कलस्‍सी 3:9 - ह्योल्‍मो

⁹ च्‍यी़गी च्‍यी़ला स्‍योप माहक्‍याहप, च्‍यिबेमाना ख्‍यागी राहङगी निङबा मिहली दाङ पेहताङया़ थाम्‍ज्‍यीराङ पाङ सिहन्‍दी येह।

कलस्‍सी 3:9 Referans Kwoze

एफिसी 4:25

ओ़ह सोङबे ता़ह स्‍योप क्‍याहप्‍केन्‍गी पेहताङया़ पाङदोङ। च्‍यी़गी च्‍यी़ला ताम थेका म़ेदोङ च्‍यिबेमाना ओहराङ थाम्‍ज्‍यी मास्‍यीकाकी च्‍यिमे च्‍यी़राङ कुसोकी ओङबुया़ यिहन।

एफिसी 4:22

तोहङमाकी डोलु-तेहलुया़ पेहती राहङगी मिहजी ताङगे ख्‍याया़की निङबा मिहली क्‍युर्तोङ म़ेदी ख्‍याया़गी ह्‍अ केह सिहन्‍दी येह। ख्‍याया़ती चोक्‍पा-चोक्‍पा सेम्‍बाया़गी पेहती ओ़ह निङबा मिहली तोङदी डोॱराङ येहकें।

यूहन्‍ना 8:44

ख्‍या राहङगी आबा दियाबलस यिहम्‍बा, ओहले ख्‍या आबागी सेम्‍बा छाङबु पेहच्‍येला ख्‍यागी सेमला ऩे सिहन्‍दी येह। खोगीनी तोहङ यिहन्‍ज्‍युराङ मिहया़ सेको येहकें, ओहले तेहन्‍दाम ङ्याम्‍बु खोला च्‍यिॱआङ नाङदा म़ेह। च्‍यिबेमाना खोला तेहन्‍दाम च्‍यिॱआङ म़ेह। खोगी राहङगी पेहताङला ते़बे नाहम-माना स्‍योप क्‍याहप्‍के च्‍यिबेमाना खो स्‍योप्‍केर यिहम्‍बा ओहले खो स्‍योप क्‍याहप्‍केनया़गी आबा यिहम्‍बा।

रोमी 6:6

ओहराङला दि क्‍यी़हराङ येह, तिहक्‍पागी ओङ छ्य़े तेहक्‍योकी मिहली तोङज्‍यु म़ेदी, ओहले ता़ह यिहन्‍ज्‍यु ओहराङ तिहक्‍पाकी योक्‍पु माहन्‍डोज्‍यु म़ेदी ओहराङगी तोहङमागी मिहली मास्‍यीका ङ्याम्‍बुराङ क्‍याहङस्‍यीङला च्‍याङ सिहन्‍दी येह।

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”

ज्‍याल्‍गा 21:27

ल़ूह स्‍ये़बुकी मिहलीकी छ्य़ेला मिहन प्रुहक्‍योया़ च्‍यी़राङ ओ़ह क्‍याहसा नाहङला स्‍य़ूह ङ्युहङज्‍ये येह। मेहचाङा से़हया़, ङोहजागी ल़ेह पेहकेनया़ ओहले चिहन क्‍याहप च्‍य़ूगेनया़ ओ़ह नाहङला स्‍य़ूह ङ्युहङज्‍ये म़ेह।

१ तिमोथी 1:10

छ्येउ-छ्येंमु पेहकेनया़गी तेहन्‍दाला, क्‍येप-ख्‍योवा नाहङदुङ देक्षा पेहकेनया़गी तेहन्‍दाला, मिह-छोङ पेहकेनया़गी तेहन्‍दाला, स्‍योप क्‍याहप्‍केनया़गी तेहन्‍दाला, स्‍योप क्‍याहप्‍ती पाङबु तेर्केनया़गी तेहन्‍दाला, ओहले तेहन्‍दामकी लुहङला टाह पेहती ल़ेह पेहकेनया़गी तेहन्‍दाला ज़ोक्‍यो यिहम्‍बा।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

कलस्‍सी 3:8

यिहॱनाङ ता़ह ख्‍याया़गी स्‍यिहताङ दाङ टाहसेम पेहकें, ठादो पेहकें, ख्‍येर क्‍याहप्‍केन दाङ छारा ताम माएँया़ क्‍युर कोहएँ।