तिङदा तिङ ओहङगे।

यूहन्‍ना 1:17

च्‍यिबेमाना मोशा लाहमले ओहराङगी छ्य़े-ठिम ज्‍योर्ती येहकें, यिहॱनाङ येशू मास्‍यीका लाहमले ओहराङगी किन्‍ज्‍योकी काटीन दाङ तेहन्‍दाम ज्‍योर्ती येह।

लूका 10:16

ओहले येशूगी स्‍याहप्‍च्‍यीया़ला सुङ नाङसीन, “ख्‍यागी ताम ङ्यिहन्‍गेन्‍दीगी ङाहगी ताम ङ्यिहन्‍गे, ख्‍याला मिहङ्यीहन्‍गेया़गी ङाहॱलाङ मिहङ्यीहन्‍गे, ओहले ङाहला मिहङ्यीहन्‍गेया़गी ङाहला ताङ चाहङ नाङगेन किन्‍ज्‍योॱलाङ मिहङ्यीहन्‍गे” म़ेदी येशूगी सुङ नाङसीन।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

रोमी 10:14

यिहॱनाङ मास्‍यीकाला यिह मा़हछ्येबा पेहती काह-ठि पेहती मिहरोला क्‍याप्‍च्‍ये? मिहरोगी तेहन्‍दाला मा़हथेबा पेहती काह-ठि पेहती मिहरोला यिह छ्य़ेज्‍ये? मिहरोगी तेहन्‍दाला सुज्‍यीगी माहस्‍येपाला काह-ठि पेहती मिहरोगी तेहन्‍दाला थे़ज्‍ये?

एफिसी 2:17

मिहरो फेप नाङदी ख्‍ये था़-रिहङबु येहकेन लेहमेन क्‍यिहपा दाङ पोहला येहकेन यहूदीया़ला थिन च्‍य़ूएँकी या़हबु लेहङगु स्‍य़े नाङसीन,

कलस्‍सी 1:5

ख्‍याया़गी तेहन्‍दाला स्‍यिहङगामला या़हबु पेहती ज़्‍या़क्‍यो रेहवागी पेहती ख्‍यागी दि ल़ेहमु यिह-छ्य़े दाङ चेवा पेहक्‍यो यिहम्‍बा। दिगी तेहन्‍दाला ख्‍याया़गी तोहङलेराङ तेहन्‍दामकी सुङ पे यिहॱनाङ या़हबु लेहङगु थ़े सिहन्‍दी येह।

कलस्‍सी 1:6

दि या़हबु लेहङगु ख्‍या सालाॱआङ ओहङदी येह, ओहले तेहम्‍बाराङ मिहया़ला मेलाम ख्‍योङगेराङ जाम्‍बुलीङ काहङ्येॱराङ टाहम्‍दी डोॱराङ येहबा। ख्‍यागी किन्‍ज्‍योकी काटीनकी तेहन्‍दाला तेहन्‍दामकी ताम थे़क्‍यो दाङ ङोह स्‍य़ेक्‍यो ङ्यिहमा यिहन्‍ज्‍यु ता़ह या़हबु लेहङगुगी ख्‍याया़गी पाहरक्‍यीलाॱआङ ओ़हठीॱराङ पेहती छ्या़ले जे नाङगेराङ येहबा,