ल़ेह-पेन 9:6 - ह्योल्‍मो

⁶ यिहॱनाङ लाहङदी क्‍याहसाला सोङ, ख्‍येगी पेह कोहकेन्‍गी ल़ेह ओ़हला ख्‍येला स्‍येच्‍ये येह।”

ल़ेह-पेन 9:6 Referans Kwoze

ल़ेह-पेन 22:10

ओहले ङाहगी मासीन, ‘ओ़ह चो़वो छ्येवा, ता़ह ङाह च्‍यि पेहच्‍ये?’ ओहले चो़वो छ्येवागी सुङ नाङसीन, ‘ख्‍ये लाहङदी दमस्‍कसला सोङ, किन्‍ज्‍योगी ख्‍येला कुल नाङगेन्‍गी ल़ेहया़गी तेहन्‍दाला ख्‍येला ओ़ह ग्‍या़लाराङ स्‍येच्‍ये येह।’

ल़ेह-पेन 26:16

ता़ह ख्‍ये लोहङ, ङाह ख्‍येला ङाहगी स्‍याहप्‍तो स्‍य़ूहज्‍येला ओहले ङाहगी तेहन्‍दाला स्‍येके मिह ज़ोएँगी सेम्‍बा येहबा। ओ़ह सोङबे ङाह ख्‍ये येहकें ग्‍या़ला ओहङग्‍यो यिहन। ता़ह ख्‍येगी ङाहगी तेहन्‍दाला थोङग्‍योकी ताम दाङ ङाहगी ख्‍येला तिङला तेन्‍गेन्‍गी तामया़ॱआङ लेहमेन मिहया़ला स्‍ये कोहकें।’

फिलिप्‍पी 2:12

ए ङाहगी च्‍याहम्‍बु रो़हया़, ङाह ख्‍या ङ्याम्‍बु येहकेंमु ख्‍याया़गी नाहम-माना ङाहती तामया़ ङ्यिहन्‍सीन, यिहॱनाङ ता़ह ङाह ख्‍यालेगी था़-रिहङबु येह ङाह ख्‍या ङ्याम्‍बु मे़हॱनाङ ङाहती तामया़ जेन माहङबु पेहती ची़दोङ ओहले किन्‍ज्‍योकी ज्‍यिक्‍पा खुर्तोङ, दार्ती राहङगी ज़्‍योरक्‍यो थार्पाकी ल़ेह छाङबु पेहच्‍येला तुहक्‍पु पेहतोङ।

रोमी 10:20

किन्‍ज्‍योगी सुङ नाङग्‍यो स्‍याहल लुहङतेम्‍बा यशैयागी तोहरोङ खाम छ्यिम्‍बु जेती सुङ नाङगे, “ङाहला मेहछोल्‍गेनया़गी ङाहला च्‍य़ेह सिहन्‍दी येह, ओहले का़हन्‍दीगी ङाहला छोलॱराङ माहछोल खुङया़गी पाहरक्‍यीला ङाहगी राहङला तेन्‍दी येह।”

रोमी 10:3

च्‍यिबेमाना किन्‍ज्‍यो लाहमले ओहङगेन टाहङदेनकी तेहन्‍दाला ङोह मा़हस्‍येबा पेहती खुङया़गी राहङदीराङ टाहङदेनकी छ्याप्‍स्‍यीया़ पेहच्‍ये छोल्‍गेमु खुङ किन्‍ज्‍योकी टाहङदेनकी ओङलेगी फिला काहल्‍सीन।

रोमी 7:9

ती़हजी च्‍यी़ला ङाहगी छ्य़े-ठिम माहन्‍ज्‍योर्पा येहकें ओहजेला ङाह सोम्‍बोराङ येहकें, यिहॱनाङ का़ ज्‍योर फान्‍ज्‍यो ओ़ह ङ्याम्‍बु-ङ्याम्‍बुराङ तिहक्‍पाॱआङ ओहङसीन, ओहले ङाह राहङती स्‍यिसीन।

