च्यिबेमाना ओहराङ किन्ज्योगी टाह येहकेमुराङ मिहरोगी स़ेबु ओहराङगी तेहन्दाला टोहङ नाङसीन ओहले मास्यीकाकी स्यिवा लाहमले किन्ज्योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्ज्यो ङ्याम्बुराङ डी़क्यो सोङबे मास्यीकाकी मिहली लाहमले किन्ज्योगी ओहराङला थार च्य़ू नाङज्ये येह।
एफिसी 2:16 - ह्योल्मो16 ओहले मिहरोगी क्याहङस्यीङ लाहमले ओहराङ ङ्यी़ला ज़ुबु च्यी़ला किन्ज्यो ङ्याम्बु थु च्य़ू नाङसीन ओहले ओ़ह क्याहङस्यीङ लाहमलेॱराङ मिहरोगी टाहला तोङ च्य़ू नाङसीन। Gade chapit la |
एफिसी 2:16
14 Referans Kwoze
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
तिहक्पागी पेहताङगी काहङग्यो ज़ुबुगी मिहला ज्यिबुराङ मा-फाम्बु ज़ोक्यो सोङबे छ्य़े-ठिमगी पेह मी़हखुएँ ल़ेह किन्ज्योगी जे नाङसीन। काह-ठि पेहती माना, मिहरोगी राहङगी स़ेबु च्यिमे च्यी़ला दि जाम्बुलीङला ताङ नाङसीन। ओहले स़ेबु तिहक्च्येम्बा मिह ल़ेहमुराङ जेती मिहगी कुसो नोम्दी ठुङ नाङसीन ओहले मिह थाम्ज्यीगी पेहक्यो तिहक्पाकी तेहन्दाला किन्ज्योगी स़ेबुला क्याहङस्यीङला मार्च्ये फुल नाङसीन। दि ल़ेहमु जेती स़ेबुगी कुसो लाहमले किन्ज्योगी तिहक्पाकी ओङला दुल नाङसीन।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
Piblisite