एफिसी 3:12 - ह्योल्‍मो

¹² मास्‍यीकाला क्‍याप्‍ती ओहले मिहरोला तेहपा पेहतीराङ ओहराङगी किन्‍ज्‍योगी दिनला डोज्‍येला स्‍युक दाङ आ़र ज्‍योर्ती येह।

एफिसी 3:12 Referans Kwoze

एफिसी 2:18

च्‍यिबेमाना मिहरो लाहमलेॱराङ यहूदी दाङ लेहमेन क्‍यिहपा ओहराङ थाम्‍ज्‍यीगी च्‍यिमे च्‍यी़राङ नाम्‍पार-ताहक्‍पा थु ज्‍योर्ती याहप साला डो ख़ूएँ काहल्‍दी येह।

रोमी 5:2

चो़वो येशूगी ओहराङला तेहपा लाहमले किन्‍ज्‍योकी काटीनला नोम फेप नाङदी येह। ताहन्‍दा ओहराङ ओ़ह काटीनलाॱराङ लाहङदी येहबा। ओहले किन्‍ज्‍योगी ज़िज्‍यिद छ्यिम्‍बु नोम्‍गेमु ओहराङॱआङ मिहरो ङ्याम्‍बुराङ ओहङज्‍ये येह माएँ रेहवाला क़ेहनाङ पेहकें।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

२ कोरिन्‍थी 3:4

मास्‍यीका लाहमले ङ्यिह किन्‍ज्‍योला दि ल़ेहमु म़ेहबा पेहको येहबा।

रोमी 3:22

दि ल़ेहमु पेहती येशू मास्‍यीकाला तेहपागी मिह थाम्‍ज्‍यीला किन्‍ज्‍योगी टाहङबु सी़ह च्‍य़ू नाङगे च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे,

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

हिब्रू 10:35

ओ़ह सोङबे सेम मा-फाम्‍बु माहबे। ख्‍येला दिती च्‍याहगा छ्यिम्‍बु ज्‍योर्च्‍ये येह।

१ पत्रुस 3:18

च्‍यिबेमाना ओहराङला किन्‍ज्‍यो साला ख्‍योङज्‍येला नाहम-मानाकी तेहन्‍दाला ताहङस्‍यी जेती मास्‍यीकाॱआङ तिहक्‍पाया़गी तेहन्‍दाला लेहमा च्‍यी़ टोहङ नाङसीन। नाम्‍पार-ताहक्‍पा मिह तिहक्‍च्‍येम्‍बाया़गी तेहन्‍दाला मास्‍यीका राहङगी कुसोला टोहङ नाङसीन यिहॱनाङ थु लाहमले मिहरो येहपाराङ सोम्‍बो ज़्‍याङ नाङसीन।

१ यूहन्‍ना 2:28

ए ङाहगी पेहजाया़, ख्‍या मास्‍यीकाला क्‍याप्‍ती तेहतोङ, ओहले मास्‍यीका फेप नाङगेमु ओहराङला स्‍युक क्‍येज्‍ये येह, ओहले मास्‍यीका फेप नाङगेमु मिहरोगी दिनला ओहराङ ङोह-छारी डोज्‍ये म़ेह।

१ यूहन्‍ना 3:21

ए ङाहगी च्‍याहम्‍बु रो़हया़, ओहराङगी सेमगी राहङला क्‍येन मेहकेन्‍सीमाना किन्‍ज्‍योगी दिनला डोज्‍येला ओहराङला च्‍यिॱआङ ज्‍यी़सु मेहयोहङगे।