एफिसी 3:17 - ह्योल्‍मो

¹⁷ ओहले यिह-छ्य़े लाहमले मास्‍यीका ख्‍याया़की यिहला ज़्‍य़ू नाङज्‍यु, ओहले चेवाला चार्ङ्यी सू़हदी ओहले सान्‍दी काहल्‍दी,

एफिसी 3:17 Referans Kwoze

कलस्‍सी 2:7

मास्‍यीकाला चार्ङ्यी स्‍य़ूहदी याहरक्‍यी पेहती सोङ। ख्‍यागी राहङगी मिहजी मास्‍यीका थो़ला जे़दोङ ओहले ख्‍याला लोप्‍क्‍यो ल़ेहमु यिह-छ्य़ेला सान्‍दी पेहती मिहरोला थुज्‍यी-छ्ये़ फुल्‍दीॱराङ तेहतोङ।

१ यूहन्‍ना 4:16

ओहराङ राहङगीॱआङ किन्‍ज्‍योगी ओहराङला चेवा जे नाङग्‍यो माएँ ताम ङोह स्‍य़ेगे ओ़ह सोङबे ओहराङगी किन्‍ज्‍योगी चेवाला यिह छ्य़ेगे। किन्‍ज्‍योॱराङ चेवा यिहम्‍बा। चेवा पेहतीराङ तेहकें मिह किन्‍ज्‍यो ङ्याम्‍बु ओहङगे ओहले किन्‍ज्‍योॱआङ खो ङ्याम्‍बु ज़्‍य़ू नाङगे।

यूहन्‍ना 14:23

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।

गलाती 2:20

ङाहगी निङबा मिहली मास्‍यीका ङ्याम्‍बुराङ क्‍याहङस्‍यीङला च्‍याङदी स्‍यिक्‍यो येह, ता़ह यिहन्‍ज्‍यु ङाह मिहम्‍बा ङाह नाहङला मास्‍यीका ज़्‍य़ू नाङदी येहबा। ताहन्‍दा ङाह ज़ुबुला थार्ती तेहक्‍योदी ङाहला माहङबुराङ चेवा जेती ङाहगी तेहन्‍दाला मिहजी नाङगे किन्‍ज्‍योगी स़ेबु थो़ला तेहपा पेहती थार्केराङ येहबा।

रोमी 5:5

रेहवागी ओहराङला सेम स्‍यि मी़हच्‍युएँ, च्‍यिबेमाना किन्‍ज्‍योगी ओहराङला नाम्‍पार-ताहक्‍पा थु नाङदी येह ओहले ओ़ह नाम्‍पार-ताहक्‍पा थुगी ओहराङगी यिहला किन्‍ज्‍योकी चेवा ज़्‍या़ नाङदी येह।

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।

२ कोरिन्‍थी 6:16

किन्‍ज्‍योगी छ्योखाङ ङ्याम्‍बु कुया़दी च्‍यि च्‍योल्‍दो ले? च्‍यिबेमाना ओहराङ सोम्‍बो ज़्‍य़ू नाङगेन किन्‍ज्‍योगी छ्योखाङ यिहम्‍बा। किन्‍ज्‍योगी दि ल़ेहमु सुङ नाङदी येहबा, “ङाह खुङया़ ङ्याम्‍बु तेहच्‍ये येह, ओहले खुङया़गी पाहरक्‍यीले फार छुर डोज्‍ये येह, ओहले ङाह खुङया़गी किन्‍ज्‍यो ओहङज्‍ये येह, ओहले खुङ ङाहती मिहया़ ओहङज्‍ये येह।”

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

यूहन्‍ना 17:23

ङाह खुङ ङ्याम्‍बु ओहले राहङ ङाह ङ्याम्‍बु ज़्‍य़ू नाङदी येह। दि ल़ेहमु पेहती खुङॱआङ छाङबु पेहती च्‍यी़राङ ओहङ ख़ूज्‍यु। ओहले राहङगी ङाहला ताङ नाङदी चेवा जे नाङग्‍यो ल़ेहमु खुङया़लाॱआङ चेवा जे नाङसीन माएँ ताम जाम्‍बुलीङगी ङोह स्‍य़े ख़ूज्‍यु।

यूहन्‍ना 14:17

मिहरो तेहन्‍दामकी थु यिहन। यिहॱनाङ जाम्‍बुलीङगी मिहरोला लोक पेह मी़हखुएँ च्‍यिबेमाना दि जाम्‍बुलीङगी मिहरोला नाह थोङगे नाह ङोह स्‍य़ेगे। यिहॱनाङ ख्‍यागी मिहरोला ङोह स्‍य़ेएँ, च्‍यिबेमाना मिहरो ख्‍या ङ्याम्‍बु ज़्‍य़ू नाङगे, ओहले मिहरो ख्‍याया़गी पाहरक्‍यीला ज़्‍य़ू नाङज्‍ये येह।

लूका 6:48

खो, खाङबा ज़ोएँ मिह ल़ेहमुराङ यिहम्‍बा खोगी तिहङ रिहङबु क़ेदी खाङबागी ब्राम तोह-पा़रा थो़ला तिङसीन। ओहले नाम छ्याटा क्‍याहप्‍ती स्‍योलो छ्यिम्‍बुच्‍यी ओहङदीॱआङ ब्राम सान्‍दी तिङग्‍यो सोङगोराङ ओ़ह खाङबा माहरोहम।

मत्ती 13:6

यिहॱनाङ तिहङ रिहङबु चार्ङ्यी सू़ह मा़हखुबा सोङबे ङ्यिहमा स्‍यार फान्‍ज्‍यो च्‍याहङबा काम्‍दी स्‍यिसीन।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

यूहन्‍ना 6:56

ङाहगी ज़ुबु साहएँ, दाङ ङाहती ठा़ थुङगेन मिहती ङाह ङ्याम्‍बु ओहङगे, ओहले ङाह खो ङ्याम्‍बु ओहङगे।

१ कोरिन्‍थी 8:1

ता़ह ङाह कुला छ्येपा फुल्‍ग्‍यो साहएँ से़हया़गी तेहन्‍दाला माउ येह। ओहराङला क्‍यी़हराङ येहबा, ओहराङ ङ्याम्‍बु येहन्‍देन येहबा। येहन्‍देनगी मिहला छ्य़ेन्‍दो तेन्‍गे ज़ोएँ, यिहॱनाङ चेवागीती मिहला याहरक्‍यी डो च्‍य़ूगे।

१ कोरिन्‍थी 3:6

ङाहगी च़ूसीन ओहले अपोल्‍लोसगी छ्यु लू़सीन, यिहॱनाङ ओ़हदीला छार च्‍य़ू नाङगेन्‍दीनी किन्‍ज्‍योॱराङ यिहम्‍बा।

२ कोरिन्‍थी 13:5

ख्‍याया़ती यिह-छ्य़े येहबानी म़ेहबा तोहङले ओ़ह राहङगी राहङला या़हबु पेहती ङ्याहम च्‍येती त़ेदोङ। राहङला ङ्याहम च्‍येतोङ। का़हलेॱआङ येशू मास्‍यीका ख्‍ये ङ्याम्‍बु ज़्‍य़ू नाङदी येहसीमाना ख्‍ये ठाबे सी़हज्‍ये येह ओहले ख्‍ये फेन थो़ज्‍ये येह। मिहन्‍सीमाना ख्‍ये फेन थो़ज्‍ये म़ेह।