रोमी 5:20

छ्य़े-ठिम ओहङ फान्‍ज्‍यो तिहक्‍पाॱआङ माहङबु काहल्‍सीन, यिहॱनाङ तिहक्‍पा ङ्याम्‍बुराङ किन्‍ज्‍योगी काटीनॱआङ तोहरोङ माहङरो माहङरो काहल्‍सीन।

ल़ेह-पेन 10:32

ओ़ह सोङबे योप्‍पा क्‍याहसाला मिहया़ ताङदे पत्रुस माएँ सिमोनला क़े क्‍याहप्‍च्‍येला ताङदोङ। खो छो-क्‍याहम्‍जोकी सुहरला को़बाकी ल़ेह पेहकें सिमोनगी खाङबाला तेहती येहबा।’

ल़ेह-पेन 10:22

ओहले खुङगी मासीन, “माक्‍पेन कर्नेलियसगी ङ्यिहला ताङ नाङग्‍यो यिहम्‍बा। खो टाहङबु पेहकेन दाङ किन्‍ज्‍योगी ज्‍यिक्‍पा खुर्केन्‍गी मिह यिहम्‍बा, ओहले यहूदी क्‍यिहपागी मिहया़गीॱआङ खोला ची़नाङ पेहकें। नाम्‍पार-ताहक्‍पा स्‍यिहङगामकी स्‍याहप्‍च्‍यी च्‍यी़ खोसाला लेप्‍सीम्‍बाराङ ‘पत्रुसला राहङगी खाङबाला क़े क्‍याहप्‍ती खोगी ताम ङ्यिहन्‍दोङ’ म़ेदी म़े ज़्‍या़सीन दुबा। ओ़ह सोङगोराङ ङ्यिहगी क़े क्‍याहप ओहङग्‍यो” म़ेदी कर्नेलियसगी ताङग्‍यो मिहया़गी मासीन।

ल़ेह-पेन 10:6

खो को़बाकी ल़ेह पेहकें सिमोनगी खाङबाला तेहती येहबा, ओ़ह खाङबा छो-क्‍याहम्‍जोकी सुहरला येहबा” म़ेदी स्‍यिहङगामकी स्‍याहप्‍च्‍यीगी सुङ नाङसीन।

ल़ेह-पेन 2:37

पत्रुसकी ताम थे़दी मिहया़गी सेम नाहसीन। ओहले पत्रुस दाङ लो़हलो ल़ेह-पेनया़ला खुङया़गी, “ए आदा-नो़हया़, ओ़हठी यिहन्‍सीमानानी ङ्यिह च्‍यि पेहतोङ ले?” म़ेदी टी़हसीन।

लूका 3:10

ओहले मिहया़गी, “आहन्‍डा यिहॱना़ ङ्यिह च्‍यि पेहतोङ ले लाह?” म़ेदी टी़हसीन।

मत्ती 19:30

यिहॱनाङ ताहन्‍दा तोहङला येहकेनया़ तिङला लिहच्‍ये येह ओहले ताहन्‍दा तिङला येहकेनया़दी तोहङले ओहङज्‍ये येह।”

याकूब 4:6

यिहॱनाङ मिहरोगी जे नाङग्‍योकी काटीन जेन छ्यिम्‍बु येहबा। ओ़ह सोङबे नाम्‍पार-ताहक्‍पा सुङरापला दि ल़ेहमु प्री़हदी येहबा, “छ्य़ेन्‍दो तेन्‍गे मिहया़ला किन्‍ज्‍योगी टाह जे नाङगे, यिहॱनाङ ङ्येम्‍ज्‍युङ पेहकेनया़ला थुज्‍यी ज़ी़ नाङगे।”

ल़ेह-पेन 9:5

शाऊलगी टी़हसीन, “चो़वो छ्येवा, राहङ सु यिहम्‍बा?” ओहले ओ़ह सुङ-क़ेगी ल़ेहन क्‍याहप्‍नाङसीन, “ङाह येशू यिहम्‍बा, ओ़हदीला ख्‍येगी तुहक्‍पु तेर्केॱराङ येह।