एफिसी 2:20 - ह्योल्‍मो

²⁰ ओ़ह ज़िम्‍गाङदी ल़ेह-पेनया़ दाङ लुहङतेम्‍बाया़की ब्राम थो़ला छ्या़दी येहबा, ओ़ह ब्रामकी चा छ्येवा तोहदी मास्‍यीका येशू राहङराङ यिहम्‍बा।

एफिसी 2:20 Referans Kwoze

मत्ती 16:18

ता़ह ङाह ख्‍येला माएँ, ख्‍ये पत्रुस यिहम्‍बा। ङाह राहङगी छेन्‍छोक दि तोह-पा़रा थो़ला ज़ोएँ ओहले ङ्याल्‍वागी कोहया़गी ओ़ह थो़ला क्‍याहल ख़ूज्‍ये म़ेह।

ज्‍याल्‍गा 21:14

ओ़ह क्‍याहसाकी चिक्‍पागी ब्रामया़ च्‍यिङ्यी़ येहकें। ओ़ह थो़ला ल़ूह स्‍ये़बुकी ल़ेह-पेन च्‍यिङ्यी़दीॱराङ मिहनया़ प्री़हदे येहकें।

१ कोरिन्‍थी 12:28

किन्‍ज्‍योगी छेन्‍छोकला तोहङस्‍यो ल़ेह-पेनया़, ङ्यिपाला लुहङतेम्‍बाया़, सुम्‍बाला लोबेनया़, याहम्‍जेम्‍बागी छ्या़ले पेहकेनया़, नेहपाया़ला टा़ह च्‍य़ूगेन्‍गी काबाप ज्‍योरक्‍योया़, रो़हराम पेहकेनया़, गोबाया़, नामे नाजो ताम साम्‍बा माएँगी काबाप ज़्‍योरक्‍यो मिहया़ ज़्‍या़ नाङदी येहबा।

मत्ती 21:42

ओहले येशूगी खुङला सुङ नाङसीन, “च्‍यि ख्‍याया़गी सुङरापला प्रुहक्‍योगी दि केच्‍या टा़हदी म़ेहबा?– चिक्‍सो-खे़बागी फेन मे़हथोएँ म़ेदी क्‍युर चाहङग्‍योगी तोहॱराङ खाङबागी ब्राम तिङगेमु सुहर-तोह काहल्‍सीन। दि ल़ेहमुनी चो़वो किन्‍ज्‍यो राहङगीराङ डो च्‍य़ू नाङग्‍यो यिहम्‍बा, दिनी काहजे याहम्‍जेन छ्येवागी छ्या़ले दुबा!”

गलाती 2:9

याकूब, केफास दाङ यूहन्‍ना छेन्‍छोककी गो-छ्येवा गोबाया़ यिहन्‍गे ओहले खुङ फे़बेया़गी किन्‍ज्‍योगीॱराङ ङाहला काटीन नाङग्‍यो दु माएँ ताम ङोह स्‍य़े फान्‍ज्‍यो खुङ फे़बेया़गी बारनाबास दाङ ङाहला रो़ह म़ेदी ची़नाङ पेहसीन। ओहले ङ्यिह फे़बेया़दी लेहमेन क्‍यिहपाकी मिहया़की पाहरक्‍यीला ल़ेह पेहकें काहल्‍सीन ओहले खुङ फ़ेबेया़ती यहूदीया़की पाहरक्‍यीला ल़ेह पेहकें काहल्‍सीन।

एफिसी 3:5

दि तिहङ-रिहङबुकी केच्‍या तोहङमागी मिहदोकी मिहया़ला ङोह स्‍य़े च्‍य़ू माहनाङ येहकें यिहॱनाङ ताहन्‍दा दि तिहङ-रिहङबुकी केच्‍या नाम्‍पार-ताहक्‍पा थु लाहमले राहङगी टाहङबु ल़ेह-पेनया़ दाङ लुहङतेम्‍बाया़ला किन्‍ज्‍योगी ङोह स्‍य़े च्‍य़ू नाङदी येह।

कलस्‍सी 2:7

मास्‍यीकाला चार्ङ्यी स्‍य़ूहदी याहरक्‍यी पेहती सोङ। ख्‍यागी राहङगी मिहजी मास्‍यीका थो़ला जे़दोङ ओहले ख्‍याला लोप्‍क्‍यो ल़ेहमु यिह-छ्य़ेला सान्‍दी पेहती मिहरोला थुज्‍यी-छ्ये़ फुल्‍दीॱराङ तेहतोङ।

१ पत्रुस 2:6

च्‍यिबेमाना सुङरापला दि ल़ेहमु सुङदी येहबा, “त़ेदोङ, ङाहगी दाम्‍ग्‍यो दाङ रिहन माहङबु डोएँगी सुहर-तोह सियोनला ज़्‍या़दी येह। ओहले का़हन्‍दीगी मिहरोला यिह छ्य़ेगे खो नाहमॱआङ ङोहजाला छ्यिच्‍ये म़ेह।”