एफिसी 1:18 - ह्योल्‍मो

¹⁸ ङाह दिगी तेहन्‍दालाॱआङ सोल्‍वाङ ताप्‍को येह, ख्‍याया़की सेमकी मी़ क्‍या-साङे डोज्‍यु, ओहले का़हन्‍दी रे़हवाकी तेहन्‍दाला मिहरोगी ख्‍याया़ला क़े क्‍याहप नाङग्‍यो यिहम्‍बा, ओहले मास्‍यीकाकी नाम्‍पार-ताहक्‍पा मिहया़ला मिहरोकी ज़िज्‍यिद क्‍युहगी ओङ च्‍यि यिहम्‍बा, ओ़ह ख्‍याया़गी ङोह स्‍य़े ख़ूज्‍यु।

एफिसी 1:18 Referans Kwoze

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

लूका 24:45

ओहले सुङरापला प्रुहक्‍योगी स्‍याहल ङोह स्‍य़े च्‍य़ूज्‍येला येशूगी खुङया़ला ङोह स्‍ये़एँगी ओङ नाङसीन।

एफिसी 1:7

किन्‍ज्‍योगी काटीन था़ म़ेहबा येहकें सोङबे मास्‍यीकाकी ठा़ लाहमले ओहराङगी येशूला थार्पा ज्‍योर सिहन्‍दी येहबा ओहले ओहराङगी पेहक्‍यो तिहक्‍पाया़ थाम्‍ज्‍यीराङ ता़ह सिहन्‍दी येह।

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।

एफिसी 3:16

मिहरोकी चा़ छ्यिम्‍बु क्‍युह दाङ थु लाहमले ख्‍याया़गी ओङ ज्‍योर ख़ूज्‍यु ओहले ओ़ह ओङगी ख्‍याया़ला नाहङ यिहन्‍ज्‍युराङ स्‍युक छ्यिम्‍बु ज़ो ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।

एफिसी 4:4

ज़ुबु च्‍यिमे च्‍यी़राङ यिहन, ओहले थुॱआङ च्‍यिमे च्‍यी़राङ ज़्‍य़ू नाङदी येह, ख्‍याया़ला किन्‍ज्‍योगी क़े क्‍याहप नाङगेमु रेहवा च्‍यी़लाॱराङ क़े क्‍याहप नाङग्‍यो यिहम्‍बा।

तीतस 3:7

दि ल़ेहमु जेती किन्‍ज्‍योकी काटीनगी ओहराङ किन्‍ज्‍योकी कुम्‍देनला ठाबे सी़ह ख़ूसीन। ओहले ओहराङगी रेहवा पेहक्‍योगी था़ म़ेहबा मिहली ज्‍योर्केन्‍गी हकदार डो ख़ूसीन।

२ थेसलोनिकी 1:11

ओ़ह सोङबे किन्‍ज्‍योगी का़हन्‍दी मिहलीगी तेहन्‍दाला ख्‍या फ़ेबे-म़ेहमेया़ला क़े क्‍याहप नाङग्‍यो यिहम्‍बा, ओ़ह मिहलीला ते़बे राहङगी मिहजी ताङज्‍येला सी़हएँगी मिहया़ ज़ो नाङज्‍यु ओहले राहङ फ़ेबे-म़ेहमेया़गी सेमला या़हबु ऩेक्‍योगी थाम्‍ज्‍यीराङ से़हया़ दाङ तेहपागी छ्या़लेया़ किन्‍ज्‍योकी ओङगी जेतीॱराङ तेहन्‍दा डुप च्‍य़ू नाङज्‍यु।

एफिसी 4:1

ओ़ह सोङबे, चो़वोकी तेहन्‍दाला चोन-खाङला छ्यिक्‍यो ङाह पावल, ख्‍याया़ला ओहर-छ्य़े स्‍युहउ येह, किन्‍ज्‍योगी ख्‍याया़ला च्‍यिगी तेहन्‍दाला क़े क्‍याहप नाङग्‍यो यिहम्‍बा ओ़हला ते़बे राहङगी डोलु-तेहलु या़हबु पेहती मिहजी ताङदोङ।

१ तिमोथी 6:12

यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।

१ पत्रुस 5:10

थाम्‍ज्‍यी काटीनकी किन्‍ज्‍योगी मास्‍यीकाला यिह-छ्य़े नाङदी राहङदी नाहमॱआङ मिहसीहन्‍गेन्‍गी ज़िज्‍यिद नाङज्‍येला ख्‍याया़ला क़े क्‍याहप नाङदी येह। ख्‍यागी ङ्यिहमा तोबाज्‍यी तुहक्‍पु खुर फान्‍ज्‍यो मिहरोगीॱराङ ख्‍याया़ला येहपाराङ साम्‍बा ज़ो नाङज्‍ये येह, ओहले ख्‍यागी सेम थिक-चिला ज़्‍या़दी ओङज्‍या छ्यिम्‍बु ज़ो नाङज्‍ये येह ओहले ब्राम सान्‍दी तिङग्‍यो ग्‍या़ला ज़्‍या़ नाङज्‍ये येह।

