कलस्‍सी 2:9 - ह्योल्‍मो

⁹ च्‍यिबेमाना मास्‍यीकाकी कुसोला किन्‍ज्‍योगी थाम्‍ज्‍यी गीनया़ छाङबु जेती ज़्‍य़ू नाङदी येह।

कलस्‍सी 2:9 Referans Kwoze

कलस्‍सी 1:19

च्‍यिबेमाना किन्‍ज्‍यो राहङ ङ्याम्‍बु येहकेन्‍गी ना थाम्‍ज्‍यीकी छाङबु मास्‍यीकाला ज़्‍य़ू नाङज्‍येला मिहरोगी थु काहसो जे नाङसीन।

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 10:30

याहप दाङ ङाह च्‍यी़राङ यिहन।”

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

यूहन्‍ना 14:20

ओ़ह ङ्यिहमु ‘ङाह ङाहगी याहप ङ्याम्‍बु येह, ओहले ख्‍या ङाह ङ्याम्‍बु येह, ओहले ङाह ख्‍या ङ्याम्‍बु येह’ माएँ ताम ख्‍यागी ङोह स्‍ये़ज्‍ये येह।

यूहन्‍ना 17:21

खुङ थाम्‍ज्‍यी च्‍यी़राङ डो ख़ूज्‍यु म़ेदी ङ्यिह राहङला ओहर-छ्य़े स्‍युहएँ। ओ़ याहप, ङाह राहङ ङ्याम्‍बु ओहले राहङ ङाह ङ्याम्‍बु ज़्‍य़ूदी ओहराङ च्‍यी़राङ काहल्‍ग्‍यो ल़ेहमु खुङॱआङ ओहराङ ङ्याम्‍बु डी़दी च्‍यी़राङ ओहङ ख़ूज्‍यु ओहले राहङगीराङ ङाहला ताङ नाङग्‍यो यिहन म़ेदी जाम्‍बुलीङगी यिह-छ्य़े ख़ूज्‍यु।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

लूका 3:22

ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

मत्ती 1:23

“त़ेदोङ, पोहमो स्‍यार्मा याहङबा च्‍यी़ ज़ुबु ङ्यिहपा डोज्‍ये येह ओहले मोहगी स़ेबु च्‍यी़ ठुङज्‍ये येह। ओहले मिहया़गी मिहरोला इम्‍मानुएल माज्‍ये येह।” इम्‍मानुएल माक्‍योगी तेहन्‍दादी किन्‍ज्‍यो ओहराङ ङ्याम्‍बु ज़्‍य़ू नाङदी येह म़ेदी माक्‍यो यिहम्‍बा।

२ कोरिन्‍थी 5:19

येशू मास्‍यीका लाहमले किन्‍ज्‍योगी मिह थाम्‍ज्‍यीला येहपाराङ थिन च्‍य़ू नाङगेराङ येह। किन्‍ज्‍योगी खुङया़गी तिहक्‍पाया़ च्‍यिॱआङ टाहङजी ज़्‍या़ माहनाङ, यिहॱनाङ खुङया़ला किन्‍ज्‍यो ङ्याम्‍बु थिन च्‍य़ूएँ ठालगी लेहङगु मिहरोगी ङ्यिहला चि क्‍याहप नाङसीन।

१ यूहन्‍ना 5:7

ओ़ह सोङबे येशू मास्‍यीकाकी तेहन्‍दाला पाङबु तेर्केन तामया़ सुम येहबा–

यूहन्‍ना 2:21

यिहॱनाङ येशूगी सुङ नाङग्‍योकी छ्योखाङदी मिहरो राहङदी कुसो यिहन्‍गे।

यूहन्‍ना 1:16

मिहरो ङ्याम्‍बु काटीन बोलो-छ्योलो येहकें सोङबे ओ़ह लाहमलेॱराङ ओहराङगी काटीन थो़ला राहङसा काटीन ज्‍योर्ती येहबा।

ल़ेह-पेन 17:29

ओहराङ किन्‍ज्‍योगी छार्क्‍यीन यिहन्‍गे सुङगोराङ, ओहराङगी किन्‍ज्‍योला मिहगी रिहक्‍पा दाङ खे़बागी ज़ोक्‍योगी तोह, सेर दाङ ङुलगी कु ल़ेहमु ने़ज्‍ये मेहयोहङगे।

लूका 14:22

“ओहले योक्‍पुगी ताहक्‍पुला मासीन, ‘ने़बु लाह, राहङगी सुङ नाङग्‍योया़ला ङाहगी क़े क्‍याहप्‍ती ख्‍योङसीन। यिहॱनाङ तोहरोङॱआङ तेहसा ग्‍या़ नि माहङबुराङ येह’।”