कलस्‍सी 4:6 - ह्योल्‍मो

⁶ छागी प्रे़ह तेरक्‍यो ल़ेहमुराङ ख्‍यागी ताम मालु नाहम्‍माॱनाङ या़हबु दाङ ङ्येम्‍बु ओहङज्‍यु। ख्‍यागी मिह थाम्‍ज्‍यीला काह-ठि पेहती ल़ेहन क्‍याहप कोहएँ यिहम्‍बा, ओ़ह ख्‍याला क्‍यी़ह ओहङज्‍यु।

कलस्‍सी 4:6 Referans Kwoze

एफिसी 4:29

ख्‍यागी खालेगी चोक्‍पा तामया़ माहथेन्‍ज्‍यु, यिहॱनाङ ती़हजीला ते़बे ठाबे दाङ मिहली याहरक्‍यी डो च्‍युएँगी या़हबु तामया़ च्‍यी़राङ माएँ पेहतोङ, दि लाहमले ङ्यिहन्‍गे मिह थाम्‍ज्‍यीला काटीन ज्‍योर्च्‍यु।

१ पत्रुस 3:15

यिहॱनाङ मास्‍यीकाला चो़वो ने़दी ख्‍ये सेमगी मास्‍यीकाला ची़नाङ पेहतोङ। ख्‍या नाहङला येहकेन्‍गी रेहवागी तेहन्‍दाला सुज्‍यीगी टी़हसीन माना ओ़हगी ल़ेहन क्‍याहप्‍च्‍येला नाहम्‍माॱनाङ ठाबे पेहती तेहतोङ, यिहॱनाङ ओ़ह ल़ेह ङ्येम्‍बु दाङ ची़नाङ पेहती पेहतोङ।

मर्कूस 9:50

छा या़हबु स़ेह यिहम्‍बा यिहॱनाङ छा प्रे़हराङ याहल्‍सीमाना च्‍यि से़हगी छा प्रे़ह ज़ोज्‍ये ले? राहङ ङ्याम्‍बु येहकेन्‍गी छाला या़हबु पेहती सी़दे ज़्‍यो़ ओहले राहङ नाहङदुङ थिन्‍दी तेह।”

कलस्‍सी 3:16

मास्‍यीकागी सुङदेनगी ख्‍यागी सेम बोलो-छ्योलो पेहती काहङज्‍यु। राहङ ङ्याम्‍बु का़ह येहकेन रिहक्‍पा-रिहक्‍स्‍यीगी च्‍यी़गी च्‍यी़ला लोप्‍तोङ ओहले टे़हरिम तेर। सेम तिहङ यिहन्‍ज्‍युराङ किन्‍ज्‍योगी छ्ये़-लुया़ लेहन्‍दोङ, त़ेरा तेच्‍या फुल्‍दोङ, यिहक्‍तेन लुया़ लेहन्‍दोङ ओहले मिहरोला थुज्‍यी-छ्ये़ फुल्‍दोङ।

मत्ती 5:13

“ख्‍याया़नी जाम्‍बुलीङगी छा यिहन, यिहॱनाङ छागी प्रे़हराङ याहल्‍सीमाना ओ़हदी येहपाराङ च्‍यि से़हगी छा प्रे़ह ज़ोज्‍ये ले? ओ़ह छानी फिला क्‍युर चाहङज्‍ये दाङ मिहगी काङबागी नेम्‍गे म़ेदीनी लेहमेन च्‍यि से़हॱलाङ फेन थो़ज्‍ये म़ेह।”

लूका 4:22

ओहले मिह थाम्‍ज्‍यीगीराङ येशूला तेपा फुल्‍सीन। येशूगी काटीनगी काहङग्‍योगी स्‍याहल थे़दी खुङ ह्‍अ ल़ेहसीन। ओहले च्‍यी़गी च्‍यी़ला मामा चे़दी, “दिनी योसेफकी पुह मिहम्‍बा ले?”