एफिसी 1:11

थाम्‍ज्‍यीराङ से़हया़ किन्‍ज्‍योगी राहङगी ज़ोक्‍योकी च्‍याहम्‍दा दाङ आप्‍ता च्‍येएँ लाहमले काहल्‍दी येह। किन्‍ज्‍योगी तोहङलेराङ आप्‍ता च्‍ये नाङग्‍योकी स्‍याहल लाहमले मिहरोगी थु-सेम जे-नाङदी ओहराङला मास्‍यीकाला दाम नाङसीन।

हिब्रू 10:32

ओ़ह तोहङमागी ङ्यिहमाया़ टेहम्‍बा साल्‍दोङ। ओहजे काहङला ख्‍याया़गी किन्‍ज्‍योकी क्‍या-साङे ज्‍योर फान्‍ज्‍यो माहङबुराङ तुहक्‍पु खुर कोहसीन यिहॱनाङ ख्‍याया़गी सेम मा-फाम्‍बु माहकाहल।

१ थेसलोनिकी 2:12

ख्‍यागी डोलु-तेहलुया़ किन्‍ज्‍योला सी़ह ख़ूएँगी मिहजी ओहङ ख़ूज्‍यु म़ेदी ङ्यिहगी ख्‍या फ़ेबे-म़ेहमेया़ला स्‍युक क्‍ये च्‍य़ूएँराङ सेम ज़ुङ च्‍य़ूदी थाल्‍मा च्‍याहरको येह। च्‍यिबेमाना किन्‍ज्‍योगी ख्‍या फ़ेबे-म़ेहमेया़ला मिहरोगी राहङदीराङ क्‍याहल्‍सी दाङ ज़िज्‍यिदला क़े क्‍याहप नाङदी येह।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

२ थेसलोनिकी 2:16

ता़ह ओहराङला चेवा जे नाङगे दाङ काटीन लाहमले था़ म़ेहबाकी सेम-स्‍युक दाङ ज्‍यिबुराङ या़हबु रेहवा नाङगेन ओहराङ चो़वो येशू मास्‍यीका दाङ किन्‍ज्‍यो याहप राहङगीराङ,

१ थेसलोनिकी 5:8

यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

मत्ती 13:15

च्‍यिबेमाना दि मिहया़गी सेम ङोहॱराङ मे़हस्‍येएँ काहल्‍दी येह। खुङया़गी नाम्‍ज्‍यो मे़हथेगे काहल्‍दी येह ओहले खुङया़गी मी़ चुम्‍दी येह। मिहन्‍सीमानानी खुङया़गी थोङज्‍ये दाङ थे़ज्‍ये येहकें ओहले सेमगी ङोह स्‍ये़ज्‍ये येहकें ओहले खुङया़गी राहङगी सेम ङाह ङो़ले ग्‍युर्च्‍ये येहकें ओहले ङाह खुङया़ला टा़ह च्‍य़ूज्‍ये येहकें’।”

१ पत्रुस 3:9

सुज्‍यीगी चोक्‍पा पेहसीन म़ेदी खोलाॱआङ चोक्‍पा माहबे, खोगी मे़मु क्‍याहप्‍सीन म़ेदी ख्‍यागीॱआङ खोला मे़मु माहक्‍याहप यिहॱनाङ ओ़हगी छापला खोला मेलाम क्‍याहप्‍तोङ च्‍यिबेमाना दिगी तेहन्‍दालाराङ ख्‍याया़गीॱआङ मेलाम ल़ेहन ख़ूज्‍यु म़ेदी किन्‍ज्‍योगी ख्‍याला क़े क्‍याहप नाङग्‍यो यिहम्‍बा।

हिब्रू 6:4

च्‍यिबेमाना लेहमा च्‍यी़ किन्‍ज्‍योगी क्‍या-साङे ज्‍योर्ती स्‍यिहङगामकी काबापदीॱआङ प्रे़ह ङ्याहम सिहन्‍ग्‍योया़, ओहले नाम्‍पार-ताहक्‍पा थु ङ्याम्‍बुॱआङ च्‍यी़राङ डी़ सिहन्‍ग्‍योया़,

कलस्‍सी 3:15

मास्‍यीकागी नाङगेन स्‍य़िहदेगी ख्‍याया़गी सेमला ओङ छ्य़े नाङज्‍यु। तेहम्‍बाराङ, ख्‍या सेम लो तेहमु पेहती राहङगी मिहजी ताङज्‍येगी तेहन्‍दाला ज़ुबु च्‍यी़लाॱराङ क़े क्‍याहप नाङग्‍यो यिहम्‍बा। ख्‍याया़गी थुज्‍यी-छ्ये़ फुल्‍दोङ।

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

कलस्‍सी 1:5

ख्‍याया़गी तेहन्‍दाला स्‍यिहङगामला या़हबु पेहती ज़्‍या़क्‍यो रेहवागी पेहती ख्‍यागी दि ल़ेहमु यिह-छ्य़े दाङ चेवा पेहक्‍यो यिहम्‍बा। दिगी तेहन्‍दाला ख्‍याया़गी तोहङलेराङ तेहन्‍दामकी सुङ पे यिहॱनाङ या़हबु लेहङगु थ़े सिहन्‍दी येह।

