एफिसी 3:20 - ह्योल्‍मो

²⁰ ओहराङ नाहङला छ्या़ले जे नाङगे मिहरोकी ओङ लाहमले ओहराङगी लाङग्‍यो दाङ सेमला ने़क्‍यो म़ेदीॱआङ माहङबु जेती नाङ थुप्‍कें,

एफिसी 3:20 Referans Kwoze

२ कोरिन्‍थी 9:8

किन्‍ज्‍योगी ख्‍या थाम्‍ज्‍यीला काटीन बोल्‍बु जेती नाङ थुप्‍कें। ख्‍याया़ला च्‍यि से़हदीॱआङ कोहपु डोज्‍ये म़ेह ओहले ख्‍यागी या़हबु ल़ेहया़ माहङबुराङ पेह ख़ूज्‍ये येह।

रोमी 4:21

च्‍यिबेमाना किन्‍ज्‍योगी ज़्‍या़ नाङग्‍यो ताहम्‍ज्‍या मिहरोगी जे नाङ थुप्‍कें माएँ ताम खोला या़हबु पेहती क्‍यी़ह येहकें।

यहूदा 1:24

ता़ह, का़हन्‍दीगी मिहया़ला रिहल्‍गे यिहन्‍ज्‍यु थार च्‍य़ू थुप्‍कें, ओहले का़हन्‍दीगी ख्‍याया़ला काहसो डो च्‍य़ू नाङदी किन्‍ज्‍योकी ज़िज्‍यिदगी दिनला च्‍यिॱआङ ङ्य़ेहबा-छ्यू़बा म़ेहबा जेती लाहङ च्‍य़ू थुप्‍कें,

१ कोरिन्‍थी 2:9

यिहॱनाङ छ्य़ेला दि ल़ेहमु प्री़हदी येहबा, “मी़गी माहथोङबा, नाम्‍ज्‍योगी मा़हथेबा ओहले मिहगी सेमला मा़हनेबाकी तामया़ॱराङ किन्‍ज्‍योगी मिहरोला चेवा जे नाङगेया़गी तेहन्‍दाला ठाबे जे-नाङदी येहबा।”

एफिसी 1:19

ओहले ओहराङ यिह छ्य़ेगेया़गी तेहन्‍दाला मिहरोकी चा़ छ्यिम्‍बु ओङ च्‍यि यिहम्‍बा, ओ़ह ख्‍याया़गी ङोह स्‍य़े ख़ूज्‍यु म़ेदी ङाह सोल्‍वाङ ताप्‍के।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

एफिसी 3:7

किन्‍ज्‍योगी ओङगी छ्या़ले लाहमले मिहरोगी ङाहला काटीन जे-नाङदी काबाप नाङसीन ओहले ङाह या़हबु लेहङगु स्‍येकेन्‍गी योक्‍पु काहल्‍सीन।

रोमी 16:25

ओहराङ थाम्‍ज्‍यीगीराङ किन्‍ज्‍योला थुज्‍यी-छ्ये़ फुल्‍दोङ। ङाहगी स्‍य़ेक्‍यो या़हबु लेहङगु दाङ मास्‍यीकाकी तेहन्‍दाला स्‍ये़क्‍योकी केच्‍याया़ लाहमले मिहरोगी ख्‍याया़ला राहङदी यिह-छ्य़ेला थिक-चि दाङ सान्‍दी ज़ो थुप्‍कें। काल्‍बा-काल्‍बा यिहन्‍ज्‍यु साङदी ज़्‍या़ नाङग्‍योकी केच्‍या ताहन्‍दा येशू मास्‍यीकागी छ्यिसाल-नाहङसाल जेती तेन नाङसीन।

कलस्‍सी 1:29

मास्‍यीकागी नाङग्‍यो ङाह नाहङला छ्या़ले जे नाङगे वाङज्‍या छ्यिम्‍बुगीॱराङ ङाह सेम तिहङ यिहन्‍ज्‍युराङ कादुप च्‍येती दि ल़ेह पेहकें।

यूहन्‍ना 10:10

कुमेननी कुमेन क्‍याहप्‍च्‍ये, सेच्‍ये दाङ तोङ च्‍य़ूज्‍ये म़ेदी ओहङगे। यिहॱनाङ ङाहनी ख्‍याया़गी मिहली ज़ाङबु ज्‍योर ख़ूज्‍यु ओहले ओ़ह म़ेदीॱआङ माहङबु माहङदे फोएँ थु ज्‍योर ख़ूज्‍यु म़ेदी ओहङसीन।

याकूब 4:12

छ्य़े-ठिम नाङगे दाङ ठिम ताङ नाङगेन्‍दीनी च्‍यी़मे च्‍यी़राङ किन्‍ज्‍यो यिहन, मिहरोगीॱराङ मिहया़ला थारॱआङ च्‍य़ू थुप्‍के ओहले तोङॱआङ च्‍य़ू थुप्‍के। यिहॱनाङ राहङ खिम्‍जीला ङ्य़ेहबा काल्‍गे ख्‍या सु यिहम्‍बा?

१ तिमोथी 1:14

किन्‍ज्‍योगी ङाहला ओहराङ चो़वोकी काटीन माहङबुराङ नाङग्‍यो सोङबे मास्‍यीका येशू लाहमले ङाहला तेहपा दाङ चेवा जे नाङसीन।

हिब्रू 11:19

किन्‍ज्‍योगी मिहया़ला स्‍यिक्‍योलेगीॱआङ येहपाराङ सोम्‍बो ज़ो थुप नाङगे माएँ तामला अब्राहामगी यिह छ्य़ेसीन ओहले ओ़ह ताम तेहम्‍बाराङ इसहाक स्‍यी़दीॱआङ येहपाराङ सोम्‍बो लो़हदी ओहङग्‍यो ल़ेहमुज्‍यी काहल्‍सीन।

२ पत्रुस 1:11

दि ल़ेहमु पेहती ओहराङकी चो़वो दाङ थार्पा नाङगेन येशू मास्‍यीकाकी नाहम्‍स्‍यी किन्‍दु लिहकेन्‍गी क्‍याहल-खाप नाहङला ख्‍याया़ला ज्‍यिबुराङ चा़ छ्यिम्‍बु जेती फेप स्‍युह नाङज्‍ये येह।

मत्ती 3:9

ङ्यिहनी अब्राहामगी छार्क्‍यीन यिहन म़ेदी राहङ नाहङदुङ माहमा। च्‍यिबेमाना ङाह ख्‍याया़ला माएँ, किन्‍ज्‍योगी दि तोहया़लेगीॱआङ अब्राहामकी छार्क्‍यीन ज़ो थुप्‍कें।