कलस्सी 1:4 - ह्योल्मो4 च्यिबेमाना मास्यीका येशूला येहकेन्गी ख्याया़गी तेहपा दाङ किन्ज्योकी नाम्पार-ताहक्पा मिहया़ थाम्ज्यीलाराङ ख्याया़गी पेहक्यो चेवागी तेहन्दाला ङ्यिहगी थे़दी येह। Gade chapit la |
कलस्सी 1:4
18 Referans Kwoze
आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।
यिहॱनाङ ताहन्दा तिमोथी ख्या फ़ेबे-म़ेहमेॱया साले पेहती ङ्यिहसाला लो़ह लेप्सीन। ओहले तिमोथीगी ख्या फ़ेबे-म़ेहमेया़गी चेवा दाङ तेहपागी तेहन्दाला ज्यिबुराङ या़हबु लेहङगु नोम फेप्सीन। ङ्यिहगी ल़ेहमुराङ ख्या फ़ेबे-म़ेहमेया़गीॱआङ ङ्यिहला टेहम्बा साल्दी थुज्येला ज्यिबुराङ सेम्बा जे नाङग्यो दुबा।
खो ओहङग्यो सोङबे च्यी़राङ मिहम्बा, यिहॱनाङ तीतसगी ख्याया़ लाहमले ज़्योरक्योगी सेम लो तेहमुगी पेहती ङ्यिहगी सेम लो तेहमु काहल्सीन। ङाह ङ्याम्बु थू़ज्ये म़ेदी ख्याया़ ज्यिबुराङ सेम्बा पेहकु दु माएँ ताम ङ्यिहगी तीतस लाहमले क्यी़ह ज्योर्सीन। ङाहगी तेहन्दाला ख्याया़ ज्यिबुराङ ङ्याहङेन पेहकु दु लो ओहले तुहङालॱआङ पेहकु दु लो माएँ ताम थे़गेमु ङाह ज्यिबुराङ सेम काहसो काहल्सीन।
किन्ज्योगी रो़हराम जे नाङज्यु म़ेदी ख्याया़गी नाहम्माॱनाङ सोल्वाङ ताप्तोङ। ती़हजी थाम्ज्यीला नाम्पार-ताहक्पा थुगी ओङ लाहमले सोल्वाङ ताप्तोङ। दि केच्या सेमला ज़्या़दी नाहम्माॱनाङ जेम्बु पेहती सोल्वाङ ताप्तेॱराङ तेहतोङ ओहले मास्यीकाकी थाम्ज्यीराङ नाम्पार-ताहक्पा मिहया़की तेहन्दालाॱआङ सोल्वाङ ताप्तोङ।
Piblisite