कलस्‍सी 2:1 - ह्योल्‍मो

¹ ता़ह ख्‍याया़गी दि केच्‍या ह्‍अ कोहज्‍यु माएँ ङाहती सेम्‍बा येहबा, काह-ठि पेहती ख्‍याया़ दाङ लाउडिकियाला येहकेन्‍की मिहया़ ओहले ङाहला थोङॱराङ माहथोङबा मिह थाम्‍ज्‍यीगी तेहन्‍दाला ङाह कादुप च्‍येती ल़ेह पेहकें,

कलस्‍सी 2:1 Referans Kwoze

कलस्‍सी 1:29

मास्‍यीकागी नाङग्‍यो ङाह नाहङला छ्या़ले जे नाङगे वाङज्‍या छ्यिम्‍बुगीॱराङ ङाह सेम तिहङ यिहन्‍ज्‍युराङ कादुप च्‍येती दि ल़ेह पेहकें।

फिलिप्‍पी 1:30

काहल्‍ग्‍यो ङ्यिहमाया़ला ङाहगी तुहक्‍पु पेहक्‍यो ख्‍याया़गी थोङदी येह ओहले ताहन्‍दाॱआङ तुहक्‍पु पेहकेनॱराङ येह म़ेदी ख्‍याया़गी थे़दी येह ता़ह ख्‍याया़गीॱआङ दि तुहक्‍पुराङ खुर्केॱराङ येह।

ज्‍याल्‍गा 1:11

ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।

कलस्‍सी 1:24

ता़ह ख्‍याया़गी तेहन्‍दाला ङाहगी तुहक्‍पु खुर्केमु ङाह सेम काहसो पेहकें, ओहले मास्‍यीकाकी कुसो छेन्‍छोककी तेहन्‍दाला मिहरोदी खादी लिहक्‍यो तुहक्‍पुया़ ङाहती ज़ुबुला खुर्ते छाङबु पेहकें।

ल़ेह-पेन 20:38

ओहले पावलगी, येहपाराङ नाहमॱआङ थु ङ्युहङज्‍ये म़ेह माक्‍यो सोङगोराङ खुङया़ माहङबुराङ तुहङाल पेहसीन। ओहले खुङया़गी पावलला छ्यु-टुह थु क्‍याल काहल्‍सीन।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।

कलस्‍सी 2:5

ज़ुबुला ङाह ख्‍यालेगी था़-रिहङबु येहॱनाङ यिहलानी ङाह ख्‍या ङ्याम्‍बुराङ येह। ओहले ख्‍यागी राहङगी मिहजी दाङ मास्‍यीकाला ख्‍यागी तेहपा सान्‍दी थोङदी ङाहला ज्‍यिबुराङ क़ेहनाङ लाहङदी येहबा।

गलाती 4:19

ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

ल़ेह-पेन 20:25

ता़ह ज़ी़-नाङदोङ, राहङ फे़बेया़गी पाहरक्‍यीला ङाहगी किन्‍ज्‍योगी क्‍याहल्‍सीगी तेहन्‍दाला प्रा साल्‍दी ओहङदीराङ येहबा, ता़ह ओहराङ नाहमॱआङ थु मिहङ्युहङ म़ेदी ङाहला क्‍यी़ह येहबा।

लूका 22:44

येशूगी थु ज्‍यिबुराङ ङ्युङदी येहकें यिहॱनाङ येशूगी तोहरोङॱआङ माहङबु सोल्‍वाङ ताप नाङसीन, ओहजेला येशूगी ङुल्‍ज्‍यु ठा़गी थी़बा ल़ेहमुराङ साला ताहप्‍सीन।]

हिब्रू 5:7

येशू राहङगी मिहगी मिहली नोम नाङगेमु राहङला स्‍यिएँगी ओङलेगी थार च्‍य़ू थुप्‍केन किन्‍ज्‍यो ङ्याम्‍बु स्‍योम्‍दी मिज्‍यु ताङगेराङ सोल्‍वाङ ताप नाङसीन। मास्‍यीकाकी दि रोहवा स्‍यिहवा दाङ किन्‍ज्‍योला क्‍याप्‍क्‍यो ज़ी़दी किन्‍ज्‍योगी मिहरोगी सोल्‍वाङ सेन नाङसीन।

१ थेसलोनिकी 2:2

ख्‍या फ़ेबे-म़ेहमेॱया साला ओहङगे म़ेदी तोहङले फिलिप्‍पीकी मिहया़गी ङ्यिहला आब्रु तेन्‍दी ज्‍यिबुराङ तुहक्‍पु तेर्सीन। दि केच्‍याॱआङ ख्‍या फ़ेबे-म़ेहमेया़ला थुयी़राङ येह। मिहया़गी ङ्यिहला ज्‍यिबुराङ टाह पेहॱनाङ किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍येच्‍येला ङ्यिहला किन्‍ज्‍योगीॱराङ स्‍युक क्‍ये च्‍य़ू नाङसीन।