एफिसी 4:16 - ह्योल्मो16 मिहरोगी ओङ चो़ला थाम्ज्यी लेहमेन लेहमेन ओङबुया़ डी़दी तेहक्यो ओहङगे ओहले ज़ुबु थाम्ज्यीराङ ठाबे-ठाबे ग्या़या़ला थिती तेहक्यो येहबा। थाम्ज्यी ओङबुया़गी राहङ-राहङगी पेह कोहएँगी ल़ेहया़ पेहसीनमाना ज़ुबु रेबेॱराङ चेवाला याहरक्यी पेहती डोएँ। Gade chapit la |
एफिसी 4:16
28 Referans Kwoze
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
ओ़ह सोङबे दिगी तेहन्दाला ङ्यिहगीॱआङ किन्ज्योला नाहम माॱनाङ थुज्यी-छ्ये़ फुल्गे, च्यिबेमाना ङ्यिहगी ख्या फ़ेबे-म़ेहमेया़ला किन्ज्योगी लुहङ स्येकेमु ख्या फ़ेबे-म़ेहमेया़गी दि लुहङ ङ्यिहती मिहम्बा यिहॱनाङ दि लुहङ किन्ज्योदीॱराङ यिहम्बा म़ेदी ची़सीन। यिहन्ज्येॱआङ दि तेहम्बाराङ किन्ज्योदीॱराङ लुहङ यिहन्गे। ता़ह यिह छ्य़ेगे ख्या फ़ेबे-म़ेहमेया़गी पाहरक्यीला दि लुहङगी छ्या़ले जे नाङगेराङ येहबा।
आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।
Piblisite