एफिसी 2:12

ओ़ह ती़हजीला ख्‍याया़ मास्‍यीका यिहन्‍ज्‍यु खा फ़ेदी तेहती येहकें। ख्‍याया़ किन्‍ज्‍योगी दाम नाङग्‍योकी क्‍यिहपा इस्राएलीया़ ङ्याम्‍बु डोलु तेहलुॱराङ म़ेहबा येहकें ओहले मिहरोगी ताहम्‍ज्‍या ज़्‍या़ नाङदी थि नाङग्‍यो ताहम्‍ज्‍याला ख्‍याया़ छ्यि-क्‍याहपा मिहया़ येहकें। ख्‍याया़ दि जाम्‍बुलीङला रेहवाराङ म़ेहबाकी मिहया़ ल़ेहमु येहकें ओहले ख्‍यागी किन्‍ज्‍योला ङोहॱराङ स्‍य़ेदी म़ेहबा येहकें।

गलाती 5:5

च्‍यिबेमाना किन्‍ज्‍योकी थुगीॱराङ ङ्यिहला यिह-छ्य़े लाहमले किन्‍ज्‍योकी दिनला च्‍यिॱआङ क्‍येन म़ेहबाकी मिह ज़ो नाङगे रे़हवाकी लाहम कू़हदे तेहच्‍येला रो़हराम जे नाङगे यिहम्‍बा।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

ल़ेह-पेन 16:14

ङ्यिहगी माक्‍योगी ताम ङ्यिहन्‍गेनया़ नाहङला लिडिया माएँ पी़हमी च्‍यी़ येहकें। मोह थिआटीरा क्‍याहसादी यिहन्‍गे ओहले मोह क्‍ये़हज्‍येन काप्‍च्‍यागी छोङ क्‍याहप्‍को येहकें। ओहले मोहगी किन्‍ज्‍योला छ्येपा फुल्‍गो येहकें। ओहले पावलगी माक्‍योगी तामला या़हबु पेहती ङ्यिहन्‍दी पेहच्‍यु म़ेदी चो़वोगी मोहगी सेम खा फे़ नाङसीन।

फिलिप्‍पी 3:14

ओ़ह सोङबे स्‍यिहङगामकी च्‍याहगा ज्‍योर्केन छ्याप्‍स्‍यीगी ते़-च़ूक्‍यो ग्‍या़ ङो़ले ङाह छ्योङगेराङ येह। दिगी तेहन्‍दालाराङ किन्‍ज्‍योगी ङाहला मास्‍यीका येशू लाहमले क़े क्‍याहप नाङग्‍यो यिहम्‍बा।

मर्कूस 10:17

येशू ओहलेगी फेप्‍च्‍ये जेकेमु मिह च्‍यी़ छ्योङदी ओहङदी येशूगी दिनला पी़मु च़ूदी, “ओ़ थाम्‍ज्‍यी म़ेदी या़हबु लोबेन लाह, नाहमॱआङ स्‍यिज्‍ये म़ेहबागी मिहली ज़ाङबु थोप्‍च्‍येला ङाहगी च्‍यि पेह कोहएँ?” म़ेदी स्‍युहसीन।

रोमी 2:4

किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?

रोमी 11:29

च्‍यिबेमाना किन्‍ज्‍यो राहङगी नाङग्‍यो काबापया़ नाहमॱआङ लो़दी नोम मेहनाङगे ओहले क़े क्‍याहप नाङग्‍योया़ला नाहमॱआङ क्‍युर ज़्‍या़ मेहनाङगे।

कलस्‍सी 1:12

किन्‍ज्‍योगी क्‍या-साङे क्‍याहल्‍सीला मास्‍यीकाकी नाम्‍पार-ताहक्‍पा मिहया़गी ज्‍योर्केन्‍की से़हया़ ख्‍याया़लाॱआङ ज्‍योर ख़ूएँदी ज़ो नाङदी येह ओ़ह सोङबे दिगी तेहन्‍दाला किन्‍ज्‍योला नाहम-माना थुज्‍यी-छ्ये़ फुल्‍दोङ।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

कलस्‍सी 2:2

च्‍यिबेमाना दि लाहमले ख्‍या यिह-छ्य़ेला सान्‍दी डो ख़ूज्‍यु ओहले च्‍यी़गी च्‍यी़ला चेवा पेहती ख्‍या च्‍यी़राङ डो ख़ूज्‍यु। दि ल़ेहमु पेह फान्‍ज्‍यो किन्‍ज्‍योकी तिहङ-रिहङबुकी येहन्‍देन ङोह स्‍य़े ख़ूएँ दु म़ेदी ख्‍या राहङगी तेहम्‍बाराङ क्‍यी़ह ज्‍योर्च्‍ये येह। ओहले तिहङ-रिहङबुगी येहन्‍देनदी मास्‍यीका यिहम्‍बा।