कलस्‍सी 1:26 - ह्योल्‍मो

²⁶ दि लोप्‍च्‍युङ काल्‍बा-काल्‍बा दाङ आख्‍ये मे़हमेया़ यिहन्‍ज्‍यु सी़दे ज़्‍या़क्‍यो तिहङ-रिहङबुकी ताम ता़ह किन्‍ज्‍योगी मास्‍यीकाकी नाम्‍पार-ताहक्‍पा मिहया़ला दिगी तेहन्‍दा ह्‍अ कोह च्‍य़ू नाङदी येह।

कलस्‍सी 1:26 Referans Kwoze

लूका 8:10

ओहले येशूगी खुङया़ला सुङ नाङसीन, “ख्‍याया़ला किन्‍ज्‍योगी क्‍याहल्‍सीगी तिहङ-रिहङबुगी केच्‍याया़ ह्‍अ कोह च्‍य़ूदी येह, यिहॱनाङ लेहमेन मिहया़ ङ्याम्‍बुदी ङाह पे ज़्‍या़दी ताम माएँ, खुङया़गी ताज्‍येनी ताएँ यिहॱनाङ मेहथोङगे, ङ्यिहन्‍ज्‍येनी ङ्यिहन्‍गे यिहॱनाङ ह्‍अ मेहकोएँ।”

मत्ती 13:11

येशूगी खुङया़ला सुङ नाङसीन, “त़ेदोङ, किन्‍ज्‍योगी क्‍याहल्‍सीला नाहङ-तामया़ ख्‍याया़ला ह्‍अ कोह च्‍य़ूक्‍यो येह, यिहॱनाङ खुङया़लादी ह्‍अ कोह च्‍य़ूदी म़ेह।

२ तिमोथी 1:10

ओ़ह काटीन ता़ह ओहराङला थार्पा नाङगेन मास्‍यीका येशू फेप्‍तीलेॱआङ तेन नाङ सिहन्‍दी येह। मिहरोगी स्‍यिएँगी ओङला तोङ च्‍य़ू नाङदी मिहली दाङ नाहमॱआङ मे़ह-तोङगेन्‍दीला या़हबु लेहङगु लाहमले तेन नाङसीन।

१ कोरिन्‍थी 2:7

यिहॱनाङ ङ्यिह किन्‍ज्‍योगी पे़हदी ज़्‍या़ नाङग्‍यो दाङ साङदे ज़्‍या़ नाङग्‍योकी रिहक्‍स्‍यीगी तेहन्‍दाला प्रा साल्‍गो येहबा। ओ़ह काल्‍बा-काल्‍बा तोहङ यिहन्‍ज्‍युराङ ओहराङगी ज़िज्‍यिदकी तेहन्‍दालाराङ ठाबे जे नाङग्‍यो येहकें।

मर्कूस 4:11

ओहले येशूगी सुङ नाङसीन, “किन्‍ज्‍योगी क्‍याहल्‍सीला तिहङ-रिहङबुगी केच्‍याया़ ङोह स्‍य़े ख़ूएँगी ओङ ख्‍याला तेर्ती येह, यिहॱनाङ फिगी मिहया़लानी ताम थाम्‍ज्‍यीराङ पे ज़्‍या़देॱराङ माएँ।

कलस्‍सी 2:2

च्‍यिबेमाना दि लाहमले ख्‍या यिह-छ्य़ेला सान्‍दी डो ख़ूज्‍यु ओहले च्‍यी़गी च्‍यी़ला चेवा पेहती ख्‍या च्‍यी़राङ डो ख़ूज्‍यु। दि ल़ेहमु पेह फान्‍ज्‍यो किन्‍ज्‍योकी तिहङ-रिहङबुकी येहन्‍देन ङोह स्‍य़े ख़ूएँ दु म़ेदी ख्‍या राहङगी तेहम्‍बाराङ क्‍यी़ह ज्‍योर्च्‍ये येह। ओहले तिहङ-रिहङबुगी येहन्‍देनदी मास्‍यीका यिहम्‍बा।

कलस्‍सी 4:3

ङाहगी या़हबु लेहङगु स्‍येक्‍यो सोङबेॱराङ ङाह चोन-खाङला छ्यिक्‍यो यिहम्‍बा। ता़ह मास्‍यीकागी तिहङ-रिहङबुकी स्‍याहल स्‍येच्‍येला ओहले मिहरोकी या़हबु लेहङगु प्रा-साल्‍ज्‍येला किन्‍ज्‍योगी ङ्यिहला कोह च्‍यी़ खा फे़ नाङज्‍यु म़ेदी सोल्‍वाङ ताप तेर।

मत्ती 20:7

खुङया़गी खोला मासीन, ‘के ङ्यिहला सुज्‍यीगीॱआङ ल़ेहला मा़हच्‍यु।’ ओहले खोगी मासीन, ‘ओ़ह ल़ेहमु यिहन्‍सीमाना ख्‍याया़ॱआङ ङाहगी कुहन्‍डुम स्‍यिहङला ल़ेह पेहच्‍येला सोङ’।”