ल़ेह-पेन 9:3 - ह्योल्‍मो

³ शाऊल दमस्‍कस क्‍याहसाला डोॱराङ येहकें। डोडोपा काहङला क्‍याहसाकी पोहला लेप्‍केमु याहङमे-याहङ नामले येहसेर क्‍याहप्‍ती खोगी कोर-क्‍यिहले येहपा छ्या़सीन।

ल़ेह-पेन 9:3 Referans Kwoze

१ कोरिन्‍थी 15:8

ओहले थाम्‍ज्‍यी म़ेदी तिङस्‍योलादी मास्‍यीका ङाहसाला थेन फेप नाङसीन। ओ़ह ती़हजीला ङाह दावा माहछाङबा पेहती क्‍येक्‍योगी पेहजा ल़ेहमुराङ येहकें।

ल़ेह-पेन 22:6

दमस्‍कसला लेप्‍च्‍ये पेहकेमु नामले माहर मी़राङ छ्यिप्‍केन पेहती येहसेर च्‍यी़ ङाह थो़ला क्‍याहप्‍सीन। ओहजेला ङ्यिहमा फ़ेचे काहल्‍दी येहकें।

ज्‍याल्‍गा 21:23

ओ़ह क्‍याहसाला क्‍या-साङे ज़ोज्‍येला ङ्यिहमा दाङ दायुम मेहकोहएँ च्‍यिबेमाना किन्‍ज्‍योकी ज़िज्‍यिदॱराङ ओ़ह क्‍याहसाती क्‍या-साङे यिहम्‍बा। ओहले ओ़ह क्‍याहसाती लो़दी ल़ूह स्‍ये़बु राहङराङ यिहम्‍बा।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

ज्‍याल्‍गा 22:5

ओ़हला येहपाराङ नाहम से़ज्‍ये म़ेह, ओ़हला लो दाङ ङ्यिहमाकी क्‍या-साङे कोहच्‍ये म़ेह, च्‍यिबेमाना चो़वो छ्येवा किन्‍ज्‍योॱराङ खुङया़गी क्‍या-साङे ओहङज्‍ये येह ओहले खुङया़गी नाहम्‍स्‍यी किन्‍दुॱराङ ओङ छ्य़ेज्‍ये येह।

ल़ेह-पेन 9:17

ओहले चो़वो छ्येवागी सुङ नाङग्‍योकी स्‍याहल ङ्यिहन्‍दी हननिया काहल्‍सीन। ओहले खो खाङबा नाहङला स्‍य़ूहदी शाऊलगी थो़ला राहङगी लाहक्‍पा ज़्‍या़दी मासीन, “नो़ह शाऊल, ख्‍ये ओहङगे लाहमला थ़ूक्‍यो चो़वो येशूगीराङ ख्‍येगी मी़ थोङ ख़ूज्‍यु ओहले ख्‍ये नाम्‍पार-ताहक्‍पा थुगी काहङ ख़ूज्‍यु म़ेदी ङाहला ताङ नाङग्‍यो यिहम्‍बा।”

ल़ेह-पेन 9:27

ओहले बारनाबास माएँ स्‍याहप्‍च्‍यीगी शाऊलला रो़ह पेहती ल़ेह-पेनया़ साला ख्‍येर्सीन। ओहले शाऊल दमस्‍कसला डोएँमु लाहमला चो़वो छ्येवा ङ्याम्‍बु ज्‍याल्‍दी चो़वो छ्येवागी खो ङ्याम्‍बु स्‍याहल सुङ नाङग्‍यो दाङ दमस्‍कसला मा़हन्‍ज्‍यीबा पेहती चो़वो छ्येवा येशूगी छेनला सुङ ख्‍येप्‍टा तेरक्‍योगी तामया़ बारनाबासगी स्‍येसीन।

१ कोरिन्‍थी 9:1

च्‍यि ङाह राहङवाङ म़ेहबा ले? च्‍यि ङाह ल़ेह-पेन मिहम्‍बा ले? च्‍यि ङाहगी येशू, ओहराङगी चो़वोला थोङग्‍यो म़ेहबा ले? च्‍यि ख्‍याया़राङ चो़वोगी तेहन्‍दाला ङाहगी पेहक्‍योकी ल़ेहगी कामेया़ मिहम्‍बा ले?